هاض قلبي ظهر قبل امس يوم اذن نصيب=قال جاكم صايحٍ ستر راسه فـي عصـاه
ثم وضينا من المـا علـى جـال القليـب=ثـم صلينـا جماعـه وعجلنـا الصـلاه
يوم جتنا لنها بنـت ماقـد جـت بصيـب=كن حب نهودها فالنحـر جمـرة غضـاه
قلنا ويش العلم يابنـت والتبريـج عيـب=قالت ان المال يـالآد روق إقفـي عـلاه
يوم جانا صايح البـل وحنـا نستصيـب=قصدنا قـل الجماعـه وكثـر اللـي وراه
والله انك تزهم الرجـل باسمـه مايجيـب=مغلقٍ درب النسم زرمـة ٍمثـل الحصـاه
ثـم ولمنا المراشح لعجـلات الهذيـب=كل وحده قد طلـع قرحهـا وهيـه فتـاه
زادهن الدر والقرص وغمـور الرطيـب=لين راحـت وحدتهـن تشـادي للمهـاه
جعـل ذرعـان لحقنـا عليهـا ماتعيـب=الحذا فيهـن ولاوحـده تشكـي الحفـاه
ثم جا مفزاعنا سيرتـه وامـره عجيـب=يوم ياطـن الدعـث كنهنـه مـع صفـاه
سبعةٍ والكل منـا علـى مثـل القضيـب=طايرمـن كـف راعيـه يطردلـه قطـاه
سبعةٍ كم فرقو من حبيـب ٍ عـن حبيـب=سعد منهـو لاذ فينـا يبـى درب النجـاه
يوم جيناهم الياشيخهـم رايـه غضيـب=مير خلينا الرمـك بالحـذا تاطـا عـلاه
يوم قسمهـم صليبيـن جيناهـم صليـب=جا يبـى خيبـة رجانـا وخيبنـا رجـاه
كم صبي ٍ طاح رايحتن عظامـه حطيـب=مايثـور المـارت الا بعـد تلمـس قفـاه
لين نطلان الجنايز غدى مثـل الخشيـب=مثل نطلان الخشب في براح ارض ٍ فـلاه
مادرى انا فالملاقا عمـى عيـن الحريـب=كل معلـوقٍ ننوشـه نجـزه مـن عـراه
ياذيابة كشـب والخـال وذيـاب الجذيـب=انحرن هكران عان الولايـش فـي قـداه
وعد راس الضلع ياذيب واشهر بالقنيـب=لين مافي ضلم من ضبعةٍ توحـي عـواه
وعندك الجيش المذبح وغب من الغبيـب=خل سبع المجحره يشبع ويشبـع جـراه
حشمة اللي يوم جا الوقت تعطينا الحليـب=يوم لاذ الـزاد مطعومنـا تحـت الرغـاه
هي قرايانـا المقيمـه ليابـار الصحيـب=يوم كل صحيب كاذب يبور بمـن نصـاه
شرهو في هجمةٍ ذخـر شبـاب وشبيـب=مايجيها عادي ٍ غير يرثـع فـي شـواه
يادري العـزم حنـا كفايـة مـن يغيـب=دون صلفات العشاير نرد حـوض الوفـاه
يارجال العرف من يقبل الرخمـه نسيـب=كيف يرضى بارد الحيل يبزع فـي نسـاه
والردي يالبيض عيفنه ان جاكن خطيـب=ادهنن راس المهبا وجـوزن مـن نمـاه
لوقضا الحاجات يالبيض من خذته تخيـب=حيث فرخ الكندره ماينومس مـن غـذاه
وخاتمة شعري صلاة ٍ على وجه الحبيـب=النبي اللي عليه انزلـت فـرض الصـلاه