يالله ياللي تنبت النبت من عدم=ياعالمٍ بالسر والبيان
يامن خلقت الخلق من حيّزالعدم=بامرك واذا قلت امرك كان
نطلبك فالجنه وفي صالح العمل=يارب يامعبود يارحمان
تعزنا ياربنا في ديارنا=وحنا عبيدك ياعظيم الشان
ونطلبك يامعبود تسقي بلادنا=بغيثٍ يجي من صادق الامزان
يقولها ولد عفرين من نسل قسور=يحد ابا الحارث عن العتبان
والجد قسور والنسب نسل ثابت=مايعطي القصره لايًّ كان
نثنّي العاصي ولوكان قاسي=بالسيف الاملح كائن ٍ ماكان
عاداتنا ماندرق عن حريبنا=ولا هي لنا عاده مع العربان
من طبعنا فالحرب مانافر الخصم=قولٍ صحيحٍ مايبا برهان
هاذي مذاهبنا وهاذي طباعنا=اهل الوفا من طيلة الازمان
وديارنا تعرف سراة عتيبه=مرسى قبايلنا على الحدان
منزالنا وادي لغب في شفا الحدب=مقر اوائلنا من الجدان
وانا برد المدح في جال ربعي=يانعم بالفرزان والشقران
اقول قولٍ يعرفه كل واحد=اهل الوفا العردان والحمران
ولاني بناسي من له المدح والثناء=الجملاء والحيصان والحصبان
واولاد السنيدي هم هل العز والوفا=ذوي فرج وطلحه وابن رمثان
والجاهمي منا وبيت الدباسا=والحبلصي باقيهم العلجان
والاد العفارين اهل فزعه ووزعه=حليمان وعليان والحولان
واولاد منصور اهل قاله مديمه=اهل كرم وفاللقا شجعان
وابن هرمسه واولاد عواد فالرحا=مامثلهم للضيف والجيران
والمحرثي دايم عزومه قويه=ومحتمي غارب مع الفيدان
وعامر ولدقسور شقيقه عطيه=ومروح وظافروناجم ودهمان
وشعيري ودراجي وشرطي وحافي=وشتيوي وثعباني وابن ضبعان
ومخلد هل الطالات فاللين والقسا=والشربي والبراق والغدران
والاد الكريزي والجوازي هل الفعل=ولاني بناسي عزوتي وقدان
والاد المروّح فاللقا ينتخيبهم=يجون فزعه كانهم عقبان
وربعي ثبيت اهل الوفا مع بني سعد=صريري ولصي من بني عدنان
والقسوري يرد زين المثايل=مثايلٍ من لؤلؤ ومرجان
ونحكم بشرع الله ليا جا طلابه=ولانذهب الثقبه ولا عجلان
وابو نمي حكمه على حد مكه=ماياصل الزيمه ولا الريعان
قلته ولاني في قصيدي مبالغ=مدحٍ شرف لنا مع العتبان
يالله تحفظهم وتعلي مقامهم=يامن بامره كل شئًّ كان
في عام سبع اميه وخمسين قلته=من هجرة السيد ولد عدنان
وصلو على خير الرسل محمد=اخر رسول بقدرة المنان