يوم نامت كل عينٍ صدر راعيها خلي=ماطرق عيني لذيذ النوم لين الصبح باح
راح ثلث الليل الاول والمحاجر تمتلي=دمعن ازرق بين موق العين والرمشين فاح
لو بغيت احبس دموعي ماعلى الدمعه ولي=كيف أكابر وأتناسى من تمركز واستباح
كل ماغمّضت عيني لأجل طيفه ينجلي=إرتسملي في الخيال الموت والسمّ الذحاح
وطحت من عرش المكابر وانقلب عرشي عليّ=إيتسابق مع حبال الدمع عرشي يوم طاح
والله إني يامناة الروح عاشق مبتلي=إستهان برمش عينك ماتزهّب للكفاح
ولا تراجع في المحبه وإكتسى منها حُلي=لين من حبك عروق القلب وشّحها وشاح
جيت اخاطب عز نفسي عن شموخٍ ممتلي=وضعت في نظرة عيونٍ كنها زَرْقَ الرماح
اسألك بالله قِلْ لّي كيف ماحنـّـيت لي=ويوم مايرتاح بالي كيف تشعر بإرتياح
في غيابك يشهد الله عرش قلبي يختلي=مع حديث الهمّ ساعه لين يغشاه إنكساح