ديوان الشاعر /محمد بن راشد السندي الغنامي - منتديات شبكة قبيلة الغنانيم الرسمية

01-02-2012, 11:45 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

ديوان الشاعر /محمد بن راشد السندي الغنامي

بسم الله الرحمن الرحيم

يسرني ويشرفني أن أقدم لكم ديوان أحد شعراء قبيلة الغنانيم من الروقه من عتيبه

وهو الشاعر الكبير / محمد بن راشد السندي الغنامي الروقي العتيبي ..

وإليكم ديوان الشعر الأصيل

:

على دربك سهرت الليل واعلنت احتلال الصمت

اشيد من جمالك من بيـوت الشعـر شاهقهـا

ركبت بقارب الأحلام في دنيـا عليهـا همـت

هي أنتي يالمزون الي سحرني ومض بارقهـا

خذي دنياي يامبدأ الغرام الـي عليـه أقمـت

وعطيني منك كلمة وعـد تملنـي واصدقهـا

تراني من غيابك عن جميع مفطراتـك صمـت

وحلفت أقيد البسمه عن شفاهـي ولا اعتقهـا

رحيلك يارحيل الروح ياجمل من له استسلمت

رحيل الشمس عن ناس ٍ وموج البحر غرقهـا

أنا مجنون حبك لو بسر الحـب مـا علمـت

برغم أن المشاعر في ضميري شاب مفرقهـا

أطوع لك بيوت الشعر باسلوبن عداه الشمـت

بدايع من ضميـر وفكـر تاخـذك بطوارقهـا

على بحور الخليل وجبت شيء غيرها والهمت

شياطين الشعر جزال المعانـي قبـل تنطقهـا

باساليبٍ عجز عن مثلها الشعار لـو عممـت

أنا صادق بما قلته (وخير الخيـل سابقهـا )

قصيدي فيك معجز للنخاع وفيه تهت وزمـت

سـوا حررتهـا ولا بديهـه مــا أنسقـهـا

عسى غيبتك مدتها قصيره مثـل مـا علمـت

عليك الروح نار الشـوق ولتفكيـر محرقهـا

تراى من غيبتك ياعين من يهواك ما داومـت

مصيبه غيبتك ما تدري أنتـي وش يرافقهـا

المصدر: منتديات شبكة قبيلة الغنانيم الرسمية

]d,hk hgahuv Llpl] fk vha] hgsk]d hgykhld

__________________

منتديات قبيلة الغنانيم

01-02-2012, 11:47 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

تابع

بالله يالـي منتويـن السفـر تــو
ودو بيوتـن ساقهـا الفكـر تـوه
للعارف الـي طلتـه تشبـه النـو
الـي فقدنـا نـور برقـه ونــوه
مدري بقا في الأرض ولا مع الجـو
ولا مع اشبـاه الظبـى زان جـوه
اذكره لامنا اجتمعنـا علـى الضـو
الضـو يذكرنـي سماحـه وضـوه
له مجلسن محشوم عن كلمة السـو
وله فزعتن في الأمر خيـره وسـوه
لا شان وجه الدهر ثـم قالـه سـو
يقـول سـو الـي تسويـه سـوه
من ساس ناسـن للمعالـي تعلـو
رجم المعالـي عاليـن فـي علـوه
ولاهوب يوقفها على الليـت والـو
تنجـز قبـل علـه وليتـه ولـوه
وبعض العرب مظهر مثل صورة البو
مبناه عـن خافـي ضميـره يبـوه

