مقـاضي رمضـان - منتديات شبكة قبيلة الغنانيم الرسمية

07-15-2012, 02:43 AM

نجديه

تاريخ التسجيل: May 2009

المشاركات: 169

معدل تقييم المستوى: 16

مقـاضي رمضـان

بسم الله الرحمن الرحيم

مبارك عليكم شهر رمضان
الله يبلغنا وأياكم الشهر الفضيل بخير و صحه وعافيه
ويجعلنا فيه من المقبولين

~ |[ مقـاضي رمضـان ]| ~~

*

فيمتو .. تانج .. مكرونة .. شعيريه .. طحين .. رقائق سمبوسه .. كويكر
سبرينج رول .. أنواع اللحوم .. أنواع القشطه .. أنواع الأجبان.. أنواع التمور .. أنواع الحلويات
أنواع الأنواع
وصدق اللي قال " رمضان يجمعنا "

عادةً .. وطوال السنـه نقضي المواد الغذائيـه للبيت عـلى حسب حاجتنا .. شهرياً أو أسبوعياً أو حتى يومياً تكون مقاضينا غالباً محدودهـ على حسب حاجتنـا هذا الأسبوع أو اليوم

لكن رمضان غير
عسى مايقبل علينا شعبان إلا والعالم هجووووم ع السوبرماركت
وورقـة " المقاضي " طولها متر ومترين ومن يزود
والمطابخ تتفضى أستعدادً للدفعه الجديدهـ القادمه بقوهـ ..
والسؤال اللي يطرح نفسه \ ليييه ؟
يعني المحلات بتقفل
أو الأغراض بتخلص
وإلا الناس يبطلون يطلعون برمضان وإلا ايش بالضبط

ماعلينا

هذا الموضوع يفتح لكم مساحه خاصه ل :
أولاً لتبادل التبريكات بالشهر الفضيـل

ثانياً نبي نشوف ورقه مقاضيكم وأكياسكم
واستعدادكم لـ رمضان مقـاضي رمضـان

كل عــــــــــــــــــــــــام وانتم بخير

المصدر: منتديات شبكة قبيلة الغنانيم الرسمية

lrJhqd vlqJhk

__________________
[shr71=http://up3.m5zn.com/photo/2009/5/18/03/s0lky7su2.gif/gif]مثلا : هذه الصورة لفلان او هذه صورة سيارة موديل كذا وكذا الخ[/shr71]
[shr71=http://up3.m5zn.com/photo/2009/5/18/03/1xfsgwjgj.gif/gif]مثلا : هذه الصورة لفلان او هذه صورة سيارة موديل كذا وكذا الخ[/shr71]

07-15-2012, 05:03 AM

شكلين مابحكي

كاتب مبدع

تاريخ التسجيل: Nov 2011

المشاركات: 551

معدل تقييم المستوى: 14

هههههه نجديه فعلاهالاسبوع قوه مقاضي بس بصراحه مشتاق للخواضه بسمن بري والسمبوسه ههههه تقبلي مروري واحترامي

__________________
اللهم اني ظلمت نفسي ظلماكثيرافاغفرلي وارحمني ونقني من الذنوب والخطاياكماينقى الثوب الابيض من الدنس ياارحم الراحمين

07-15-2012, 07:10 AM

مــعــدي الـغـنامـي

شاعر

تاريخ التسجيل: Jul 2010

المشاركات: 1,579

معدل تقييم المستوى: 16

مــعــدي الـغـنامـي is on a distinguished road

كل عام وأنتم بخير
رمضان كريم مع سوبر ماركت اندريم

وبالنسبه لمقاضي رمضان لانهتم منها كثيرا لأعتمادنا الكلي على حليب البل في الصميل وقلة تمر حوليه من تمر رهاط الي تجيك الفذه فيها سبعين عجمه ولونها يميل الى الصفار ودخن وسمن بري (الخواضه ) ويدلعونها هل الضلع (بالحواسه) احواستا بطويستا
وطاسة قرص وسمن هذى فطورنا فقط لاعير ونسوي جطلي الشيبان يحبونه
وليا جاء نص الشهر وطلع القمر ندور لنا فاطر ونتشارك فيها حنا والجيران حسنتن لحياة ابشاره ومعبد وحياة فارع وضيف الله وحياة ............. كل ربعنا الميتين الله يرحمهم ويعفو عنهم ................ونذبحها ونتوزعها ونشرب من مرقها ونحط على المرق هرده
والحمد لله رب العالمين انعام وخير
والمويه نبردها في القربه ونسوي شربيت (نشرب شربيت اخلاف البيت ) ونوزعه في طويسات ابن الحلال
ولا نعرف خرابيط التيل الجالي كريمه جلي معكرونه شوربه

