بـسـم الله الرحمن الرحيم
السلام عليكم ورحمة الله وبركاته
قصيدة للشاعر
(عقاب عبدالله الغنامي)
بديت البيـوت بذكـر انـا طالبـك يالله
تيسـر لنـا القيفـان والنفـس مـامـوره
نبـي نصخـر القيفـان للـي نبـا ننصـاه
عسى ابياتنا تطلع على الكيـف مصخـوره
وبعدهـا فـلا كـل ٍ يزبـن لمنهـو جــاه
ولا كــل رجــال يـبـا يحتـمـي دوره
احد ياصل الهقوه واحد تنتصـف هقـواه
واحد يخلف الهقـوه ولـو دق لـك زوره
وانا وسط قلبي صاحـب ٍ حالـف ٍ منسـاه
رفيق ٍ ليـا جـا العلـم مايعـرف البـوره
ليـا عـد فعلـه ماقفـه تطلـقـه يمـنـاه
على الطيب واهل الطيب يومي بباكـوره
كريم وحكيـم وديـن رب السمـا بـد ّاه
وجريح الزمـان يصيـر طبـه ودكتـوره
ابوخالد اللي جعـل ولـد الـردي يفـداه
ابا اسنـد عليـه العلـم يفـزع بمذخـوره
إلي قصـة ٍ حطـت بوسـط الحشـا عرقـاه
ابا اشاوره فـي قصتـي واستمـع شـوره
انا لي عشيـرٍ سـل حالـي سبـب فرقـاه
كتمت الصواب وحالـي اليـوم مخطـوره
لقيته زمـان ٍ فـات فـي رقـرق ٍ يرعـاه
لقيتـه وانـا قنّـاص يمشـي بمظـهـوره
ولفتني جماله غصب سبحـان مـن سـو ّاه
مـلاك ٍ عـطـاه الله بالشـكـل والـصـوره
وسلمت فـي دربـي ورد وقصـر ممشـاه
وبدا يختلـف مشيـه ويغضـي بمنظـوره
وتذكرت من مشيه وشكله وذيـر خطـاه
جفيل المهاه اللـي مـن النـاس مذيـوره
توقّفت عن دربـي وقلبـي يتـل اقصـاه
غريب ٍ عن اهل الـدار والنفـس مجبـوره
وسألته بعد جيته عن الدار ويـش اسمـاه
وعسى الدار ياهل الدار بالغيث ممطـوره
ونظر لـي بعيـن ٍ مـن نظرهـا يجـر الآه
سهمها ينـز ّل قايـد القـوم عـن كـوره
وتكلم وقال الـدار ماعشـت فـي مربـاه
ولانـي بعـرف اسمـا صحاريـه وقصـوره
لكـن المطـر ممطـور ناظـر بقايـا مـاه
وتفر ّ ج بعينـك فـي ظواميـه وطيـوره
وتكلـم كـلام ٍ ياحلـو منظـقـه بشـفـاه
خصوصـا ً بعـد مابثلـي خافـي شعـوره
وصراحه يبو خالـد تعاهـدت انـا ويـاه
عهد بيننـا بعـد ماقسـى الوقـت لازوره
وتركته بروض ٍ شوفته تنعش اللـي جـاه
إليـا نسنـاس الهـوى فاحـت عـطـوره
جمـال الطبيعـه يـوم اناظـر جمالـه تـاه
تفـوق الطبيعـه وإبنـة النـاس مستـوره
وذكرت العهد واتعبت نفسي وجيت حماه
ولقيـت الديـار مـن المخاليـق مهجـوره
وبديت العصير براس رجم ٍ صعب مبـداه
أجـر الونيـن ودمعـة العيـن منـثـوره
وجلست أتذكّر ليـن سرحـان جـر عـواه
يجـر العـوى والجـوع يلعـب بحنـجـوره
ولاجاوبه غيـر الصـدى والهـوى يقفـاه
ورجمي بـدت تنعـق حناديـه ونصـوره
وبديت أتفكر وين حكـم الزمـن ود ّاه
رحل للحجـاز ورحـت انـا لـراس تنـوره
وترى اخر معالمهم من أهل الكرم والجـاه
لهم في زمـان ٍ فـات وقفـات مذكـوره
سلايل حصـان ٍ طـاح خمسيـن مـن شلفـاه
حكم نجد ياتركي قبل حكـم اخـو نـوره
وانا اليوم يابن العـم محتـار ويـن القـاه
وتصيتك بقيفانن علـى الفـرخ مسطـوره
وأصلي وأسلـم عـد مـزنٍ شمـل مسـراه
على الهاشمي عـداد مـا لاح مـن نـوره
rwd]m ghgahuv (urhf fk uf]hggi hgykhld)
01-30-2012, 10:25 PM
قصيدة لالشاعر (عقاب بن عبدالله الغنامي)
تعليمات المشاركة
المواضيع المتشابهه