__________________

منتديات قبيلة الغنانيم

01-02-2012, 11:50 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

تابع

الهنوف الي ملت قلبـي وحلـت فينـي

سرهـا عنـدي وخـل العالـم البلاسـه

درةٍ مصيونـةٍ عـن كـل شـيٍ شينـي

تا خذ العقـل بمباديهـا وتمـلا راسـه

عيبهـا فـي جاذبيتهـا تبـي تفنينـي

املكت قلبي بـدون مفاهمـه وسياسـه

قصةٍ والله عجيبـة والبطـل شخصينـي

اوجزت احداثهـا مـن دون أي دراسـه

أذكر اني قلت وصراع الهـوى يطوينـي

والمكان تقول لبسـه السكـون الباسـه

يابعد كل أصدقاي ومن تشوفـه عينـي

امهليني بس لين أشرب بقايـا الكاسـه

جيت مثخن بالعطش ومشاهدك يروينـي

كيف لو صدري على صدرك يحس انفاسه

لو اظن أن جيتي يمـك تبـي تغوينـي

كان كنسلت المقابل واللقا مـن ساسـه

والله اني حاشمك عن نهج موسو لينـي

وحافظك حفظ البخيل لتجرتـه واكياسـه

يوم جيتك قـام يجذبنـي شعـورٍ فينـي

صرت صادق حس وانا قبل ماش افراسه

قام يرقص لك خفوقي وامسكـه بيدينـي

مثل حـرٍ تـل مسباقـه وحـرك راسـه

كنه يسابـق لشوفـة زولكـم رجلينـي

والضلوع العوج من دونه سجن واحراسه

جملة اوصافك عـذاب وكلهـا تغرينـي

مثل ماتغري الـورود العالـم الحساسـه

صرت لافكـرت تفكيـري يجمـد عينـي

وينتظرني النوم لين يضيع حلو نعاسـه

لا يمي في حبـك اعـده مـن الغادينـي

مايفرق بين مسبـوك الذهـب ونحاسـه

للبحر فيك السكـون وروعـة التكوينـي

وللمطرفيك العذوبه والشـرف واوناسـه

ومن عفافك ستر ودروعٍ تبـي تحمينـي

فوق دين وعرف وزيادة حيـا واكياسـه

ومن كلامك سحر بابل أو خمـر دارينـي

ومن جمالك ظاهره منها البشر منحاسـه

لويشوفك عابدٍ شـارف علـى الستينـي

دق قلبـه للحيـاه وللهوى مـرواسـه

ولو تمرين بدوي راعـي نيـاق ودينـي

يحترق بنه ويرمي مـن يـده محماسـه

ولو يشوفك (دانتي)ماجاب لـو حرفينـي

يرجع بخفـي حنيـن ويقطـع الكراسـه

ولو (نيوتن) يلمحك بيصير لـه قولينـي

قال أسـاس الجاذبيـه عينـك النعاسـه

ولو نظرك أدولف هتلر صاحب التمكيني

كان ماعدوه بارز مـن كبـار الساسـه

ولو رميتي بيتهوفـن ضيـع التلحينـي

وأعلن بدنيا الموسيقا واللحون افلاسـه

عذبينـي بالبعـاد وعـودي واحييـنـي

مثل مايحيي الهميل من الشجـر يباسـه

وزعليني ياغلاتـي وارجعـي راضينـي

واغمريني في حنـان القامـه المياسـه

والله اني مثـل وادٍ لـه ثمـان اسنينـي

ينتظر هامي السحاب ويرتجـي رجاسـه

كل مايشرق صباح اهديك دمعـة عينـي

مع عبير العود والجوري ونفحـة آسـه

شوفتك تنعش عروق الجسـم وتهدينـي

فرجي لي من هواجس فكري ووسواسـه

تبت عن غيرك وجيتك مثـل ماجيتينـي

ياكسجين الروح يفديك الغـرام وناسـه

اتركيني من سواليف الوحـل والطينـي

وحدثيني عن حديث الجوهـره والماسـه

قد حلفت برب يوسف والفلـق والتينـي

انك اجمل من ذوات البشـره الحساسـه

__________________

منتديات قبيلة الغنانيم

01-02-2012, 11:51 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

تابع

يالله تستر في الليـال المقابيـل
وتلطف بقلب(ن) بالهوى مبتلينا
عناني القلب الخضر ياحمد حيل
لولا لهوى الملعون لا ماشكينـا
أسهر لياما يطلع سهيل ويزيـل
لعل مـن جـدد عنانـا يجينـا
يازين لاتسمع كـلام العواذيـل
وشلون تسمع هرج عذال فينـا
عيشتني يامهجتي في بهاذيـل
ولارحمت القلـب يابـن الذينـا
انته بلاي ان عودت علك السيل
وعن حسن غيرك ياوليفي عمينا
يانعومة الفايـن ليـال مقابيـل
النا ان لفت ولا علينـا علينـا

