هذي أبيات طريفه لأحد شيبانا وهو راعي قنص ومكاشيت ومعه جيب وباعه وراح للمعارض يبي يشري جيب ولفوا راسه الشريطيه وخلوه يشتري داتسون من الموديلات الجديده وأخذ الداتسون وهو غير مقتنع وصار يقنص عليها وكانت السياره منتازه في الأرض الحجريه وقرر يوم من الأيام أنه يكشت هو ربعه للنفود ولا أعجبته الداتسون كل شوي وهو مغرز وربعه يدفون ويحفرون فصارت مساجله بينه وبين ددسنه ويقول الشايب:


الشايب:

ياموتري وشفيك باالعزم متواني @@ بعض المماشي تفشل وجه راعيها

الددسن:

والله يالولا لخلي القش قطعاني @@ وأوصلك دار"ربوعك مامشت فيها

تقصد أنها توصله لليابان ديرتها.

الشايب:

خابر فعولك وكل المختبي باني @@ وكم رملة" من خواتك غرزة فيها

وأنتهت المحاوره بفوز الشايب ولايزعلون الربع اللي معهم دداسن.

لكم مني كل الود والإحترام.

أخوكم / صقر مطير.