سجل حضورك ببيت شعري (ظريف + طريف + شاطح) من ابداعك او من ماتحفظه
 

اخواني اعضاء منتدى قبيلة الغنانيم
السلام عليكم ورحمة الله وبركاته
اعرف ان اكثركم شعار ودواهي في الشعر واللي ماهو بشاعر عنده ذاكرة تخزين 90قيقا ماشاالله علاكم :d
واليوم جايب لكم موضوع جديد
ابيات شعريه فكاهيه من ابداعاتكم او من اللي تحفظونه
والموضوع للوناسه والتسليه والترفيه عن النفس
لو ان اكثركم نفسه في راس خشمه ولايرضيه شيٍ تسايد لكن الشكوا على الله عسانا نتجمل معكم
والمطلوب من كل واحد بيت ظريف او بيت فيه شتله ونتله لو انه حادرله وادي بشرط مايتعدا حدود الادب
وامنعونا من الزرايا يالاد غنام
((النقد خلوه عند الدكتور دغسان في شاعر المليون ))
مار خلونا نستمتع يوم الله جمعنا بلا ميعاد <<< كلمة مسترفد:d
وبصفتي كاتب الموضوع من ابسط حقوقي ابدا اول واحد
واضرب لكم مثال
ابيات لشاعر ماعرف اسمه
وشاعر اخر في غرض شعر اخر يقول
وشاعر اخر
:d
هو صادز يوم اشوف بعض الاعضاء
اذا وصلت الفكره افكاركم
واصلوا على هالمسحوب لين تغلق صفحات المنتدى الا في حالة تثبيت الموضوع

يالله صباح خير انت مسرح اليوم حادك البرد وجالس تشخمط والا يمديك تطوف بقبر مسيلمه الكذاب في العيينه
وجيت على اللي في البال شعر ما عندي شعر تغا خوايص ابشر
ابو علي تدري اني بغيت سنيتن هنيا اجي شاعر وكنت اسوي كل سته شهور ما لايقل عن ثلاثه بيوت بس الاعلام في هاك الوقت كان مايعطي الشاعر حقه وكان مركز على استقبل وودع وامتدح ويوم الاعلام توجه للشعر ورجعنا للموهبه اللي كانت عندنا لقيناها انتقلت لغيرنا وقعدنا بها واذكر مره ارسلي محمد سيف بن باطح الله يمتعه بالعافيه قصيده من حوالي اربعين بيت وقافيتها صعبه والقصيده جزله ولاكني لااحفظ منها الأن شي وعودة احوس وادوس ورديت عليه واحفظ بعض ردي
وابا اكتبها والله يستر من زراياكم
اقـــــــــــــــــــــــــــــــــــــــــــول سلمك الله
قم يا نديبي واركب العار يا معيـــــتش××××××××× ولم على اللي بالذره دوم مطغيه
ما اطعمته البنزين طعمه من العيـــش××××××××× عار ولد عار كبار مواطيـــــــــه
وان كان شفت رموش عينه مغاطيش ××××××××× وده لدكتور حكيـــــم يداويــــــــه
يكشف علاه وينقشه بالمناقيــــــــــش ××××××××× ويحط سماعه بصدره واذانيــــه
واظبط علاه غماده اللي من الخيــش ×××××××××× واخذ النهار منوله قبل تاليـــه

هذا اللي انا حافضه من هاك الخوايص المهم اني وصلته الحويه وابو سيف شاعر كبير ويوم جاه ردي قال ارسلك جمس وترسلي حمار قلتله والله العجز يابو سيف قصيدتك جزله وتبغالها شاعرويعطيني هاك الجايحه

اسمع

اضيق لي شفتك مع الناس مرتاح ........وارتاح لا ضاقت عليك الوسيعه

شاعر كهربائي

أنا رفيقك لا ضرب كهربك شوط ........ أفزع بسكروبي وأفك الضفيرة

وهذا بعد يقول

يا ليتني في جيبك ريال مقطوع........يبقى معك ما يقبله اي دكان

ههههههههههههه
صحيح فيه برد ولايخلي الزول يظهر خشمه لكن مهما اشتد البرد ماني بشيعي اطوف على القبور الله يهديك مسلم وموحد ربي
وانت شاعر مخضرم وقصيدك جزل منول وهالحين ولو الاعلام يدري عنك ماخلوك تحك راسك اللي مليانن طناخه عساه مايدفن :d
وخابر ان عندك من شعر الطرافه مايطرب المسامع ويونسنا والا كان ماجبت الموضوع لكن اتحفنا بالمزيد
وقصيدتك هاذي كنها من القصيد الهلالي هههههههههه ونامل منك التكرم بايرادها في موضوع مستقل
وصح لسانك واعتلا شانك

