اقبل حبيبي وفوق صدره وسام = اقبل حبيبي وفرصته في عيونه
لون العيون اللي نظارها هيام = ابيض حبيبي والسوادي في لونه
حب قديم في الضمير متنام = حبيبي شبابي والملا يعرفونه
نادي تسامى في سماء المجد سام = شب الشباب وشابت الرؤوس دونه
احلى غناء من ساجعات الحمام = شب الشباب واطربني لحونه
واخضرت الريضان وزال القتام = هبت هبابيهم وجادت مزونه
عند الثرياء مسكنه والمقام = هذا الشبابي عاليات حصونه
مثل السماء اللي زينت بالنجوم = هذا الشبابي راقيات فنونه
كل بلعبه ملتزم بانتظام = لعبه بفن ولا يعرف الرعونه
ليث الجزيرة حان وقت الصرام = ليث الجزيرة سطوته ما تخونه
هذي البطولة عندنا كل عام = ليث الجزيرة له من الله معونه
شيخ كريم من شيوخ كرام = ساسه بحكمه واقتدار ومرونه
ايضاً حليفٍ للندى والحسام = نهر غزير صافيات شطونه
شيخ عزيز له رفيع المقام = خالد ابو فيصل يمينه حنونه
طبع الكريم اللي بدأ بالسلام = شيخ اذا شفته تبسم عيونه
رتب امور الليث يا نعم الهمام = رئيسنا المحبوب ربي لنا يصونه
نعم الرجل رجلاً كريماً عصام = ابو الوليد اللي تتابع هتونه
غنى وغنت ساجعات الحمام = وغنى القميري مطرب في غصونه