ياحسين قم عطنى القلم والزروفي = واكتب رسالة بالقلم في صفوحة
ما هو يكلف يالبناخي كلوفي = والطيب فالميزان مزين رجوحه
لبو سند شوق الطموح العيوفي = اللي عن الرديان دايم طفوحه
الله يفكه من شرور الصدوفي = اهوه ومثله ننبسط من مزوحه
يابو سند عيت تطيع الظروفي = طالبك طلب المعذرة والسموحه
الخط فيه ارمال وانا مشوفي = المشكلة ماهيب جية وروحة
الدرب اعرفه والمواتر وقوفي = ماني بمسكين قصار<ن> شبوحه
ادق سلف الجيب صاف البلوفي = ماطب فالورشة تعدل كلوحة
اندستله عد الميات ويطوفي = شد الخواجة ساع قصة فسوحه
يقنب كما ذيب مجيع ويحوفي = يحوف شاوين حدنه نبوحه
حدوه رعيان النعاج الكروفي = دون الغنم حطوا ظراياً تلوحه
وانا على الروحة كثير الحسوفي = قلبي ليا جيتك تزايد فروحه
شوفك مسرة يازبون الضيوفي = يجلا عن القلب المولع جروحه
ولا الردي ماله علي معروفي = لو امدحه ولا نبين قدوحه
المدح ما يرفع رجالاً ضعوفي = والذم ماعذرب مفادي بروحه