رحلتي لنيوزلندا الجزء الآول - منتديات شبكة قبيلة الغنانيم الرسمية

06-25-2011, 01:59 PM

فيصل الـروقي

كاتب ذهبي

تاريخ التسجيل: May 2011

المشاركات: 2,996

معدل تقييم المستوى: 16

رحلتي لنيوزلندا الجزء الآول

السلام عليكم ورحمة لله
كيفكم أن شاء لله تمام أنقل لكم تفاصيل رحلتي الى نيوزلندا
وإن شاء لله تستمتعون معنا فيها

أول شي نيوزلندا جزيرتين شماليه وجنوبيه يفصل بينهم مضيق كوك يحدها البحر مع كل جهه ماهوب بحر المحيط الهادئ ولا وراها الا القطب الجنوبي
يعني الموت برد وثلوج وانا تنقلت فيها من الشمال الى الوسط العاصمه الى الجنوب
وهي قريبه منا حذفة عصى
تبعد عن االرياض اكثر من 22000 الف كيلو رحلتي لنيوزلندا الجزء الآول

تراني مكيلها كم يبيلك تقطعها بالسياره ههههههههههه وهي اقرب قاره لها أستراليا وتعتبر فيها

رحلتي لنيوزلندا الجزء الآول

الخطوط اللي تروح لها 3 الخطوط الصينيه والخطو السنغفوريه والخوط الامارتيه اظن فيه خطوط برناويه بس يقولون رخيصه وخايسه
ولافيه رحله دايركت لها لابد تتوقف في دوله ثانيه ثم تواصل رحلتها المسافه طويله انا كنت ابي الاماراتيه لكن تنزل في سيدني ويبغالها فيزه والسنغفوريه كويسه بس ماحصلت عليها حجز انا حجزت قبل الرحله بيوم
اسعار التذاكر تتراوح مابين 9000 الى 8000 واقل تذكره الخطوط الصينيه ب 7000 الى7260 على حسب وقت الحجز
أنا حجزت على خطوط الكاثي بيسفك صينيه وحلو فيها خدمات ممتازه
خط رحلتي الرياض الى هونج كونج الصين 9 ساعات ثم الى اوكلاند نيوزلندا 11 ساعه ومن ثم طياره ثالثه الىولينغتون ساعه مت اخذت 3 ايام طايح من التعب

اتركم مع الصور الجزاء الآول
وهي بالجوال

هونج كونج

رحلتي لنيوزلندا الجزء الآول

أول ماوصلت الصين ودخلت المطار وفتشوني واللغه معي رايحه فيها المهم دبرت عمري
وانا أمشي رايح للبوابة عشان أطلع مع الطياره الثانيه أستغربت ماسوو لي دخول قلت شكلي تعديت الجوازات
وشكلهم بيردوني المهم واصلت للبوابه مستغرب أخذت ساعه ولا طيارة نيوزلندا وأطلع عليها وبعدها سألت يقولون مايختمون لك دخول الصين بالذات حاجه غريبه تدخل وتطلع بدون ختم

أوكلاند

رحلتي لنيوزلندا الجزء الآول

أوكلاند من مشيت من السعوديه معاد أعرف الوقت بين نيوزلندا والصين ولله مدري كم بالضبط
وبينها وبين السعوديه فرق 9 ساعات كنت اصبحهم بالجوال فى السعوديه ويصبحوني هههههههه نزلت فى المطار اللي مامعه لغه مستحيل يمررونه في امريكا وبريطانيا يمشون الكلام المكسر في نيوزلندا مستحيل لازم تجيب الكلمه بالحرف الصحيح
ولا مايتعاملون معك ولا يفهمونك عند الجوازات احسبهم كلمه كلمتين نبي نتخارج منهم مثل الصين تحقيق من وين جاي ووين رايح ووش عندك وكم الاقامه وعند من تسكن الحمدلله كان فيه سعوديين وطلبت واحد وتفاهم معهم ويالله مرروني
وهذا كله من حرصهم على اي زائر يجيهم يشوفون وضعه كيف وهم شعب محترم جدا جدا
المهم حجزلي اخوي أقرب رحله الى ولينغتون
وطلعت الطائره وكانت الرحله تقريبا ساعه من اوكلاند الى ولينغتون وكنت فى الطياره مافيه عربي الا انا
وصلت ولله الحمد ولينغتون
الغريب ان ولينغتون هي العاصمه ولا فيها مطار دولي يقولون ن اوكلاند كانت العاصمه وبعده غيروها الى ولينغتون
وأكثر تواجد للعرب في أوكلاند وخص السعوديين والخلجيين عكس ولينغتون قليل

