ألا ياهديب ارواح راع الطلب مشغول=نبى ناصل اللي يمّه القلب مشغلني
مضى الوقت مثل امدور الضايع المجهول=وانا خابره والناس محد(ن) درى عني
وانا يوم اشوفه في ملم العرب ماقول=سلامن عليه وللتفتله يذاكني
مدانيه واللي مايعرف الهوى مبدول=تفوته طرات الروح والكيف والفني
تولعت به من بد اهل نجد عرض وطول=علشان فيه اميزاتن يخلني
احبه وراع الحب عن حاجته ماسؤل=تخليه يبدي فالمراقيب ويغني
وانا عقب شفت الناس من يامن المرسول=علومه تجي ضدي والاخبار تاصلني
بغيت اتريح كني القايد المعزول=لاكن الهوى راعيه ياهديب ماضني
يكب الهوى اللي عايشن فيه كمّ من حول=وقدنّه عرف ماتضمر البيض وتكني
ولعاد اجنب عن طريق الهوى المدهول=ولاعاد اطيع اللي يعذلون محرني
سحرني بعينه عين حرن يشوف الجول=راعيه ماهده والاجوال يمشني
ابى اخذ صليب الراي والساعد المفتول=مدان الضعيف اللي لياخاف يزبني
نبى ناخذه لو يلحق القاتل المقتول=ثلاثة عشــر ساعه من الحرب يكفني