[QUOTE=ابو رامي;55630]المشاركة الأصلية كتبت بواسطة طلال الغنامي



مساكم الله بالخير

وين ابور امي نبا ننشده عن علوم خوانا المصاريه

يقولون اختلط الحابل بالنابل

قلت اذن جايه علومن جديده يعلمنا ابها


منا والا منا والا مستمطرن من متسان والامدور ذهيب

والا عسوس .










جيتك يابو فيصل ولم الطبخه
والا اقولك خلها لين اجيك منت بظابطها على ما ابغاء
انا كنت اجلس عند سعد بن عسير الله يرحمه يوم يسوي قهوته وحافظن الطريقه زين
وطراه سعد الله يرحم ابو سعود اذكره مره ظربني بخيزرانه وانا ابو خمس سنين تقريبآ
والسبب :
كان يشتغل هو وبخيت المورقي الله يمتع بخيت بالعافيه وكانو يبنون غرفة حجر في الحفيره لبخيت وانا جلست في غرفته ويوم رجع الضحي يبا يسوي قهوته وقرب معاميله ولياهي ناقصن منها فناجيل القهوه والكشاف قال تعال يادلم وان الفناجيل قلت عانها في النجر سويتها لك يوم سبر النجر وليا شوفتن ما تسر الفناجيل والكشاف مدقوقه في النجر لين انرمغت قال تعال يادلم من اللي سوابها كذا قلت انا قال ليش قلت ابا اسويلك القهوه قال لاما قصرت عزالله سويتها هو يقوم وياخذ الخيزرانه ويعطينيبها ثنتين على ظهري وازعل منه واروح ويوم جاء العصر الا وهو رايح للفريع وجايبن فناجيل وكشاف ومعها رضوتي حلاو اتذكرها ليا هالحين

نرجع لموضوعنا ويش كنا نقول ايه ذكرت كنا نهرج في موهق بن عجاج رحمة الله عليه يوم يقول
جاين من الطايف بعد لطه الجوع ××××××× من عند ابو خرق الطويل اليمامي
والحفيره مثل ما انت بعارف ديرتنا وتاريخنا وتمر حميطات اشهر من تمر الحساء
وامس العصر سيرت في الديره على صمود دخنه وصويلف والبطان واشوف الحيا مبرق فيها شره واذخره وسافه وعوشزه والباذر تشوفه وهي ليا هالحين باركتن عليها المربعانيه لاكن تبا تربع انشا الله اشوف الحلال متعلقن فيها والعرب متوسعة خطرهم وهل الشعير والبرسيم تقولنه ما هب جايزلهم
الا مسري علي عينته يقولون فسد مغار يشيل دفاتره مثل الورعان ويكتب في القراطيس الله لايبلانا الظاهر ان جاين في عقله شي
المهم خل القهوه لين اجيك انا اللي ابا اسويها وابصر بوزنتها على كيفي
هاذي العلوم والها بقيه[/Q



ههههههههههههههههههههههههههه


زانت علومك مار ابسوي القهوه قدم تجي لاتحط

الدله فالمطحنه مثل كشاف ابن عسير وفناجيله


وعلى طاري مسري سمعت انه يختبر فالجامعه مع الشباب اللي يختبرون


وقلت وش عندك متخرجن من الثانويه ضاري يومنا قطيين على

على فاضة الاسكندريه


قال انا رجال ابا انطح المرجله وماني بمثلك انت وابو رامي


واحد حاطن له مزرعه والثاني مغار من الدوام للستراحه


والله انطلق علي بالهرج وجا بينا لويخ كلامن اقشر

المهم والله يورنه اقنعي وانت وش رايك