ولينغتون

رحلتي لنيوزلندا الجزء الآول

هاذي الشقه اللي كنت فيها
وكنت أتنقل على باص ببطاقه كان يمر الى وسط المدينه وكنت أنتظره وكنت مشغول فى الجوال وعندهم نظام يجي بالتوقيت الصحيح ولله حتى دقيقه مايتاخر
بس لازم قبل يجي تطلع من موقف الانتظار وأنا قاعد اطقطق فى الجوال الا هو جاي قعدت اسكر جوالي بطلع وهو يمشي على طول ويخليني عاد مكانا مافيه تكاسي ولا شي بعيد شوي قلت ياولد دقها كعابي لين تحصل تكسي وانا امشي ضيعت الطريق
وجاء قدامي طريق مسكر بس للمشاه وفيه اشجار كثيره في وسط غابات قلت انا اخاف ادخله ولا عاد اطلع وانا القى واحد واساله عن السيتي سنتر بكلمات مكسره المهم علمني يوم خلص شكرته وصافحته وهو ينقز عيونه في يقول لا وانا مادن يدي ابوك سلم عيا قلت بسم لله هو علامه المهم رحت على كلامه ولا حصلت لا تكسي ولا شي لين جيت وسط المدينه وأنا نازل تعبان الا شايب على سيكل يطلع فوق وعادي وانا نازل رجليني ذابحتني شعب رياضي يحب المشي بجنون
ويوم عودت للشقه عند أخوي قلتله السالفه قلت سألت واحد وعلمني وعيا يسلم هم علامهم قال ياخوي هذولي مايسلمون عليك الا يعرفونك أنا اول ماجيت هنا كسحوني لين قلت بس قلت شرهتك على اللي يسلم عليهم لو يعرفني

رحلتي لنيوزلندا الجزء الآول

هاذا متحف تي بابا

كنت ادور حلاق قالو مافيه الا في منطقه نيوتاون حلاق عراقي واحد بس
قلت بروح قال اخوي اركب باص رقم 3 وامش لين يجيك ملعب على يدك اليمين وكنيسه على يدك اليسار
طلعت فى الباص واكلم بالجول وطالع يمين يسار ولله لاشفت ملعب ولا كنيسه وقعدت فى الباص ونزل الركاب كلهم وتعدى نيوتاون وأنا معه الين اخر نقطه يوقف فيها مامعه الا أنا الحالي وقف الباص وطفاه وهو يلتفت يمي قال وين تبي يالحبيب بغيت اقول الدوادمي قلت نيوتاون قال ورانا بس انتظر 10 دقايق ونرجع قلت اوك وأنزل من الباص واخذ الصوره ذي

رحلتي لنيوزلندا الجزء الآول

أنتظروني في الجزء الثاني والاهم
مع كمرة كانون
من الجزيره الشماليه الى الجزيره الجنوبيه عبر مضيق كوك
بيكتون وكرايست شيرج وكوينستاون

المصدر: منتديات شبكة قبيلة الغنانيم الرسمية

vpgjd gkd,.gk]h hg[.x hgN,g

__________________

منتديات قبيلة الغنانيم

06-25-2011, 03:13 PM

سموالذات

كاتب ماسي

تاريخ التسجيل: Dec 2010

المشاركات: 8,015

معدل تقييم المستوى: 22

يعطيك العافيه يافيصل .

