]----------------------------------
-
--
ياصل
-----------------------------------[/poem]--------
يا زين أعذل القلب والقلب قاسينرخي عليه الحبل و الا نمسـه
ابيه ينسى مير مهـوب ناسـيهواء غزال الريم دايـم يرسـه
يمسي ويصبح في الفواد متواسيتلقاه في خاف الحشا لو تعسـه
خلٍ جفاني مادرى ويش اقاسيوالحب تيار الجفاء مـا يهسـه
راعي عيونٍ كن فيهـا نعاسـيالـود فيهـا بيـنٍ لـو تدسـه
اما تعا ندني تبا كسـر باسـيولا ماهيـب بفعلهـا مستحسـه
----------------------
لي وليفاً يا مدلـه يحـاول وجعتـيبس قلب الود ما ينعذل عـن ودهـا
اصله وارجع وتصعب عليه رجعتـيلو عيوني كل ساعـه تعايـن قدهـا
وان ذكرته فز قلبي وانا في هجعتـيوانتظر مدري متى الله علـي يردهـا
ولو بلاي البعد محسب كلايف نجعتيمير بيبـان المناقيـد عنـه اسدهـا
يا حمام الورق يوم انت تسجع سجعتيالرسالـه يـم زيـن التهايـا ودهـا
وقلها وش حصلت من عناي وفجعتييوم حتى العين يمـي معـاد تلدهـا
----------------------------------
لي صاحب بذ حالي بـذولا في اقول السبب هاذي
وان جيت ابا شوفته لـوذويلـد يمـي لـيـا لاذي
ليته عطاني ومعي اخـذويبين لي معـه منفـاذي
مير البلا سكـر المنفـذما يدري انه هو اخـاذي
يطرق بسودٍ هدبها جـذقلبـي لكـن الله الغـاذي
يا عنق ريمٍ رموه وشـذفي حد حره من الحـاذي
لو منه طول الدهر مالتذلاني بصاخط ولا مـاذي
من شافها خطر ما ينقـذكلاٍ من الزين مستـاذي
قم يا ابو خالد لخيلك حذعادتك يا محتم الجـاذي
خابرك طيب ورايك فـذوافزع لخالد وابن عاذي
رد الشاعر تركي بن ماطر الغنامي على قصيدة الشاعر مقحم بن دحيم الغنامي
الشعـر عمـي يهذهـذيبنيه والبنـي متحـاذي
قاود معه ما يحاوج قـذماهر وفي فنه اساتـذي
ونعده الشاعـر الجهبـذما هوب للقاف جـذاذي
يختار ما طاب منه ولـذابيات احلى من المـاذي
بني القصيده على قاف اذوكمل بناها بقـاف اذي
هدد بنا خيـه ثـم نفـذلكـن بالـرب مالـواذي
يصيح واشوفه استاخـذينخا الرياجيل الافـذاذي
ونخاوي القرم مـا تنبـذيسعى لمثلـه باالانقـاذي
لو هو من المبتدا عـوذمالدفـي ذيـك والا اذي
محدٍٍ على قلبه استحـوذبنجلٍ سهمهـنٍ نفـاذي
وقلبٍٍ عليه السهـم ينفـذيفداك لو كـان فـولاذي
---------------------------
يا مل قلبٍ يجيه مـن الهـوا لاعـهاليا طراله من الخـدرات مملوحـي
هواه في القلب مصيافـه ومرباعـهيجري مجاري عروق الدم في روحي
يا عاذل القلب لا سمـعٍ ولا طاعـهلو تعذل القلب ما يسمع ولا يوحـي
لو الزعل فيه دايم والفـرح ساعـهراضي ومن سبب الاتعاب مسموحي
في ود بعض الاوادم طيـب ناعـهحت ايش لو يعترض له كل ساموحي
أخفيـت وده ثـلاث سنيـن تباعـهوراع الهوا طايلٍ هجره ومفضوحي
واليوم اباابديه ليـن يبـث مذياعـهمادام مالي وراء الكتمان مصلوحـي
اما يجيلـي مـن الاجـواد فزاعـهولا اتريح بعـد بينـت منضوحـي
يلومني واحدٍ مـا يعـرف اطباعـهما شاف ماشفت تلغف قلبه البوحـي