ونتشاب حنا والجيران والي الشبه عنده يصلي بنا التراويح ونام بعد التراويح ونقوم مع السحور
صلاتنا خفيفه صلاة بدو رقش الله يقبل والسوره نجي مع طرفها وهم شي النيه والشيبان ياخذونا بالعصا لو نضحك وليا ازرينا نمسك عمارنا من الضحك قطعنا الصلاه وليا سلمو ونشدونا الشيباب لاه قطعتو الصلاه قلنا البل جاها اباعرن همل وسقناها يم الشعيب

كل الشكر

اللله يبلغنا رمضان ويجعلنا من عتقائه من النار

__________________

منتديات قبيلة الغنانيم

07-15-2012, 07:19 AM

مبارك حمد الغنامي

كاتب مبدع

تاريخ التسجيل: May 2008

المشاركات: 843

معدل تقييم المستوى: 17

مبارك حمد الغنامي is on a distinguished road

والله المقاضي كثيره والمبالغة في السفره أكثر والسبب إن رمضان له جو غير عن كل الشهور فيه نكهه خاصه فيه وفيه تراحم وتواد وتواصل بين الناس

الله يبلغنا رمضان لافاقدين ولامفقودين

__________________

منتديات قبيلة الغنانيم

07-15-2012, 11:13 AM

عاشق المرقاب

كاتب مبدع

تاريخ التسجيل: Mar 2012

المشاركات: 682

معدل تقييم المستوى: 13

اولا نبارك لجميع الاعضاء بقدوم الشهر الفضيل ونسال اللة ان يعيننا على صيامة وقيامة
واللة منظر يضحك لما تشوف الحريم يجدلن اغراض رمضان من السوبر ماركت وتشوف العربيات يادوب تدف الوحدة كان المقاضي بتخلص اللة لايبلانا وكانة شهر اكل ماهو عبادة
والشئ الجميل الفطور الجماعي بس افضل شي الريجيل بس بدون عوائل او على الاقل عوائل قليلة -لان العوائل يبيلها تستاجر عمال مطعم اذا الفطور عندك -وبيكون عذاب على الاجودية الي عندك تبد في من والا في من-بعضهم يوم يجي الفطور عندة يجمع امم عشرين رجال وسبعين ورع وحراريييييييييييييم يادافع البلا -واذا راحو تعال شف العصيرات متكفية بكل محل والجلي قطع بكل مكان واللقيمات والسمبوسة تحت الكنب ووراء المساند والمسكينة راعية البيت تجلس يومين مشلولة شلل رباعي مؤقت مع فقدان للذاكرة وتهذري والعيون متقلبة اللة لايلومها حوف واللة التسعين سمبوسة اللي لفتها -
رمضان لة جو خاص وذكريات حلوة اللة يعيدة علينا سنين مديدة

اللة يسعدك يامعدي واللة اني ضحكت لين جاني شد عضلي من سوالف فطورك
تحياتي الك

__________________

منتديات قبيلة الغنانيم

07-15-2012, 05:20 PM

يزيد العطاوي

تاريخ التسجيل: Dec 2010

الدولة: الطايف/حايل

المشاركات: 228

معدل تقييم المستوى: 15

من جد من يقولون جاكم الرمضان كنهم يقولون جاتكم مجاعه
كلا شد حيله فالسوبرماركات
لا حول ولاقوة والا بالله

كل عام وانتم بخير وصحة وسعاده
ويعطيك العافيه
تقديري لك..

__________________

07-17-2012, 07:59 AM

حره على كف صقار

كاتب متألق

تاريخ التسجيل: Aug 2011

المشاركات: 1,305

معدل تقييم المستوى: 15

حره على كف صقار is on a distinguished road

بسم الله الرحمن الرحيم
رساله هااااامه للرجل في رمضان
أيها الرجل العزيز سواء كنت ( أب/ زوج/ أخ / ابن / خال أو عم) وبعد

نحن معشر البنات تجينا حاله من الهم وضيقة الصدر والهواجيس ويصير بالبيت حالة استنفار
اذا قلتواانكم عازمين رجال على الفطور
وتزيد هالحاله لوقلتوا هالكلام قبل الاذآن بربع ساعه
وتجينا السكته القَلبيه
لو صار هالشي والبيت ما فيه شغاله

ف رجاءً رجاء حار
ومن أعماق القلب

خلوا عنكم حركات كرم حاتم الطائي ههههههههههههه
وانتم يا أيها الاشخاص اذا انحطيتوا بهالموقف وعزمكم واحد ماعنده دم وما يرحم اهله علىالفطور فخلوكم اشخاص نبلاء وتمسكوا بالرفض كأنه حبل النجاة لكم
وراح تجيكم دعااااااوي زينه بنهار رمضان

ورقة المقاضي نسيت لأجيبها معاي بس اذكر كنت كاتبه فيمتو وشطبت عليه لأنهم يقولون انه ضار صحياً

موضوعك روعه يانجديه
اهنيك واهني أعضاء المنتدى بقرب حلول شهر رمضان المبارك
كل عام وانتم بخير

__________________

		منتديات شبكة قبيلة الغنانيم الرسمية > الأقسام العامة > القسم العام
مقـاضي رمضـان

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules