فكري .. من ايام معـدوده و هـو فـي .. دوام=مانام .. لو قام فـي شـرع المنـام .. هدبـي
أسمع .. له اصوات اهازيج و صخب .. و ازدحام=كنّـه .. مـدرّج لقـاء القـمّـه .. الديـربـي
انا .. وشعري مع احداث الدهر فـي .. صـدام=ما غبت .. لو غاب من صدر السما .. كوكبـي
ما للمشاعر .. مع الشاعـر جـداول .. نظـام=تأتي .. و تذهـب بـدون إئتـي ولا .. إذهبـي
مشيت .. يـوم الطريـق المستقيـم .. استقـام=ووقفت .. يوم انعطف ما رحت آواصل .. حبـي
دخلني .. الوقت فـي خانـة شريـط .. المهـام=لين .. اصبح اهمّ حمـل يقـوم بـه .. منكبـي
واصبح .. يصلّط عليّ مـن الهمـوم .. الهُمـام=اللي .. نطحني مع الـدرب و نهـب .. مزهبـي
و ابقى .. ظلوعي من الحيـره بقايـا .. حطـام=و استيسر .. جنود فكـري و استبـاح .. تعبـي
وش .. عذري امام وجهي من مقص .. المـلام=لا قام .. ياخذ من اطـرف لحيتـي .. و شنبـي
صوت .. الحقيقه يقول : انّـا بكـل .. احتـرام=مستنقع .. الاوبئـه مـن مـرّ فينـا .. وبـي
بغيت .. اوقع معه و ابصـم بـراس .. البهـام=لكن .. تغاضيت و استدعيـت عـرق .. نسبـي
و اسمعت .. و اشبعت حاضرنا الكلام .. التمـام=و القيت .. تاريخينا الماضـي علـى .. مكتبـي
حتى .. استلم واقعـي عنّـي زمـام .. الكـلام=واثنى .. على طيب ماضينا و جـاب .. سببـي
صحيح .. كنّـا العـرب للمجـد ذروة .. سنـام=مير .. الزمن لولبه فـي عصرنـا .. اللولبـي
وشلون .. ضاعت مكارمنا و نحـن .. الكـرام=يا لهف .. نفسي على نفسي و ما حـلّ .. بـي
هيهات .. يا مجد عصـر المسلميـن .. القـدام=تاريخك .. الصعـب هـزّ الشـارع .. الاجنبـي
منك .. أصبح الدين الاسلامي محـل .. اهتمـام=العالم .. اجمـع بمـا فـي العالـم .. اليعربـي
حتى .. إرتدى وضعنا الراهن من الـذل .. خـام=و قامت .. تفلّت على الإسـلام بـرق .. العبـي
سلمت .. يا سيّـدي أحمـد عليـك .. السـلام=يا خاتم .. الأنبيا يا اكرم و يـا اشـرف .. نبـي
يا خير .. مرسل على خيـر الامـم .. و الانـام=يا من .. عليه أُُنزل الوحـي بلسـان .. عربـي
إختارك .. الله علـى الأمـه و كنـت .. الإمـام=العـادل .. القائـد الشهـم الشجـاع .. الأبـي
هزّيت .. مع مولدك عرش الملـوك .. العظـام=وأنكرت .. من طهرك الأصنام وانتـه .. صبـي
قد .. أبصر النور من هديـك و زال .. الظـلام=حتـى .. تبيّـن بنـور الحـقّ كـل .. مغبـي
بدأت .. الاسـلام و اكملتـه و كـان .. الختـام=إعلاء .. كلمتك و ابليـس يخسـي .. و يهبـي
كمّ .. آتمنّـى علـى قبـرك يطـول .. المقـام=و اخبرك .. بالحال لو ماهو مثـل .. مـا تبـي
أصابنا .. يـا أبـا القاسـم بعـدك .. إنقسـام=من .. شاطي عمان حتى الشاطـي .. المغربـي
ذقنا .. من الغرب طعم الخـوف .. و الإنهـزام=نالو .. من امجادنا و اخـذوا شرفنـا .. سبـي
و إستهزؤا .. من حرم طيبه و بيـت .. الحـرام=و من .. روحك الطاهره فِداكَ أمـي .. و أبـي
و احوالنا .. ساءت ولاهـي علـى .. مايـرام=ينتابنا .. شي مـن ذعـر و جفـال .. الظبـي
صرنا .. لمبدأ سلام الشرق الاوسـط .. حمـام=لعبة .. حقير و لعب فيها الذكـي .. و الغبـي!!