يا روح روحي فداك العمر وسنيني=لكـن فرقـاك تكفـى لا تطريهـا
انت الذي من جميع الناس مشقيني=والحاجه اللي تبي قلـي واسويهـا
ان كان يا داعج الاعيـان تغلينـي=الروح شفها وش اللي صايرٍ فيهـا
ياما على شان شوفك تفرك يدينـي=ويا ما على شانك الرجلين أعنيهـا
كلي جروحٍ ولا غيـرك يداوينـي=وأن كان خليتنـي منهـو يداويهـا
على غلاكم وشوفـك لا توصينـي=والا انت نفسك عليه ما تواصيهـا
منيب ناسيك لكـن أنـت ناسينـي=وشلون عشرة سنين العمر ناسيهـا
لا من ذكرتك يهل الدمع من عيني=واخاف من هرجة العذال وأخفيهـا
اللي جرالي من اسبابـك يكفينـي=عزالله ان المحبـه مـات راعيهـا