العين ينتبها عن النوم نتاب=تغفي وتصحي لانتبها معيفه
والروح واقفتن على درب الاسباب=ترقب ربيع العمر واقبل خريفه
والقلب كنه بين الاضلاع منصاب=برمح مثل رمح الزناتي خليفه
اللي حكم تونس وعلق على الباب=المن يريد الموت رمحه وسيفه
سبه هنوف يوم تغضي بالاهداب=كن النجوم يطيح منها النصيفه
ويغيب نجم بالسما مابعد غاب=الاعن اصحاب العيون الكفيفه
في جفنهاشي يواحي اللاعجاب=وبغيرها ماضن يوجد وصيفه
تقول فيه المن يراعيه ترحاب=لونها مارحبت مصتضيفه
والخشم سيف منجرد ماله انصاب=بين الخدود المرهفات السخيفه
سيف ماهوب للحرب ولاقطع الارقاب=وارهف وادق من السيوف الرهيفه
مع مبسم راهي وزاهي وجذاب=ومع كل كلمه له حركتن خفيفه
واليا تجلا عن ثناياه والناب=تخيلو جمر الغضا وش رديفه
رديفه الي كيف يردف ولاذاب=والثلج ضد الجمر ماهو حليفه
لاكن في مبسم مشيبت الاشباب=اضاهر انه صار اخوه وليفه
والعنق عنق الي لها خمسه القاب=وفي دمها للمسك وصف وصيفه
وباق الوصوف اهرج بمالذ وطاب=فواكهن ملفوفتن في قطيفه
ابااكتفي بها الحد والقاف ماشاب= من شان مانجرح نفوسن عفيفه

لشاعر طارق عيد الذيابي