منتديات شبكة قبيلة الغنانيم الرسمية - رحلتي لنيوزلندا الجزء الآول

السلام عليكم ورحمة لله
كيفكم أن شاء لله تمام أنقل لكم تفاصيل رحلتي الى نيوزلندا
وإن شاء لله تستمتعون معنا فيها

أول شي نيوزلندا جزيرتين شماليه وجنوبيه يفصل بينهم مضيق كوك يحدها البحر مع كل جهه ماهوب بحر المحيط الهادئ ولا وراها الا القطب الجنوبي
يعني الموت برد وثلوج وانا تنقلت فيها من الشمال الى الوسط العاصمه الى الجنوب
وهي قريبه منا حذفة عصى
تبعد عن االرياض اكثر من 22000 الف كيلو http://www.gnanim.com/vb/images/smilies/as/1 (128).gif تراني مكيلها كم يبيلك تقطعها بالسياره ههههههههههه وهي اقرب قاره لها أستراليا وتعتبر فيها

http://travelzad.net/index.php?action=getfile&id=171052

الخطوط اللي تروح لها 3 الخطوط الصينيه والخطو السنغفوريه والخوط الامارتيه اظن فيه خطوط برناويه بس يقولون رخيصه وخايسه
ولافيه رحله دايركت لها لابد تتوقف في دوله ثانيه ثم تواصل رحلتها المسافه طويله انا كنت ابي الاماراتيه لكن تنزل في سيدني ويبغالها فيزه والسنغفوريه كويسه بس ماحصلت عليها حجز انا حجزت قبل الرحله بيوم
اسعار التذاكر تتراوح مابين 9000 الى 8000 واقل تذكره الخطوط الصينيه ب 7000 الى7260 على حسب وقت الحجز
أنا حجزت على خطوط الكاثي بيسفك صينيه وحلو فيها خدمات ممتازه
خط رحلتي الرياض الى هونج كونج الصين 9 ساعات ثم الى اوكلاند نيوزلندا 11 ساعه ومن ثم طياره ثالثه الىولينغتون ساعه مت اخذت 3 ايام طايح من التعب

اتركم مع الصور الجزاء الآول
وهي بالجوال

هونج كونج

http://dc13.arabsh.com/i/02965/s26luetxwff1.jpg

http://dc08.arabsh.com/i/02965/ftgvsevrlcxe.jpg

أول ماوصلت الصين ودخلت المطار وفتشوني واللغه معي رايحه فيها المهم دبرت عمري
وانا أمشي رايح للبوابة عشان أطلع مع الطياره الثانيه أستغربت ماسوو لي دخول قلت شكلي تعديت الجوازات
وشكلهم بيردوني المهم واصلت للبوابه مستغرب أخذت ساعه ولا طيارة نيوزلندا وأطلع عليها وبعدها سألت يقولون مايختمون لك دخول الصين بالذات حاجه غريبه تدخل وتطلع بدون ختم

أوكلاند

http://dc07.arabsh.com/i/02965/jab1as5iqk2r.jpg

http://dc07.arabsh.com/i/02965/xmvahb6w4knl.jpg

أوكلاند من مشيت من السعوديه معاد أعرف الوقت بين نيوزلندا والصين ولله مدري كم بالضبط
وبينها وبين السعوديه فرق 9 ساعات كنت اصبحهم بالجوال فى السعوديه ويصبحوني هههههههه نزلت فى المطار اللي مامعه لغه مستحيل يمررونه في امريكا وبريطانيا يمشون الكلام المكسر في نيوزلندا مستحيل لازم تجيب الكلمه بالحرف الصحيح
ولا مايتعاملون معك ولا يفهمونك عند الجوازات احسبهم كلمه كلمتين نبي نتخارج منهم مثل الصين تحقيق من وين جاي ووين رايح ووش عندك وكم الاقامه وعند من تسكن الحمدلله كان فيه سعوديين وطلبت واحد وتفاهم معهم ويالله مرروني
وهذا كله من حرصهم على اي زائر يجيهم يشوفون وضعه كيف وهم شعب محترم جدا جدا
المهم حجزلي اخوي أقرب رحله الى ولينغتون
وطلعت الطائره وكانت الرحله تقريبا ساعه من اوكلاند الى ولينغتون وكنت فى الطياره مافيه عربي الا انا
وصلت ولله الحمد ولينغتون
الغريب ان ولينغتون هي العاصمه ولا فيها مطار دولي يقولون ن اوكلاند كانت العاصمه وبعده غيروها الى ولينغتون
وأكثر تواجد للعرب في أوكلاند وخص السعوديين والخلجيين عكس ولينغتون قليل

