قالوا حكو بك قلت وش هم يقولـون=وش قيـل فينـا يالوجيـه الفليحـه
شوفوا مرد الهرج وش هم يطـرون=حتى نعرف مـزوره مـن صحيحـه
كان الكلام من المعادي علـى هـون=بعض المسبـه بالمجالـس نزيحـه
تجيـه عربـان مـن الله يخـافـون=عـن الظليمـه ينصحونـه نصيحـه
لو كان خلق الله على الحق يمشـون=كان القلوب مـن الخطـا مستريحـه
كم واحد بعروض الأجـواد مفتـون=وهـو سلومـه يفضحنّـه فضيحـه
وكم واحد يطعن وهـو فيـه طعـون=يذم ريـح النـاس والشيـن ريحـه
بعض كلام الناس تهمـات وظنـون=قـول تنميـه الوجـيـه الوكيـحـه
والظلم لو فـازوا هلـه مايدومـون=راع الظليمـه لا تبـاطـا مطيـحـه
والناس هذا الناس من عصر ذا النون=كل(ن) على دربـه ركابـه مشيحـه
مقرود يامـن بـدّل اللـون باللـون=بعض الكلام يحرفـه عـن صحيحـه
والصدق هو والكذب ماهوب مقـرون=كان إنها تـدرس بلهجـه فصيحـه
مايمـدح الرجـل بالشكـل واللـون=ابحث معه لينـك تعـرف القريحـه
تراك تعرف عنـه وانتـم تهرجـون=يبين لـك مـن كـل جـود نضيحـه
المستريح اللي مـن الشـك مأمـون=مع كـل خلـق الله علومـه مليحـه
حي عليه النـاس بالشكـر يثنـون=وإلا توفـى خـلـه (الله يبيـحـه)
وكم واحد(ن) لو هو بالالحاد مدفـون=ذكراه عند الناس بيضـاء صفيحـه
وكم واحد(ن) يجمع ملايين وخـزون=مـال تنميـه الأيديـن الشحيـحـه
لاتشكـره رمـلاء ولافـك مـديـون=ولا حـل مشكلـة النطيـح بنطيحـه
ولاله على جاره من الفضل ماعـون=لـو أن جيرانـه تشـوف الذبيحـه
وكم واحد(ن) جيران بيته يحمـدون=للجـار ريـف وللجماعـه منيـحـه
وكم واحد(ن) منه العوادي يخافـون=زبن المخيـف الـي كثيـر فحيحـه
ربعه نهـار الضيـق فيـه يتـذرون=لاجـا نهـار فيـه لجـه وصيحـه
وبعض الرجال بهم شريفون وعفـون=كل(ن) على ماقـال يرجـع لكيحـه
وبعض الرجال بضحكهـم يستغلـون=يجيبهـا مـن نـوع زلقـة بطيحـه
هذاك بين له مـن الهـرج مدفـون=خلـه الـى شافـك يزيـن سميحـه
الهرج لـه نقـاض والـرد للشـون=مزح الجزع يأثـر بكبـدك جريحـه
هذا وأنا ماني من النـاس ملسـون=لاشك أنا أرفض من تزايـد جميحـه
قلته وكل النـاس غيـري يقولـون=راعـي الظليمـه لاتباطـا مطيحـه





رحم الله الشاعر مرشد بن سعد بن بذال ، وهــي تدل على شهامته وعلى ان الواحد
بهالمواقف يصير واعـــي ماهي كلمه ولا كلمتين تهزه وحتى لو كــان متكلم فيه من وراه
والنم والنميمة تهدم الاخلاق والبيوت ،،
والله سبحانة وتعالى يسامحنا ويسامحكم على ها الألسنة ويكفينا شرها دنيا وآخرة
أتمنى انها تعجبكم

---

rwd]m uk hgydfi ,hgkldli