لو شاف هاك التهايا طق باصباعـهوقدم علي اعترافه واستلـم نوحـي
------------------------------------
الزمان الشيـن هـذا يبـوه كـل زولغير عميان البصيـره تلاعـب غيهـا
انت ما شفت اختلاف الليالي يا مهبـولشف وتلقا ميـت النـاس ياكـل حيهـا
والضعوف اللي منول تجي خلف النزولعانهـا وسـط الدوايـر تجـر عبيهـا
والصديق اللي مصادقك اله عشرين حولشجـرهٍ ترقـد تحتهـا ويذهـب فيّهـا
مير لا تبني البنايه علـى درب السيـولكـم قليبـاً عقـب سيلـه تنـادا طيهـا
وعرف انك يا ابو قلبين لو عمرك يطولالليالـي السـود دارت عليـك رحيهـا
والمهم انصحك رافق حكيميـن العقـولالرجـال اهـل المـروه ترافـق زيهـا
والردي يخذلك وهو مع الناس مخـذولوان جزيته بالحسانـي جـزاك بسيهـا
وان بغيت من النضا زامله دور ذلـولوخـل بالـك لصلهـا لا يغـرك نيهـا
والعلوم البايهه لا تصيـر الهـا رحـولكبهـا ويجـيـك بالبايـهـه ركبيـهـا
ونفسك ارفع قدرها لو يقول اللي يقـوللا تخليـك المخاليـق بـيـن لحيـهـا
وان نصوك من النشاما رياجيل زحـولالكرامـه كـان تقـدر عليهـا هيـهـا
مير جعل بلادنا الشرع فيها مـا يـزولمن حدود الشـرق فيهـا ليـا غربيهـا
دوله تطبع مناهج على نهـج الرسـولأمـنٍ فيهـا المواطـن وأمـن طرقيهّـا
------------------------------------------------------------------------
كريـم يـا بـراق نــدراً نشتـبـهينـوض بارقهـا ورا مـزن ٍ ارداف
وقفت اخيـل البـرق يـوم ارعشتبـهيوم رعشت به في العلاوي والاطراف
عيني تخيـل ورمشهـا مـر مشتبـهموحي الرعد والبرق اله فيه رفـراف
والمـاء ليـاراد الكريـم جهشتـبـهواحيا به ارض صفصفا قاع صفصاف
وهنـي رجـلّ غـب سيلـه مشتبـهقدام يكثر في الوطاء دوك الاضـلاف
وليـا استـوى مربـاع نبتـة كشتبـهنبته جديد وفيه مـن كـل الاصنـاف
غاشية لـون خضـاب مـن نقشتبـهروس الانامل والكواعـب والاكفـاف
تلقاء الزهر كـل الفيـاض احتشتبـهولا عاد ترفـع ورسهاحـم الاشعـاف
والهامـل ام حويـر استـو حشتـبـهترزم وتلفت بالنظـر قـدم وخـلاف
لـو مـا يجيـه الا الهـوا شوشتبـهتسرع بروحتهـا وتسـرع بالانكـاف
في ارض عذيـة والنبـات اورشتبـهوالطير اله فيها مع الصبـح غطـراف
فيها ام سالـم صوتهـا غطـر شتبـهتلعب مع الغربي علـى درب هتـاف
قامـت تـردد صوتهـا وادهشتـبـهقلب الـذي للبـر والصيـد ميـلاف
كم مـرةٍ شهـب الجيـوب طرشتبـهوالطير يبديبـه علـى كـل مشـراف
حـذراً ليـا مـن الحصـاه اقرشتبـهماكنـه الا يـدرق البيـت حــواف
بلشـان فـي طـرد الولـع وبلشتبـهربـداً تشوفـه يتبـع الاثـر ماشـاف
وحـازت وفلـت ريشهـا واغتشتبـهوطلع لها الي لبرق الريـش قصـاف
ليا هـوا بمخـلاب مـد مـا بشتبـهالجوف وليا الريش غـاداً لـه انتـاف
هـذا مـراد ورغبـه الـي عشتـبـهنفسه على حـب الطبيعـة والاريـاف
وعـن مـن يقلـل قيمتـه عرشتبـهعلى النقاء ماضاق به كـل محـراف
تحياتي لكم اخوكم الغنامي
(((منقول))) [/poem]

---

]d,hk hgahuv L lrpl fk ]pdl hgykhld