ولينغتون

http://dc12.arabsh.com/i/02965/fzrc8bmzwov4.jpg

http://dc12.arabsh.com/i/02965/d6o9axnksih4.jpg

http://dc12.arabsh.com/i/02965/vbazde7cev12.jpg

http://dc06.arabsh.com/i/02965/o47rmxujatyz.jpg

http://dc06.arabsh.com/i/02965/rw519j14ijjc.jpg

http://dc06.arabsh.com/i/02965/z648y9y82a4a.jpg

http://dc07.arabsh.com/i/02965/y1eccwdb7lp9.jpg

هاذي الشقه اللي كنت فيها
وكنت أتنقل على باص ببطاقه كان يمر الى وسط المدينه وكنت أنتظره وكنت مشغول فى الجوال وعندهم نظام يجي بالتوقيت الصحيح ولله حتى دقيقه مايتاخر
بس لازم قبل يجي تطلع من موقف الانتظار وأنا قاعد اطقطق فى الجوال الا هو جاي قعدت اسكر جوالي بطلع وهو يمشي على طول ويخليني عاد مكانا مافيه تكاسي ولا شي بعيد شوي قلت ياولد دقها كعابي لين تحصل تكسي وانا امشي ضيعت الطريق
وجاء قدامي طريق مسكر بس للمشاه وفيه اشجار كثيره في وسط غابات قلت انا اخاف ادخله ولا عاد اطلع وانا القى واحد واساله عن السيتي سنتر بكلمات مكسره المهم علمني يوم خلص شكرته وصافحته وهو ينقز عيونه في يقول لا وانا مادن يدي ابوك سلم عيا قلت بسم لله هو علامه المهم رحت على كلامه ولا حصلت لا تكسي ولا شي لين جيت وسط المدينه وأنا نازل تعبان الا شايب على سيكل يطلع فوق وعادي وانا نازل رجليني ذابحتني شعب رياضي يحب المشي بجنون
ويوم عودت للشقه عند أخوي قلتله السالفه قلت سألت واحد وعلمني وعيا يسلم هم علامهم قال ياخوي هذولي مايسلمون عليك الا يعرفونك أنا اول ماجيت هنا كسحوني لين قلت بس قلت شرهتك على اللي يسلم عليهم لو يعرفني

http://dc06.arabsh.com/i/02965/eiwhlwcpq3kq.jpg

http://dc06.arabsh.com/i/02965/1sfgrzok14wa.jpg

http://dc06.arabsh.com/i/02965/evspcx26ey9g.jpg

http://dc08.arabsh.com/i/02965/pcaylbocaia8.jpg

http://dc08.arabsh.com/i/02965/ji1bee9fby8z.jpg

http://dc06.arabsh.com/i/02965/b5ir4igk1hai.jpg

هاذا متحف تي بابا

كنت ادور حلاق قالو مافيه الا في منطقه نيوتاون حلاق عراقي واحد بس
قلت بروح قال اخوي اركب باص رقم 3 وامش لين يجيك ملعب على يدك اليمين وكنيسه على يدك اليسار
طلعت فى الباص واكلم بالجول وطالع يمين يسار ولله لاشفت ملعب ولا كنيسه وقعدت فى الباص ونزل الركاب كلهم وتعدى نيوتاون وأنا معه الين اخر نقطه يوقف فيها مامعه الا أنا الحالي وقف الباص وطفاه وهو يلتفت يمي قال وين تبي يالحبيب بغيت اقول الدوادمي قلت نيوتاون قال ورانا بس انتظر 10 دقايق ونرجع قلت اوك وأنزل من الباص واخذ الصوره ذي

http://dc07.arabsh.com/i/02965/oe61fohg1mwu.jpg

أنتظروني في الجزء الثاني والاهم
مع كمرة كانون
من الجزيره الشماليه الى الجزيره الجنوبيه عبر مضيق كوك
بيكتون وكرايست شيرج وكوينستاون