__________________

منتديات قبيلة الغنانيم

01-02-2012, 11:54 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

يتبع

مل قلبِ شاف له بـارق خيـال
واستماله فـي الظـلام المدلهـم
وماحصل غير النظر والصبر طال
والقيـود اثنيـن والبانـي هـدم
ويش حيلة من بغى صعب المنال
أويش حيلة من سرى حافي قـدم
اويش حيلة من شكى غبرالليـال
واجتمع له فقـر مـال وفقـر دم
قال حظه لحظـة اغفايـه تعـال
قال: سَم وقالـه بالكسـر سِـم
كل مانشن علـى صيـدٍ جـزال
الهدف ينحـاش والرميـة تـزم
قالـب الدنيـا ولا خـلا مجـال
كل ما حـاول لـه أمـرٍ مايتـم
يالله انـي طالبـك رزقٍ حـلال
ماسعابه لابن خال ولابـن عـم
منك يامنشي المراديـف الثقـال
ياكريـمٍ علـم النـاس الـكـرم
قمت اسلي النفس في دنيا الزوال
واستر بحلو الأمـل مـر الألـم
والصديق الـي نخيتـه لايـزال
يتشبـه بالضريـر وبـالأصـم
واليدين تريد بـذل بـلا ابتـذال
والفقـر للجـود قيـدٍ لـه ورم
قَل من حصل (نعم) في بوس حال
وياكثر مـن نـال بغنـاه النعـم
تبت ايديـن الفقـر ذل الرجـال
وتبت يديـن الغنـى زوّر قمـم
ماينال الطيـب مـن رز القفـال
وحط له خدام وبيـوت وحشـم
والشهـاده لله أن المـال فــال
بس طيب الشخص موروث وخِيَم
والدراهـم كالمراهـم والسـؤال
ذل والحاجـة بـلا والقـول تـم
والله الي ينحمد فـي كـل حـال
ألتجيبـه وأبتديـبـه واخـتـم

__________________

منتديات قبيلة الغنانيم

01-02-2012, 11:58 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

تابع

أنا عتيبي وأفتخر وارفـع الـراس
يموت ماماتـت معانـي شموخـه
يشوم للعليا علـى كـل نومـاس
ليا نام خطو الي مضيْعٍ مطوخـه
يشهدلنا التاريخ بالطيب والبـاس
يومن كلن صار يمـدح شيوخـه
في ساعةٍ فيها يضكـن الأنفـاس
ياكثر من يلبس حـزامٍ وجوخـه
نرد الخطرونقول يانفـس لابـاس
الموت واحد والبـلاوي دخوخـه
يشهدلنا التاريخ علمٍ على سـاس
بالطيب والعـزه ملينـا صموخـه
حريبنا نعطيه علقم مـلا الكـاس
لياشافنـا يجيـة ضكـه ودوخـه
اهل الكرم في ساعة العسر والياس
لياصاردمث الأرض يشدي صبوخه
ولااذم انا باقي القبايل والأجنـاس
وكلن بفعل اجدوده أظهر طنوخـه
وعلى النبي ازكى صلاتي بلاقياس
عـداد رمانـه وتينـه وخوخـه

