فـي ذمتـي ماتهـم خلـه ولابـري=لكن يمكـن سبـب فاللـي تشوفونـه
الصاحب اللي بونش الحـب منجـري=رماه ونش الهوا في داخـل الجونـه
ان كان من طيحته فالحاض منضـري=يصيـح للـي مـن الغبـه يتلـونـه
يزهم على ضابط التحقيـق والمـري=والجندي اللي يشيل الثـور بقرونـه
وان طاح خله نجـي بالعالـم الـذري=يحلل الوضع ليـن يبيـن مضمونـه
سمـوه سمّـان والا سمّـه الفـرّي=وان كـان ماتعرفونـه لا تسمـونـه
احدن يبا العارضي واحدن يبا الحري=والا النعيمـي عربهـم مايدانـونـه
ولاصار مابه لتيحه مع سمـن بـري=لا تاكل الخبـز حتـى لـو يعفسونـه
والحب ياهل الهوا قد سـدّح العـري=على السريع انهلص باسباب زبدونـه
وانا من الحب واهل الحـب متبـري=ومالي دخل في جميع اللـي يسوونـه
الغيت يوزر هواي ورقمـه السـري=من كثر ماشفت عفت وجزت من دونه