يابو فالح راح راع الطيب كلـه=( متعب ) العدوان لادارت رحاها
إبن عم وسيف فالموقف نسلـه=محزمً لا كبرت القالـه حماهـا
الحميـا فيـه والنخـوه جبلّـه=في ذخاير لابتـه وألا قصراهـا
صامل الوقفات مايرضى المذلـه=الصعيبـه هينـه لامـن بغاهـا
درع جنب ومن لفالـه مايملـه=سِعد ربعه والعدا سبـت بلاهـا
ياحزامي فالصدر لاهـوب ملـه=لاذكرته هلـت عيونـي بماهـا
ليت دورات الليالي أمهـل لـه=والمنايا قصّـرت يمـه خطاهـا
ياجعل جنات عدنً مسكـن لـه=في جنان الخلد ينعم في هواهـا

مرحبا عد المزون المستهلـه=لاتراخى خيالها وإنهـل ماهـا
بالعزيز وعز من هو فرعة له=محزمي لاشانت ودارت رحاها
ياعضيدي جنة الله منزل لـه=جعل روحه ربنا يحسن ثواها
متعب اللي لو مدحته منحي له=أشهد إنه للمواقيـف يحماهـا
جعل راس النذل دايم فدوة له=إبن عم ووقفته يذري ذراهـا
والبقا في روس منهم محزم له=الرجال اللي رفيـعً مستواهـا
قلتها ما أطلب وراها شيء لله=الشهاده حق وأعلنت بولاهـا
والتحيه والسلام ورحمـة الله=للنبي المصطفى في منتهاهـا