ياخوف قلبي يازمان الربضه
هذي علاماتك تقدر فيك ناس فاضيه
بانت علاماته لوانا نشمأز ونرفضه
فيه اختلاف وفيه فرق عن السنين الماضيه
وفيه الخبول اللي تريده بالسنتها تفرضه
والناس الاخرى ساكته والساكته كراضيه
أحداث تحدث فالزمان وكل صاحي تمرضه
لاشافها العقل البيب يقول دنيا قاضيه
عاقل بعين مفتحه والعين الاخرى مغمضه
صحيح رجل بلا وضو والرجل الاخرى واضيه
عاقل تجيه أهل العقول الناقصه وتحرضه
ياطا برجله فوق جمرن وسط نار لاضيه
اللي عظامه لينه ويطيح مهما تنهضه
خله يطيح ولا يقوم ان كان عينه غاضيه
الي خسر في الجوله الاولى وقال معوضه
فالجوله الي بعدها يخسر بضربه قاضيه

المصدر: منتديات شبكة قبيلة الغنانيم الرسمية