بسم الله الرحمن الرحيم

اخواني اعضاء المنتدى انا سويت ألفيه وابي رايكم فيها لكن لو سمحتو اقرو القصيده زين حتى ماتكسرون بيوتي زي العاده

واحب اقول لكم انها على لحنة ألفية خلف بن هذال حتى ماتكسرون القصيده يا اخواني الافاضل

لان بعض الاعضاء هداهم الله يقرا البيت بلهجته وعلى طول قال البيت مكسور

المهم ما اطلع عن الموضوع

راح اكتب لكم القصيده

اقول فيها


(أ)

ألف ابى اكتب لك عن اللي فيني
ذايب من اسبابك خف الله فيني
اعتق قليبٍ مغرمٍ مسكيني
يطلب من الله ثم منك معـونه

(ب)

والبا بليت وبلوتي ملعونه
كله سبب من صابني بفنونه
نفسي سبب حبه غدت مرهونه
حبه بقلبي نبتتٍ مدفونه

(ت)

والتا ترا حبك سكن بضلوعي
متى على ا لله تستجف دموعي
ولعت شمعي لاتطفي شموعي
قلبي ولف قلبك وانا ماخونه

(ث)

والثا ثمان سنين يانسيني
اكتم وانا اللي دمعتي في عيني
مرت سنين وجا بعدها سنيني
والحب خلق الله مايدرونـه

(ح)

والحا حرام الصد والهجراني
وش فيك يابعد العرب تجفاني
غير الجفا منكم وش اللي جاني
راجيكم الله قلبي لاتشقونه


(ج)

والجيم جبر ضلعي المكسوري
من بعدكم يازين طافي نوري
انا المولع في غرام الجوري
عنده علاجي وصفةٍ مضمونه

(خ)

والخا خليلي لو بغيتو وصوفه
اقول مدري مبطيٍ عن شوفه
اخل لقا قبل تشين ضروفه
من يوم ماكانو هله يبدونه

(د)

والدال دلوني بوصفة بيته
مشتاق له لي مدةٍ ماجيته
فارق ودمعي بالحضن كبيته
من بعد مافارق وبي صخونه

(ذ)

والذال ذمه مابعدها ذمه
اني احب الورد وابغى شمه
والقلب من همه عجز في دمه
ودواي ياهل الطب ماتلقونه

(ر)

والرا رمتني بدنق البلجيكي
رمية جنود الضابط الامريكي
من حين رحتي دمعتي تبكيكي
والحب له ناسٍ ماهيب تصـونه

(ز)

والزا زماني ناويٍ بي نيه
دمعي يسيل وعلتي مخفيه
يانس روحي راضيه مرضيه
موتي قريب وعلتي مكنونه

(س)

والسين ساعينا وصل مرسوله
من قلب عاشق علته مدبوله
دايم سبب خله يعن خيوله
عساه يبطي ماتجيه حزونه

(ش)

والشين شكراً يامعذب روحي
مسموح من بعد الجفا مسموحي
دايم معك قلبي يجي ويروحي
تكفون قولو له يكف طعونه

(ص)

والصاد صاير مثل فعل الراعي
ارعى حبيبٍ لي سبب اوجاعي
راع العيون اللي يعرف اطباعي
سبحان خلاقه يازين عيـونه

(ض)

والضاد ضامر خصر يامشقيني
سبتك عدابي كبير البيني
متى على الله ناويٍ تعفيني
من بعد هجرك صاحبك يبكونه

(ط)

والطا طيوفك ماتفارق بالي
ليتك تشوف اللي حصل ياغالي
اسهر لي ايام وعليها ليالي
اعطوه علمي ياللي اتزورونه

(ظ)

والضا ظلمني حضي الملعوني
خلاني عبد بحكمته مرهوني
ودوني ياهل العرف له ودوني
ارتاح لامني نضرت سنونه

(ع)

والعين عيني ماتنام وتبكي
اشكي لربي غير له ما اشكي
ضريتي اللي دايماً يمدحكي
يالله دخيلك كيدهم وجنونه

(غ)

والغين غيرك الزمان المعبس
ماتدري اني مثل كفر التبلس
يمشي على البيدا ولو اهو املس
ماضر عبدالله ولو تجفونه

(ف)

والفا فوادي احتشى من حبك
احسن لك ارجع ثم احمد ربك
انته دوا للروح وانا طبـك
والحب خزنه بالصدر مامونه

(ق)

والقاف قابلني بعد هالمده
والحنجره من بعدكم منسده
والعين يم بيوتكم منلده
والرجل قامن يقرعن صحونه

(ك)

والكاف كفيت وفيت بجرحك
اعجبني اسلوبك ويعجب طرحك
واعجبني تبريرك وزينة شرحك
يالله تعين القلب في مضنونه

(ل)

واللام لم لم ياقليبي لم لم
حب الغشيم اللي بغى يتعلم
والله مدري ان الهواوي يضلم
لين اني شفت العالم يزفونه

(م)

والميم مريت القصر برجولي
قعدت اناضر في العرب من حولي
من صدمتي عجزان لا اصلب طولي
والموت دياني وانا مديـونه

(ن)

والنون نمل جسمي بعد الفرقا
اصبحت اجاوب نايحات الورقا
مطروقتن روحي بعدكم طرقا
واللي ضما وين الذي يسقونه

(هـ)

والها هويت اللي بزينه نايف
نايف بزينه ينتمي لطايف
ديار ربعي مزبنين الخايف
الخايف الداخل تجي من دونه

(و)

والواو والله بعد ذيك الصدمه
روحت بيتي والعرب منسجمه
خايف يقولون انت رجلٍ خجمه
لكل خيلٍ كبوةٍ ملعونه

(ي)

واليا ياويل اللي يحب سواتي
راع الهوى يضيع الهقواتي
القلب ميت والجسم ماماتي
ودواي ياهل الطب ماتلقونه

وسلامتكم


القصيده منقحه وموزونه اتمنى من الجميع ان يلحنها على لحن ألفية الشاعر خلف بن هذال

وشكراً

اخوكم

عبدالله الغنامي

---

Hgtdm uf]hggi hgykhhld