يامل قلب (ن) طواريه اخلفت ضنه=كثرت عليه الطواري ويش اسويبه
جاه اربعن تحكمه واربع يحلنه=واربع على مايبي واربع عواقيبه
هات الربابه وجيب القوس يابنه=وانا على اسحبه والقاف اغنيبه
لو قيل لعب الربابه يحرم الجنه= الغيب محد (ن) عرف مخطيه ومصيبه
لجيت لجت قطيع (ن) خرب وردنه=من عقب شدو هله واصرت مشاريبه
وردن على عقلته ثم جالهن حنه=مافوقه الا الطيور وعاوين ذيبه
واخذن لهنـّه ثلاث الليال فالكنه=وهنـّه وقــّف على يبسّ مغاريبه
عليك ياعود ريحانن نعم فنه=تسقيه عينن قراح وجاك باللي به
يامن سميه على عوص النضى شنه=دايم على الهجن تقبل به وتقفيبه