وهذا بيت للشاعر عبدالله اللويحان
ان مت في شارع فؤاد ادفنوني - ياطا على قبري بناتن مزايين
والباقي عند مخاوي الذيب

العام رجلي بالطويله تعدي - واليوم كني مكتف الرجل تكتيف - ضيعت عمري في استرح واستعدي -نوب جزاء ونوب انقريه وتنظيف - يارجل سجي وياعين لدي - لديار نجد وعاليات المشاريف -

ابشر ياذياب عطني اذنك جاي - ليه يادنياء تعزين الرخوم ؟ والشجاع يعيش عمره في نكد - تطرحينه كل ماحاول يقوم - كل مايبني يفاجأ بالهدد - والخبل حظه ورى ذيك النجوم - عالي مرتاح دايم في سعد - والشجاع تحاصره سود الهموم - وأن تخلص من نمر طاح بأسد -

الغنامي ياحت حته - اصغيركم ينطح سته :shiny01:

ايه ياخوي عطنا العلوم الطريفه فكنا الرسميات ليامتى وحنا مرسمين الواحد ماينزل عمامته

ابو رامي بيض الله وجهك اثر عندك الشق والبعج المهم هذا المتوفر اساع الباقي يجي

الله على اللي تقول منفذ ن ثوبه=ليا مشا كنه اخذها بجرتها

في ضل دوفن من العيرات منجوبه=وليا سرح ماتعدا حدود فيتها

قال رسميات وهو مكشخ ورابضن في شبك البهم :d والناس مبسوطه في مفلاها
بس ماتعلمني يابوفيصل ماهذا الذي كأنه منفذن ثوبه ههههههههه
تسلم يالرعد
واليكم بعض ماوجدت
-------------------------------------
من حبكم قمت البس الثوب مقلوب 0 وانشد عن الغتره وهي فوق راسي
-------------------------------------
دكتور لاتكشف على القلب ارجوك - اخاف تلقا صورته بالاشاعه
-------------------------------------
نجحت في حبك بتقدير ممتاز 0 عساي احصل وسط قلبك وظيفه
-------------------------------------
البارحه يوم الخلايق نياما 0 قمت اتلفت ثم حطيت راسي
-------------------------------------
هواجيس قلبي ضيقتبي وانا فالبيت - واذا جيت ابا اطلع عارضتني مع الشارع << شاعر غنامي
-------------------------------------
ياعين ابوي انتي وياعين جدي 0 وياعيون جداني ليا حد غنام
-------------------------------------
وهاذي قصيده للشاعر المميز ماجد بن بالود الغنامي
أسبوع بجنيف واسبوعين فالمغرب
ومخـبـاك ملـيـان بـالـدولار والـيـورو
وصاحبك اله وقت لاياكل ولا يشـرب
وفالليل يحرق ثـلاث ابكـات مالبـورو

ابو علي طلال هو اللي قالي انه شايفك انت وفيصل ابو بطين عند قبر مسيلمه الكذاب وقلت ويش ظنك يدورون وقال يمكن يطوفن عليه اذا كذبت سند وانشأ الله يشيلها ابو فيصل
انت ما سمعت عن البعير اللي ظيع بلنتي في مباريات مزاين ام رقيبه شاة الكوره برجله وضربت في يده نسي يرفع يدينه وضيع على فريقه فرصة التأهل لدور ما قبل النهائي واللي اعتزل اللعب بعد كاك المباراه
واللي قال الشاعر المتوجد يصف حاله عليه عندما هجرته محبوبته

ياونتي ونت حمار شرب قاز×××××××××××× والا بعير مظيعنله بلنتي
والباقي ضاع مع السنين العجاف اللي مرت ويمكن انك تعرف تكملها