كل ما ناظرت دمعه على خـد اليتيـم=ماوعيت الا عيونـي تهـل دموعهـا
اشهد انها توجع القلـب والله العظيـم=السنه لافرق فـي ايامهـا وسبوعهـا
سـود الله وجـه الايـام ياعبدالحليـم=من درى عن شكلها مادرى عن نوعها
وانت ياللي عايش كل عمرك في نعيم=ماتشكى من ضماها ولا من جوعهـا
ودي اضرب لك مثل شغل العقل السليم=ان صفت لك يوم بكره تشين طبوعها
ودي اعلمك وانتا على خبـري حكيـم=لا تسوي مثل نـاس تسـد سموعهـا
المناهج مابه احسن من النهج القديـم=والزمان يسـر كبـد و كبـد يلوعهـا
لاهرجت اهرج بكلمه توقع في الصميم=ثم يبين عاقل النـاس مـن مقلوعهـا
وان طرالك علم عوذ من ابليس الرجيم=الرجال الطيبـه تستشيـر اربوعهـا
ولا انا لاشفت دمعه على خـد اليتيـم=اضرب العدوان ضربه تفج اضلوعهـا