__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)

06-25-2011, 03:43 PM

إياد الروقي

كاتب ماسي

تاريخ التسجيل: Sep 2010

الدولة: الرياض

المشاركات: 9,634

معدل تقييم المستوى: 24

فيصل الروقي مشكور ويعطيك العافيه على نقل الرحلة الجميلة .

__________________

06-25-2011, 04:31 PM

فيصل الـروقي

كاتب ذهبي

تاريخ التسجيل: May 2011

المشاركات: 2,996

معدل تقييم المستوى: 16

المشاركة الأصلية كتبت بواسطة سموالذات

يعطيك العافيه يافيصل .

الله يعافيك

__________________

منتديات قبيلة الغنانيم

06-25-2011, 04:33 PM

فيصل الـروقي

كاتب ذهبي

تاريخ التسجيل: May 2011

المشاركات: 2,996

معدل تقييم المستوى: 16

المشاركة الأصلية كتبت بواسطة إياد الروقي

فيصل الروقي مشكور ويعطيك العافيه على نقل الرحلة الجميلة .

(الله يعافيك ويبارك فيك )

__________________

منتديات قبيلة الغنانيم

06-26-2011, 12:51 AM

يـزيـد الـقـبـوري

كاتب ذهبي

تاريخ التسجيل: Jun 2011

الدولة: عـفـيـف .،.،.!

المشاركات: 2,203

معدل تقييم المستوى: 16

يـزيـد الـقـبـوري is on a distinguished road

رحله رائع مشكور

__________________
سبحآن آلله وآلحمد لله ولآ آله وآلله آكبر

06-26-2011, 01:24 AM

مخاوي الذيب

مشرف ومراقب سابق

تاريخ التسجيل: Oct 2010

الدولة: المنطقة الغربية

المشاركات: 2,600

معدل تقييم المستوى: 16

اكثر من رائع ننتظر الاجزاء الاخرى
تقبل مروري

__________________

06-26-2011, 03:20 AM

فيصل الـروقي

كاتب ذهبي

تاريخ التسجيل: May 2011

المشاركات: 2,996

معدل تقييم المستوى: 16

المشاركة الأصلية كتبت بواسطة يـزيـد الـقـبـوري

رحله رائع مشكور

العفوووو

__________________

منتديات قبيلة الغنانيم

06-26-2011, 03:21 AM

فيصل الـروقي

كاتب ذهبي

تاريخ التسجيل: May 2011

المشاركات: 2,996

معدل تقييم المستوى: 16

المشاركة الأصلية كتبت بواسطة مخاوي الذيب

اكثر من رائع ننتظر الاجزاء الاخرى
تقبل مروري

بقى جزء واحد فقط عما قريب

__________________

منتديات قبيلة الغنانيم

07-07-2011, 12:54 AM

#10

عبدالله الهاشمي

كاتب فضي

تاريخ التسجيل: Nov 2010

المشاركات: 1,932

معدل تقييم المستوى: 15

عبدالله الهاشمي is on a distinguished road

كالعاده يعطيك العافيه

__________________

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حرارة وبرودة الجسم ..!!	ابو فارس	منتدى الطب والأسرة	2	05-04-2013 12:14 AM
عشـآء الحريم الساعة ( 2 ) [ الجزء الأول ]	ياسر العضياني	القسم العام	19	01-12-2013 10:01 PM
( عمركم ماصدّقتــوا ) .. الجزء الأول	ياسر العضياني	القسم العام	4	11-20-2012 03:14 AM
تـــاريــخ ســـامــي المـــرصـــع بـالــذهـب	عقاب الروقي	الــصــيـوان واستراحة الأعضاء.	1	11-13-2010 03:06 PM
تداعي الجسد لإصابة عضو معجزة نبوية	الغنامي	المنتدى الإسلامي	7	02-27-2009 06:28 PM

		منتديات شبكة قبيلة الغنانيم الرسمية > قسم المتفرقات > منتدى الرحلات والمكشات.
رحلتي لنيوزلندا الجزء الآول

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules