البارحة حسيت بالقلب هوجاس = هوجاس ساهرني وكني غريمه
كتبت شعري بين حبرٍ وقرطاس = مدحـ(ن) وتزهابه رجال حشيمه
يستاهله من هو رفع هامة الراس = اللي رقى العليا بقو العزيمه
ويستاهله من كان للخير مقباس = اللي علوم الطيب عنده غنيمه
عيال شيخـ(ن) ورّث الطيب بالساس = ولا مات من ينجب رجال كريمه
حطوا لهم في ماكر العز مجلاس = وفي صفحة التاريخ قدر وقيمه
يفرح بهم من كان للخير عساس = ويروغ عنهم من يحال البهيمه
كسّابةٍ للنعم والنعم مقياس = يرفع درجاته وينهي خصيمه
وان خاصمه خبلـ(ن) من الناس لحّاس = من كان هولحاس يرضى الهزيمه
وان جات عيله من خديشـ(ن) من الناس = ماينظرون الى العلوم السقيمه
كظامةٍ للغيض مع كتم الانفاس = وهذا تحلى به رجالٍ حكيمه
والمدح في ربعي معزه ونوماس = والشعر في الطيّب بيوتٍ سليمه