__________________

منتديات قبيلة الغنانيم

01-03-2012, 12:00 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

هيضني البرق يوم انه برق في الشمال
وانا من اهل الولع واحـب عشاقتـه
سرى تكاشف بروقه في ثقيل الخيـال
واقفا وريح السعد من خلف مستاقتـه
نصـا ديـار عذيّـه مرتـع للحـلال
راع البل ان طبها مـا تتعبـه ناقتـه
فيها النفل والخزامى والربل والظـلال
يعنالها واحـد شـوف الحيـا فاقتـه
المشي والسير فيها مكسب وراس مال
ريحة هواها البختري جاي في ساقتـه
سواقه اللي مضرى بالخطوط الطـوال
ما هو غشيم يعـل الكبـد بسواقتـه
يصلي الظهر في نبت دقـاق وجـلال
نوار عشبه تقول الصبـح واشراقتـه
من لين عوده ليا هب الهوى في مـال
توّه نشف ماه بيّـن غثـو عشراقتـه
وجدي على جلسة فيها لو اربع ليـال
اشم ورد طبيعي مـا اشتـري باقتـه
يا زين جمع النشاما حول صفر الدلال
ويدور فنجالهـا والنفـس مشتاقتـه
بريّة جايـة مـن شامخـات الجبـال
من اليمـن جابهـا التاجـر بعلاقتـه
في وادي ما وطاه الظلف ولا النعـال
ما تسمع الا لحون الورق في اطباقته
عزي لرجل يبا العليا ولا مـن مجـال
ما احد يلومه ليا منـه بـذل طاقتـه

__________________

منتديات قبيلة الغنانيم

01-03-2012, 12:02 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

الوذ بالصمت الحزين اليا دجـى ليـل العبـاد
واسهر على ذكراك وادلوش الخلايـق راقـده
ياام العيون الي تزيد الوجـد وتذيـب الجمـاد
صحت فوادي من هجيـر الهـم وهيـه فاقـده
صرت انجذب يمك واهيم برؤيتك واشكي البعاد
وكنتي قريبـة لكـن الأشـواق فينـي واقـده
عاد الزمان الي مضى وش عاد لو بالشوق عاد
مادام في قربـي مـن الحسـاد نـاسٍ ناقـده
جربت اسافر واتغرب مـن بـلاد الـى بـلاد
وزادت الغربة عنـى قلـبٍ ضلوعـه حاقـده
جملة وصوفك علمتنـي كيـف يـزداد العنـاد
وعلمتها كيف السهـر يـوم الخلايـق راقـده

__________________

منتديات قبيلة الغنانيم

01-03-2012, 12:03 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

يالله إني عايذن بك مـن الخصـم الخصيـم

والقلـوب السـود تحـت الثيـاب الزاهيـه

ويالله إنـي طالبـك ياغـفـور ويارحـيـم

فضلـك الواسـع ونيـل الجنـان الباهيـه

بيـن لـذات وبساتيـن وانهـار ونعـيـم

وفـي حيـاةٍ سرمديـة مـهـي متناهـيـه

ويا رفيع الشان ناهيـك عـن راي الغشيـم

لا توردهـا يـاكـود الـعـدود الراهـيـه

سوق الأسهم خبل والناس قالت مـن قديـم

كـل خبـل لا امنتـه يجـيـك بداهـيـه

شوفني من تسعة أشهر وأنـا حالـي سقيـم

من سبايب سوق الأسهـم فقـدت الشاهيـه

اشتـر بمكـة ولا تشتـري سهـم القصيـم

وكـل نـاسٍ فـي تحاليلـهـا متباهـيـه

وانت تدري وش مضى لك وخذ نصح الحكيم

ليـش أعيـد الفعـل واعيـد لا الناهـيـه

مـر هذيـك المشاعـر وزمـزم والحطيـم

خير لك من سوق الأسهم ومن بـه لاهيـه

واعرف إن المـال أمانـه يقدرهـا الفهيـم

وبعض خلـق الله يعـدد حججـه الواهيـه

ويصرفه في غير وجههه ويصليـه الجحيـم

يوم مرضعـت الولـد عـن ولدهـا فاهيـه

__________________

منتديات قبيلة الغنانيم

01-03-2012, 12:05 AM

#10

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

لما بـدا الجـو كنـه عبقـريٍ حسـان
وبدت هجوسي لها بين الجوانـح هديـر
عبرت عن ما تكدس مـن دفيـن ودفـان
مابين فكـره تمـر وبيـن فكـره تطيـر
شعرٍ عن شعور قلبي ما ارتـدا طيلسـان
يرسم مضامين يمليهـا الفـؤاد الضريـر
كله جواب لرسايـل مـن يجيـد البيـان
الجادل الي تبـث الشـوق عبـر الأثيـر
الله يسلمـك يارمـز الوفـا والحـنـان
ياوردة الجـوري الـي مترعـه بالعبيـر
وصلت في خيـر للديـره وبـر الامـان
لكني بقربك أمسي وأصبح بألـف خيـر
ياوردةٌ ما طمثهـا قبلـي إنـسٍ وجـان
وأنا كذلك يالولا شـي جـوف الضميـر
غصنٍ تمايل مع الغربي وطرفـه جنـان
فعله بوسط الضماير فعل سيـفٍ شطيـر
الشيخه الي لهـا تيجـان عـز ومكـان
متواضعه.. قدرها فـي مجتمعهـا كبيـر
ياعذبة الروح يا اقوى من ضعف واستكان
ياضعف قويٍ يخلي الروح تصلى سعيـر
دقـت نواقيـس غاراتـك عيـانٍ بيـان
وعجز دفاعي عن المـد الغزيـر المثيـر
كافحت موجات بحرك بين صـار وكـان
ورجعت مكسور طرفي في سماءك حسير
ديمومـةٍ سبّلـت تسقـي زروع الكيـان
في قربهـا زمهريـر وبعدهـا زمهريـر
ما عمرها ناولت مـن يرتجيهـا العنـان
قمة شموخ النفوس وعزمها المستطيـر
لبست ثياب الفخر فـي قمـة العنفـوان
وتوشحت سيف عنتر واستحلـت جريـر
شمسٍ تعلـت سمـا الإبـداع والإفتنـان
تسير في دربهـا يـا حـي ذاك المسيـر
مستورةٍ مـا لحقهـا الشـك والإمتهـان
نظيفة الثوب ما مالـت مـع المستثيـر
لبيـه ياصوتهـا الحانـي يذيـب الأذان
يروي العروق الظمايا في لهيب الهجيـر
والشعر الاشقر يـردد قصـة الإقحـوان
يطول ولا بيـوم العيـد يصبـح قصيـر
الليل طول وأنا .. في سيـرة الشمعـدان
لاضاق صدري أرددهـا شهيـق وزفيـر
في الجسم جمر الغضا في معبد الهرمزان
مابين ميراد زافـات الهـوى والصديـر
عبرت عن خافقي في وصف عود الليـان
لكـن طعونـه تخلينـي بوضـعٍ خطيـر
شعر من شعور قلبي ما أرتـدا طيلسـان
يرسم مضامين يمليهـا الفـؤاد الضريـر

__________________

منتديات قبيلة الغنانيم

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تغطية من زواج الشاب / محمد بن مهيدل الغنامي	نـايـف بـن منيـف الغنامي	أخبار أبناء القبيلة ومناسباتهم .	16	09-06-2012 10:42 PM
طلال بن حمد الغنامي عريساً + تغطيه	مبارك حمد الغنامي	أخبار أبناء القبيلة ومناسباتهم .	15	08-15-2012 05:02 AM
ديوان الشاعر الكبير/فاضي بن ساير بن نافه الغنامي _رحمه الله_	سعود بن منيف بن نافه	دواوين شعراء الغنانيم	4	06-27-2012 11:44 PM
ديوان الشاعر /محمد بن راشد السندي الغنامي	المشعاب	دواوين شعراء الغنانيم	0	01-04-2012 09:45 PM
ديوان الشاعر / مقحم بن دحيم الغنامي	الغنامي	دواوين شعراء الغنانيم	20	02-10-2011 12:50 AM

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم > دواوين شعراء الغنانيم
ديوان الشاعر /محمد بن راشد السندي الغنامي

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules