ديوان الشاعر سعد بن جدلان....... - منتديات شبكة قبيلة الغنانيم الرسمية

11-07-2008, 08:08 PM

سطام الغنآمي

تفاصيل

تاريخ التسجيل: Aug 2008

العمر: 37

المشاركات: 2,478

معدل تقييم المستوى: 19

ديوان الشاعر سعد بن جدلان.......

الشاعر في سطور:
من واحات بيشه حيث موطن قبيلته قبيلة اكلب التي تعد من اعرق قبائل جزيرة العرب قاطبه والتي لم يتغير اسمها اوموطنها منذ العصر الجاهلي حتى يومنا هذا
وبما ان الشاعر في كل عصر هو عباره عن صوره لواقعه الزماني والمكاني فهو ينقل لنا ويصور اللهجه المحليه لتلك القبيله والمنطقه
وكل مايدور حوله من حالات كرم وشجاعه وعشق ووفا وكذلك الظواهر الذي لايحبذها المجتمع.....
::
::
القصيده الاولى
تسمى درة القصائد لابن جدلان،،،

الا ياالله ياللي تحت هيبـة سلطنتـــــك اسلمـت
لك المسلم يسبح لك بحمـدك ولـك الاســـلامـي

احمدك واشكرك واثني عليك بما علـي انعمـت
تزودني وفا قـدر العشيـر ووصـــل الارحامـي

ولجك الفجر ياليل الذهول اللي علـي اضلــمـت
بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت
بصفحة ذكريات العام واللـي مـن ورا العــامـي

بعد تقرير مشوار التجـارب نجحـك واجــــزمـت
بان السيف سيفي والعصا والمحـزم احـزامـي

عطتني عزلة اخلاصي معك نسيان من نادمـت
كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـــــــدمـت
اشـب النـار قـدام العـرب واشيـد اخيـــــــامـي

نهاري حر شمسه يستحي منها لسـان الشمـت
وليلي ترقب نجومـه ملامـة كـل مـن لامـــــــي

على ضو الكلام اللي كشف عنا ستار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـــت
واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمــــــت
يشوفك بالسهل وانته تشوفه بالسمـا السامـي

كثر ماحن قلبي للونيـس وكثـر مـا درهــمـت
فجر صدري حنيني واتعـب الاقـدام درهـامـي

عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـــــدامـي

مدام ان جانبك شام لجنابي وانت عنـي شمـت
كثر خيـرك وانـا مانيـب لاجــــايـع ولاضامـي

اشوف انه علي واجـب ليـا مريتكـــــــم سلمـت
مرور اكرام تربطـه الكرامـه عنـد الاكــــرامـي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي

ختام السالفه ياطيب العشـره كرمـت ودمــــت
هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كــــل مـن نامـي

تذكرني لامنها خابـت اوهــامـك فمـن وهمـت
وشفت الفرق في حب الخشوم وحـب الاقدامـي

القصيده الثانيه

من أجزل ماقال شاعرنا وهي في سمو سيدي الأمير/ سلطان بن عبد العزيز حفظه الله ونصره على أعداء الدين،،

يالله ياللي بيدك الــــــرزق وادراجه
افتح لنا أبواب رزقـــــك لا تخيبنـا

فاحت علينانسيم المســـــك زعّاجـه
والمســــــك جتنا ذعاذيعـه وطيّبنـا

برق الحيا يجذب المسني تليعــاجه
وإلي جذب غيرنا للبـــــرق جاذبنـا

جينا يا سلطان ابوخـــالد لناحاجـه
ولولا الرجا فيك مازاعت ركايبنا

جينا إل ليثٍ يلوح الطيب بحجــاجه
نشكي على الله و نشكيله متاعبنا

نلح بقعا بليـا كـور و حـــــــداجـه
حتى طويل المدى فضّــا مزاهبنـا

نستربيوت الندا عن كل هـــــرّاجـه
كنوزنا الصبر والشيــــمه رواتبنـا

حتى لحقنا ضعافة وقت حــواجـه
ضعا فتٍ عند مثلك مـا تعــــذربنـا

وجينالبيتٍ رفيع الساس وادراجه
ما هو مباني زجاجٍ تـــوهـا تبنـا

كلٍ يروح ويجي و يعد ما واجــــه
واليوم حنّا عيالك وانت شــايبنـا

وإسلم عدد مايهيج البحربامـواجه
وإقبل تحية ضيوفـك يامعـــزبنـا

القصيده الثالثه
في سمو سيدي الأمير /سلمان بن عبدالعزيز حفظه الله

بســــــــم رحمــــــن ٍ رحيــــم نعبــــده و نستعيـنـه
بالنـــــوايـا نيتـه تبطـــــل حقـــــــــايـق كـل نـيّـة

بالربوبيـة و بالشــــــان العظـيــــــم موحــــــديـنـه
الـــــرقيـب المطلـع فالبينـات و فـي الخـــــــفيّـة

لا مفــــــرٍ من قضــــــــــاه و لا هـروبٍ مـن يقينـه
و لا حمايـة للحصــــــون إلا حمــــــــايتـه القويّـه

يا بنات الفكـــــــــر هاتـي لـي نـوادرك الثمينـة
في نبا سلمـــان بن عبدالعـــــزيـز أمشـي جريّـه

في سنام طـــــويق يزرع لك من الياقـــوت عينـه
في زاد و فيه شـــــــــرب و فيه كـن و فيـه فيّـه

جودته تغني الفقارى و ارجــــــــحٍ خطـلاً يمينـه
لطمـــــــــته تعمي عـداه و نفـح جـوده مسفطيّـه

طول الله في بقــــــــــاه و مـدد الله فـي سنينـه
الخصـــــــال الطيبه في شيـخ أهـل نجـد العذّيـه

شايل الحمل الثقيــــــل و معتق النفـس الرهينـه
بالدليـل و طــــــايـع ربــه و متـبـــــــــــع نبـيـه

يـا ولـد قايـد مســـــــــــيرتنـا وربـان السفينـه
الزعيم الفيصـــــلي مرسـي الحــــدود الفيصليـه

صبح المـــــــــــديون قبـل الفجـر ثـم ارتـد دينـه
قمتـه سـت الــــــــــركايـب و ار بعيـن بوارديـه

لا يغـــــــــدر و لا يخـون و لا يحقـر محـاربينـه
يرفع البيرق على وضح النقـــا و الشمس حيّـه

بعد ما سيطر على الخزان و استولى الخـــزينـه
صوتوا بالحكـم بيـن مقيبـره و الناصــــــــريـه

كانت اقلوب أهلهـــــا شتـى و كـلٍ لـه ضغينـه
في جهـــــل و أعمالهم سلب و نهب و عنصريـه

جاتـه الأسيـاد تعطـــــــــــيـه الـولا و مبايعنـيـه
بعد شافوا ضرب أبو تركي و مركاض العبيّـه

كان في الشبه أربعين و كان به عشره بطينـه
فأشهد إن عبدالعـــــزيز الفيصلي مـا فيـه زيّـه

سيدي قدام أجيــــــك القلـب مـا يظهـر كنيـنـه
أتلـزا بالعـزوم اليــــــــــــوم و الصبـح و قفـيّـه

و عندكم يا بو فهد تبدا الظـــــواهـر و البطينـه
انتـــــــوا اللي بعـد رب البيـت منصـى للشكيّـه

سيدي ترك الحقـــــوق اللازمه مـا هيـب زينـه
خص عند اللي يقول حـــــــقٍ علـي و حـق ليّـه

إن بغيت أصد لا الصــــده عن الماجـوب شينـه
و إن بغيت أجود شحّـــــن المصاري مـن يديّـه

في و جهك و وجه أبوك أو جاه مكه و المدينه
و جاه من صام رمضان و جاه من حج الضحيّه

من قيادٍ عند أخـس النــــــاس ورّانـا الغبينـه
و الدهر يا كثـر قشرانـه و ياقـل أجــــــوديّـه

يا صلاة الله على من دين أهل الاســــلام دينـه
و السلام و رحمـة الله و بركـــــــاتـه و التحيّـه

القصيده الرابعه
في صاحب السمو الملكي الأمير/ خالد الفيصل

سلام عدة وبـل مــــــــزن ٍ مراديـف
نو ٍ مـن المنشـأ تزبـر جـــــــويـره

يا سيفنا الدايم و يا دايـــــم السيـف
ابن الملوك أحفاد صقـر الجــزيـره

أهل الجمـوع مفرقـات المـــواليـف
و اهل المقصب و السيوف الشقيره

حبيت أقدم عندكـم باقـة الصيـــف
ي ملتقى السواح مـن كــــل ديـره

شمت هوا تونس و باريس و جنيف
ي طلة أبها و الجنوب و عسيــــره

خواطري مثل السبـور المشاريـف
المغريـات الـسـرد المستــــــذيـره

اللـي تهـاوي طيبيـن المـــــواقيـف
و تهيم في مدح الاسامي الشهيـره

تقلط على فيصل تـرز الغطـــاريـف
شعر يهيـج داخلـه عبـر أثــــــيـره

فيصل ولد خالد مغيـث الملاهيـف
فراج كـرب المعضـلات الكبيــره

المملكه ما رد جيزان لـي طــريـف
عاشت بخير الله بـدي ثـم خيـــره

وفيصل سمي اللي فتح خط برليـف
يوم انعمت عند الرجـال البصــيـره

و فيصل تعشقه طيبات السواليـف
وتخرم لريحـة مستكـاه و عبيـره

عز الله انها تنلقى بهجة الضيـــف
علـى كواكـب حاجبيـك المنيـــره

يا الهيلع اللي ما تحسب التكاليـف
وهايبـك تغنـي اليديـن الفقــيـره

كبر الوهايـم للرجـال الجـوازيـف
اللي يشوفـون الكبيـره صغـيـره

ولا ترى اللي دايم شبـره ضعيـف
ما يبغـي الا العافيـه و الستيـره

يا سيفنا الدايم و يا دايـم السيـف
المعـذره كـان القصيـده قصيـره

القصيده الخامسه
في سموهـ أيضــاً،،،

أبدا باسم من خضوعي له وتوحيـدي
والسبحنـه والتشـهــــــــد والتحيـاتـي

كرسي جلاله على عرشه مدا الميـدي
في وسع سبع الاراضـي والسمواتـي

عسى عراه الوثق طوق على جيـدي
ولا يفـرّح حساسـيـدي وشمّـــــاتـي

إللي كتب في عبيده شقـي واسعيـدي
ورفع بعضهم علـى بعـضٍ درجـــاتـي

ويد ل منطق لساني فـي الأ ناشيـدي
ويزيدني مع هل العـرف إعتباراتـي

إن ناشني من رجال العـرف تأييـدي
حبّيـت نشرالجـرايـد والمجــــــلاتـي

وإذاجـذ بنـي كلامـي للمناقــــــــيـدي
قبل مآسـي كلامـي ياجـب إسكاتـي

شرّد إبكار النشيد أجفل من الصيـدي
ومـن القنانيـص قدهـا مستــــذيراتـي

يقنـص لهابالمحـازم والبـواريـــــدي
تنصاد مـرّه وتسلـم عشـر مــــــراتـي

الشعرصدقـه علـى الأفعـال تأكيـدي
وتقبل إشهوده دون صكـوك واثباتـي

مجـده يخلـد إبيـوتٍ للأجـاويـــــدي
تبقى إضويه بعـد الاسـلاف حياتـي

وأكـد بطبـع العـــروبـه والتقالـيـدي
من لا نفع حـيٍ مايفقـــد إليـا ماتـي

ماهوب شعر المظاهـر والمقاصيـدي
ياصاحبي رش خبزك من لبـن شاتـي

الحر ياقـع مـع الحقـب المجـــاليـدي
و يقول طيري وراي وسويّ سواتـي

قريحتـي ميلـت شعـري وتمـــجيـدي
لمعانق الشـرد فـي روس المنيفاتـي

حذرات الاشعارفي روضـه مقاييـدي
إلشـرد اللـي مطاردهـن عســــيراتـي

إلقلّـط ، إلمترفات،إلعنـس ،الغيـدي
إللي عدمهـن علـى إلشعارحسراتـي

شيـخٍ قصيـده قـداوه للقــــواصيـدي
وشخصه قـداوه واساليبـه قداواتـي

إمخلـدٍ فـي سنـام المجـد تخلــــــيـدي
أرسى من إطويق وجبـال السراواتـي

ياحـق الإنصـاف لطّـام الأضــــاديـدي
يالهيلع إللـي تطيــــع لـه الصعيباتـي

ياسيدي خالد الفيصـل ولـــــد سيـدي
ياسيدي سيد قومي و سيـد ساداتـي

كل الشكاوي على مجـدك مسانيـدي
إلليـا حـداه مـن الايـام صــــــــكّـاتـي

يامحقق أهداف شرهيـن المقاصيـدي
في جانبـك تكبرإشروهـي وهقواتـي

عزمي يحط الثريا والقمــــــر فـي يـدي
واسعى وعجزت جهودي عن طموحاتي

أرهي على جمع زرع ٍ حصــده بعيـدي
ولا أتحسف علـى الفايـت إليــــافاتـي

عسى السعاده تجـدد معـك تجــــديـدي
وعطال سيري إمهندسه أنت بالذاتـي

ياسيدي خالد الفيصـل ولـد سيـــــدي
أهديـك ياخــــالـد الفيصـل تحيـاتـي

القصيده السادسه
في صاحب السمو الملكي الأمير /فيصل بن خالد بن عبد العزيز

شدوا يا النشاما فوق حمر ٍ حــرار حيـل
منوة كل مشتـاق علـى الهجـن متـرحّـل

نبّاي الفقار أجسامهـن من اللحـم نحيـل
أباهـر غواربهـن عـن أكوارهـن سـحّـل

فج عضود كن زغونهن للسبـاع دحيـــل
عنـهـا نـسـع الأزوار ورقـابـهـن نـحّــل

سواد المدامع في بياض الخـدود ذحيـل
تقـول إنهـا تـضـرب مكايـيـج و تكـحّـل

تنصـا فيصـل الخالـد ربيـع لكـل محـيـل
لا قلّـت مزاهبنـا أو نــاب الـدهـر قـحّـل

جنـاب الزحـل لا منهـم طــروا الـــزحّـيـل
شيخ في سنـام المجـد شايـخ و متفحّـل

في فيصل خواطر خاطري تندفع بالحيل
و أنـا و الله إنـي فـي صنايعـه متـــوحّـل

القصيده السابعه
في سمو ه أيضــــاً،،،

الأوله مــــــــــن الأولات عبـادة المعـبـــــــودي
الله اللـي يولـــــــــــج ليـــــــاليـه فـي الأيامـي

فاح ريح الـــــــجاوي من العود والكــمبـودي
مع ذعاذيع الصبـا لا هبــــــــــت الأنســـامـي

يا قريحة خاطري مع فــــوح ريح العــــودي
في نحور الطــــرس الأبيض سجلي ياقلامي

واكتبي سطر سواة اللـــــــولـو المنضــــودي
وابدعي قاف يغني في اليـــــــمـن والشامـي

في نبا فيصل ولد خــــــالد زعيـم الجـــودي
يا سلام اللــــــه على راعي المقـام السامـي

يسمو الإبداع في الســــيد من المسيـــــودي
وفي سمـــا الأسياد يوضي كوكـب قدامـي

أهل عقال القصب والجــــــــوخ والحمـودي
واهل السيف الشقير مناصـر الإســــــلامـي

حبنا آل سعود قاد المجد في ابن سعودي
وأنت يا هداج تيمـاء بهجـة للضـــــــامـي

جيت أهني جيت أبارك جيت لي مقصودي
فيك تكبـر شرهتـي ويحققـن أحــــــلامـي

جيت أبي منك الفرج يا فزعة المضهودي
و ابني آدم يرمي الأسهام والله الرامـي

والختام اسلم عـدد مانسنـس النـــــــودي
من هجوس ما تساق إلا علـى الحكامـي

القصيده الثامنه

البارحـه يـــــــوم الاوادم خواشـيـع
في نومها وناعلى الكـوع واعـي

هم(ن)يمزع سترة القلـب تمـــزيـع
تقول ينهــش ثومة القلـب افاعـي

خذت القلم من بين روس الاصابيع
وحبيت اميز سيرتـي وانطباعـي

عزلت من صدقان عطلةالاسابيـع
وعزلت من ضحك الوجيه الصناعي

وعزلت من بنين بامالي مشاريـع
جميد برد ولانس الشمـس ماعـي

وعزلت من زرع الخلـي البــلاقيـع
وعزلت من رفــــع الثنيـه رباعـي

من نفعة اللـي ماطلبنـي منافيـع
جميلة(ن)في غير اهلهـا ضياعـي

في اسواقها ماعاد لشري ولابيـع
لخطيت من رفقة طويـل الـــذراعـي

اللي على الرفقه يسوقـه دوافيـع
هـذاك تشـرى رفقتـه ماتبــاعـي

امايشجعني على الطيـب تشجيـع
والايعلمنـي حمــــــيـد المسـاعـي

والا ليـــامنـه رمعـنـي روامـيـــــــع
وضاقت على كل الفجوج الوساعي

جيته ويسرلي عســــيـر المواضيـع
وخلاخفايا خاطـري لـه وســـاعـي

معرفتـه ماهـي معرفـة طماميـع
ماتنتـج الاالغطرسـه والضيـاعـي

القصيده التاسعه

الجهاله فـي ابـن آدم توليـه اـــــــلدبـور
لوطريقه غـادي يحسـب انـه متـــــــجـه

عنده ان مامثل شوره مع الاشوارشور
مادرى انه له مزاج وللنـاس امـــزجـه

يمكن ان تلقى مزاج يبادلـك الشعــور
لو على فلم الشطـاره وفلـم الدبلــجـه

واخر المشوار لا حصلت مافي الصدور
كل زور فيـه شوراليـا فـاق اهــــرجـه

القمر والشمس كنها تسلف منـه نـور
والجبال اتصير تحته خيـول مسرجـه

يحسب ان معه افضليــــــه توليـه العبـور
ان لقاءالملح ازعقه ون لقاءالحلواسمجه

السماء عجزت تنوشه جناحين الطيـور
ماوصلـه الامحمـد ابليلـة معـــــــرجـه

يا ابـن آدم يلعـن الله مختـال فخـور
من تواضع تحت ربـه يعليـه ادرجـه

لجل ماتدخل جهنم على شـان الغـرور
للعرب حاول تواضـع وتعطيهـم وجـه

من لقا عذب المشارب ومثمرة الزهـور
ما قعديغرف من البحرويسوق احدجـه

القصيده العاشره

أنا وين أبلقى يالاجاويـد فاعـــل خيـر
حريصٍ على سـرّ المحبـــيـن لارســـلتـه

أناّ لوّ أبصبر عام مابـــــان بـي تأثيـر
وهالحين حتّى الصبر يومين مـا أحتلتـه

أنا مثـل صقـارٍ تولّـع بحـــــبّ الطــــيـر
ولف قلبه فـروخ الصــــــورايـم وهبلتـه

تولعّت في فرخٍ قضـــــيـبٍ يتـلّ السيـر
ابيّ نظرتٍ مـن لفتـة الحـــــــــرّ وسبلتـه

صغيرٍ بسنّه غير عندي ماهـــو بصغيـر
يامغـلاه فـي قلبـي وياكبـر منـــــزلتـه

أجمعله سمان الهرج خوفٍ من التقصير
والى جيت ابشرح له كلامـي تهــيزلتـه

يجيني منّه هيبه . معزه . سحى . تقدير
اقابلـه عنـدي علـم وأروح ماقلــــــتـه

ديوان الشاعر جدلان.......

يتبع..

المصدر: منتديات شبكة قبيلة الغنانيم الرسمية

]d,hk hgahuv su] fk []ghk>>>>>>>

__________________

منتديات قبيلة الغنانيم

التعديل الأخير تم بواسطة : سطام الغنآمي بتاريخ 11-07-2008 الساعة 08:22 PM

11-08-2008, 02:08 AM

يوسف الغنامي

مشرف سابق

تاريخ التسجيل: Jul 2008

الدولة: Everywhere

العمر: 39

المشاركات: 3,687

معدل تقييم المستوى: 20

رد: ديوان الشاعر سعد بن جدلان.......

ابداع متواصل مشكور اخوي تفاصيل

__________________
لا اله الا انت سبحانك اني كنت من الظالمين ،

11-09-2008, 01:23 AM

سطام الغنآمي

تفاصيل

تاريخ التسجيل: Aug 2008

العمر: 37

المشاركات: 2,478

معدل تقييم المستوى: 19

رد: ديوان الشاعر سعد بن جدلان.......

هلا يوسف نورت صفحتي

__________________

منتديات قبيلة الغنانيم

11-09-2008, 01:52 AM

سطام الغنآمي

تفاصيل

تاريخ التسجيل: Aug 2008

العمر: 37

المشاركات: 2,478

معدل تقييم المستوى: 19

رد: ديوان الشاعر سعد بن جدلان.......

تابع:

الحادي عشر :

ياعيون اللي على المرقب تعـلاّمايـرب الا المراقيـب الطـوالا
طرتّك منها غثاء البـال يتجـلاّنعـسٍ مابينهـا بيـضٍ تـلالا
تذهل إلّي في جواهرهـا تحـلاّواهني من ذاق من ريقـك زلالا
لا وجاه الله ومنّ زكّـى وصـلاّمانبيك الاّ على السنّـه حـلالا
مايرّد الجوع شخبٍ في المفـلاّولا يخضّ السعن من ذوده هجالا
أنت غالـي ياوليفـي لا تغـلاّيثبت الليّ بيننـا ايـامٍ طـوالا
واللهّ انّي ميسٍ من وصلـك الاّفزعةٍ مـن ربنـا جـلّ وتعـالا
أدخل الضولات من شان أتسـلاّكود جرح القلب يبرى ويتشـالا
والمجنّب مـن الأوادم مايخـلاّلا سلم من شرّ ذولا ..جوه ذولا

الثانيه عشر:

ياوليفـي دمعكـم فـي غيابـي ردّ لـيوأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّالهبوب البارده منّك هبّـت فـي حشـاي
والله انّ كبدي عليكم عراويهـا أضمـيّوالمشارب غير هرجتك ماتقطع ضمـاي
كيف تستغرب بطاي ومجييّ يـوم أجـيمنك اجيك أبدون رأيٍ وأروح ابدون رأي
ليلي أسهر به والا جاء النهار أشلىشوّيمـرتٍ أشلـى ومـرٍ يعاودنـي بـلاي
وأنت سبّة كلّ شـي ولا داويـت شـيّكيف ياقـادر علـى داي ماتقـدر دواي
بعد مـا شتتـوّ الفكـر وأخليتـو يـديّكثرت أعلوم الشماميت وأفرحتو عـداي
مابعد جاني من يوم التقـو بـي والـديولابعد مرّ المحبين مـنّ حـوّاء وجـاي
لوّ خبر به حيّ يبكي على فقـدان حـيّكان يمدي من عرفني يشاركني عـزاي
جعل يسقى يوم كان الهوى ماغير غـيّفأول الرحلـه مثـل مبتـداك ومبتـداي

الثالث عشر:

ويش أسوي ياعيون الوحش عنق الغزاللاحصل طاريك يفتح علـى قلبـي أرواق
لي ثلاث سنين بين الحقيقـه والخيـالوأخر اشهر ذالسنّه تكمل الرابع غـلاق
شبه وضحاّ فالمخاضير زاويهـا الحيـالمن غلاها عند أهلهـا تبـارى ماتسـاق
تيهّت من صغرها بيـن ثنتيـنٍ هجـالمهتويها راعيّ البل وعاشقهـا عشـاق
عنديّ إنّك ماخـذٍ تـاج ربّـات الجمـالسلموّك الحسن من باب صنعاء للعـراق

الرابعه عشر:

ياعيون مرقـبٍ فعـل الجدايـرفي صعانين الطوال المستديـره
صاحبك يعطي على شوفك بشايرديرةٍ منتو بهـا ماهـي بديـره
من خذا منكم خفيّـات السرايـروالله انّ يبطي ولعكم في ضميره
لبـةٍ بيـن المعنّـق والزرايـرمثل شمس الصبح قدّام السفيره
ويتفرشها من الخمري ستايـرذيل شقراّ شعشعت قدم المغيـره
جوهرة قارون غاليـة التجايـرأشهد انّك بهجة العمر الكبيـره
واحدٍ حضّك مع حضّـه يسايـرشايفٍ القدر فالعشـر الأخيـره
جعل أبو من لامني حمر المنايرفي محبّة واحـدٍ مالـي بغيـره

الخامسه عشر:

يامل قلب(ن) تقول يقلا على صيخخلت به الدنيا حـزازات ومشـوخ
دنيا تنوخ راعـي العقـل تنويـخوينداش فيها صاحي الفكر ويـدوخ
تغيـرو فيهـا العيـال المطانيـخوسبابها شمل العرب صار مشلوخ
خلتهـم الدنيـا مناشـف طبابيـخحتى الاقارب بينها الذيب مصلـوخ
ماعاش فيها الاأعيـال الطخاطيـخخطوا البعير اللي من المدح منفوخ
من شان ماله صار شيخ ولد شيخوامشيخٍ نفسه على النصب والجوخ
بالحكـي لعتـازوه ويـاك مريـخوليا جاء لزومٍ عندهم صاروا فروخ

السادسه عشر:

آه من قلبي اللي دايـمٍ فـي ذهـولوالله انه ثقيـلٍ ليـن جـوه الثقـال
ياقطـاة العبيـه ياهـيـام الـذلـولياعيـون النـداوي يارقبـة الغـزال
نور وجهك على من شاف منك القبولنور صبحٍ تبسم فـي رهـاد الجبـال
كني اقرا على طُـرّة جبينـك تقـولانـا قلبـي يحبـك ياحبيبـي تعـال
كان قدمي حـدٍ فالحـب راح مهبـولوالله انـه خطيـرٍ لايجينـي هـبـال
المحبـه جملهـا مرسـلٍ ومعـقـولنعنبو من يقـول ان المحبـه خبـال
والذي ليلة الاسراء عرج بالرسـولان حبك لحال وحـب غيـرك لحـال

السابعه عشر:

نفوسنا في خشيم الذيب مجبـورهوالله نحـبـه محبتـنـا إلهـيـه
ومحاسنك ياخشيم الذيب مدثـورهبين عليـك الشقاعقـب الرفاهيـه
أنا احسب أن الشقامايخلف الصورهلين أضمحلت ملامحـك الطبيعيـه
قنبه الذيب لين أنشـق حنجـورهثم حول الذيب منه وشرف أوخيـه
حتى فروعه وشعبانـه وشجـورهماعاد تعرف حيوده مـن قواطيـه
يوم إن محاجيه فيها تمرح سبورهوشعابته من لباس العـز مكسيـه
في ظل طلح يرسن كـل مذعـورهوعلى حجاه الثميـدي والفرنجيـه
متبوشن من عواجيـه ومنفـورهحكامنـا قـدم حكـام السعـوديـه
حراس نجد الحديري عند أخو نورهونمرالسباياتقلطـهـا العواجـيـه
إخوان هيا ذرامن قـاد مظهـورهمن أم ريشان إلى عرق المنينيـه
وراعي الجنينه عليها بانين سورهمذبح التـرك وشيـوخ الهلاليـه
شيخ تشيع رباط الخيـل بقصـورهمتروشنِ بالمجـوخ فـوق عليـه
في حكمه الناس منهيـه ومامـورهحق الجنينه عليه حقوق شرعيـه
واليوم سالم ولد حامد لعـب دورهعز الله ا إنه جمع هذيك مع ذيـه
على جميع المراجل طالت شبـورههيبه ولينـة جنـاب وقوشخصيـه
إن كان قصر رفيقه سامح قصورهوان طاب قال الجماعه طيبهم ليـه
عزالله إنه عليه البيض منشـورهيستاهل البيض كل مجـرب زيّـه
و اليوم الأوطان و الرعيان مكبورهأهل الرعايا كفاهم راعـي رعيـه
ولاهي من ربعي الظفران مقصورةسقم الأعـادي مزبنـة الجلاويـه
كسابت النعم لا جا للدخـن ثـورهورث لجدانهم مـا هيـب عاريـه
يفرح بها الشول لا ما لج مضهورهوترعا الهمل في حماهم تقل مرعيه

الثامنه عشر:

علموا اللـي كـل يـوم ٍ يقابلنـا بثـوبمـا يخدرنـا كلامـه مـع مـن خـدّره
إن لقينا اللعب نزحف مـع جـو ٍ لعـوبو ان هبطنا سوق طيـب ٍ خذينـا نـدّره
العرب ما هيـب تعلـم مسـدات الغيـوبو وارد المـا مـا يدلّـه يكـود مصـدّره
و لا تجيك الحصبه إلا من فراش محصوبوحبة الجدري تجي من ف،راش مجـدّره
و المحب اذنيه ماهيـب تسمـع للعيـوبو العدو لا درهمـت بـه تجـي متحـدّره
دامت الأخلاق يملك بها الواحـد شعـوبياجب انها فـي جميـع الامـور مبـدّره
و ان لقيناها طويله و موخرهـا سحـوبو المـرض فيهـا فحولـه تهيّـج فـدّره
ان قدرنا نقفل الباب مـن دون الهبـوبولاّ جـا درب لنـا و القنـي مـسـدّره
الأصايـل كـل يـوم تلافـح بالكـعـوبو الـردي لا عيّـن اللـي يهينـه قـدّره
ولا تعرف حسابك إلا ليا صرت محسـوبوشرهة القـادر علـى العالـم المتقـدره
فالمقابـل نفتـح لـه دواليـب القلـوبو المقفـي قلعـة الـوادريـن تــودّره

التاسعه عشر:

ياتـل قلبـي تلتيـن(ن )بنتلـهكنه من الأضلاع ينتل بسلسـال
من وضعي اللي شايف فيه شتلهدنيا تخلي صاحي الفكـر يهتـال
أحد(ن) توريه السعد واضحكت لهوتخلي أزنـوده قويـات وعتـال
وأحد(ن) ليا منه مشى خطرشتلهمر (ن) يطيح ومر للحمل يشتال
يبغى يصافيها وهي مـا صفتلـهلاكان وده يفعل الطيـب ماحتـال
وضعه يسوقه والليالـي أتختلـهويصير بين أثنين ناقض وفتـال
ياحمود شف للوضع والا التفتلـهشرواك له فالطيب منهج ومبتـال

العشرون:

يا راع الوساع السود يا ناسع الخمريعلي الحرام إني على شوفتـك ضامـي
جمال الخصال اليوسفية يغلـب أمـريعذاب ٍ على من حج لله و من ضامـي
يا راسي و يا صالب عظامي و ياعمرييجيني بلا لا شفـت صورتـك قدامـي
أشوف الحياه اللي يغني لهـا القمـريعلى حاجبيك السود في دمـك الشامـي

الواحد والعشرون:

حبكم ياصاحبي بـان منضوحـهفـي جبينـك نيتـك علمتنيبـه
جاشك اللي بالغلا طافر(ن)فوحهشفت كنك مسحل(ن)في مشاهيبه
عند من له غاية القلب مشروحهالمجامل شين والصده صعيبـه
لك بيبان السراجيـف مفتوحـهكل يـوم اقـول يانـود هبيبـه
زلته يردهـا القلـب مدموحـهدايـم حبـه يغطـي عذاريبـه
والنفوس طيور وشفوفهادوحـهماتفرق غير لاشاقـت الريبـه

الثاني والعشرون:

ون أبن جـدلان مـن لايـعٍ لاعـهكن فـي كبـدي دوافيـر صناعـي
ألعـب المنكـوس وأحـب روباعـهمملٍ في الوقـت والوقـت خداعـي
مادريت أن ضحكة الوقـت خداعـهشفت مدخالـي ولاشفـت مطلاعـي
لابغيت أسـج والا انبصـط ساعـهدق قلبي من وراء حدب الأضلاعـي
كم من بين الضلـوع آلـة طباعـةتشتغـل لانمـت وأقـوم مرتاعـي
هـم قلبـي مايـفـرق تجمَـاعـهغير جر الصوت والنـاس هجاعـي
فاقدٍ لـي سلعـةٍ وأكبـر أبضاعـهسلعـةٍ تشـراء ولاهيـب تنباعـي
رفقـة الطيـب ليـا غيـر أطباعـهأشهد أنهـا كيـةٍ توجـع أوجاعـي
راكب إلي صممه صاحـب أصناعـهجمس بيك أب من حديثات الأنواعي
الغريب الـي جديـدٍ مـن أنواعـهحوض رفرف مايبي شد وشراعـي
لا أنس البنزيـن عجـلٍ تفرقاعـهمخطرٍ من سرعتـه يقلـع أقلاعـي
لاتحرك شفت في القـاع مشلاعـهوالتواير تظهر الماء مـن القاعـي
ينعش القلـب الحزيـن أبتهملاعـهلامشـا قـام يتهملـع تهمـلاعـي
لاوطى الأرض العتش كن تهزَاعـهبنت شيخٍ طامحٍ مـن ولـد راعـي
في رجاء الغايـب تحَـرا لمرجاعـهتنقـد العشـاق وتطـق الأصباعـي
نفسها من جملة النـاس منصاعـهماتبـي إلا واحـدٍ ذكـره أيشاعـي
ينحر اللي يأخـذ الطيـب بذراعـهالصديق الصافي الصامـل الواعـي
الوفاء والطيـب ساسـه ومنباعـهيوم بعض الطيب تقليـد وصناعـي
لاوصلتوا فأخبروني عـن أوضاعـهوأخبروا راعي السمارا عن أوضاعي
أنشدو ويـش السبايـب بمهزاعـهلاعلـي ناقـص ولا أبيـه فزَاعـي
ودَنـا نرضيـه ونحـاول أقنـاعـهكان بن مهمل بعـد يسمـع الداعـي
كـان يبغـا حـق للحـق قطَـاعـهنقعـة والحـق ماعنـه مجـزاعـي
وكان مبغضٍ في الرياجيـل بتَاعـهلايجـي ناقـد ويلحقنـي أريـاعـي
لصَديـق نخلَـي النفـس خضَاعـهمانـوريـه الجـفـا والتمطَـاعـي
الصداقـة عندنـا ذخـر وطماعـهصحبـةٍ ماهيـب صحبـة تمتاعـي
حـد جدتهـا علـى البـرق لماعـهوإن خذت يومين مفعولهـا ضاعـي
فإن تليمنـا علـى العـز والطاعـهوأن تفرقنـا فجـوج الله أوساعـي
ما أطرد المقفي ليا صفـط أشراعـهمخبـل اللـي للمقفـيـن تبَـاعـي
من يحط أذنـه علـى كـل سماعـهجـاه فرقـاً مابعـدهـا تجمَـاعـي
والزباد أختـام هرجـي ومطلاعـهيدفعه من ريحـة المسـك ذعذاعـي

الثالث والعشرون:

بعد الامل تتعب دونه الناس ما وصلوهحتى تجتمع في ساعة الحشر منحشره
وتلقا مبغضين الآدمي كثر من حبـوهعلى وجه سابعة الاراضيـن منتشـره
والوجه المشبب كلمته مالهـا مسفـوهوالاقشر يواجه قشر الارصاد من قشره
والدنيا تمد الناس بالخيـر والمكـروهفي خيراتها شك وفي شرهـا خشـره
وسمات البخت لا شافوا النورما غطوهواقوى رابطه في الزاد والملح والعشره
والي يجهل المشروه لا يلحق المشروهرجـال تعـداه المشاريـه لا يـشـره
والالباب لا مر الكلام المفيـد اوحـوهوتفصيل الخبر تكفي عنه موجز النشره

الرابع والعشرون:

ودنـا بالطيـب بـس الـدهـر جـحـاد طـيـبكـل مـا تخلـص مـع النـاس كنـك تغشـهـا
يـدك لامـدت وفــاء لاتـحـرى وش تجـيـبكـان جاتـك سالمـه حــب يــدك وخشـهـا
كـل ماشبيـت نـار المحـبـه مــع حبـيـبقــام يسـحـل فــي مشاهيبـهـا ويرشـهـا
وكل مـا واجهـت لـك فالزمـن وجـه غريـبمـثـل مـاقـال المـثـل دام تمـشـي مشـهـا
وذمـةٍ ماهـيـب تـنـدار للـحـق المصـيـبجعـل قشـاش الحـطـب لاســرح يقتشـهـا
يازين المشى فى الروض الخضر لاشعشع المخضاريازين الديرة اللى مـن حقـوق الوسـم ممطـورة
يريح البال سج(ن) فى الفياض الخضر والمسيـارسعادة للقلـوب اللـى مـع السلـوان مسـرورة
متى عينى تشوف اللى علـى قلبـى ربيـع وداراشاهـد للسعـادة فـى حيـاة المجتمـع صـورة
الاهلـت مـزون فوقهـن تنعومتـيـن صـغـارعلى ذيك اللباب اللـى مـن الرضـوان مغمـورة
رياض نبتها يحمية مـن شمـس النهـار ستـارتحـت فيـة طفافيـح الطفـل خوخـة وبنـدورة
واشاهـد لـى بـروق دونهـا ربانهـا تـنـدارتقول اكباس غـاز(ن) مـن ورى شـلال نافـورة
سبح ماهر خيالى فـى الخبـاري والبـرد والنـارواشوف الجمـر فوقـة دلـة الرسـلان منحـورة
هذاك المنظـر اللـى ماتشوفـة فالحيـاة امـرارعلى شوفـة سبابيـح الخيـال تمـوت مقهـورة
حـرام انـى ماهنـى راعـى المليـون والدينـارولاهنـى عـرب سـات الفضـا دورة ومقـدورة
اعيش العالم وطـول المـدى يبقـى لهـا تذكـارعليـة بالحـرام انهـا حيـاة مالـهـا جــورة
هذا وجة الصحيح ولاعلى وجـة الصحيـح غبـارحقيقـة ويتمعنهـا اللبـيـب بكـامـل شـعـورة

الخامس والعشرون:

عيد الله عليك يعود يالمستكا والعـودهنيـك جعـل الله بشوفـك يهنينـي
عيدية ضمير حط فية الفـراق لهـودأجامل على الأنظار والهـم طاوينـي
أجدد مع ذكراي عقب الغياب عهـودوأناو الله اني داري ما انت ناسينـي
مواثيق خمس السنين ياناسع المردودويجيبها جزيل الشك من بينك وبيني
ولو كرهوا لحساد واهل القلوب السودمعزتك في قلبي وقدرك على عينـي
محبتك عندي كل ليـل ويـوم تـزودتزيد وتجدد دام انـا وانـت حيينـي
ولو طولت فرقاك قلبي رعـاة الـدودفخطر علي ادخل شهـار المجانينـي

السادس والعشرون:

زاومني الهاجوس ملعون أبو الأهـليقول البيوت العصم ايـاك و اياهـا
لا عيّنت كلمة قلت يضرب بها المثـللقينـا وراهـا كلمـة كنهـا إياهـا
ما تنجح مدارس فلسفة علم في جهلو العربان ما كلٍ يقدر يكسب رضاها
يحاول قدر الإمكان يعني على الأقـليدخل في مفاهيم العرب يكسب اصغاها

السابع والعشرون:

يا كثر الاصحاب يوم اللعب والدشرهيوم الملاهـي تـدوّر مـن يلهيهـا
من اول شقتـي بالنـاس محتشـرهيوم العزوبيـة الـي كنـت مغليهـا
واليوم لا عاد لا خـوه ولا عشـرهالله ولا رفقـة هــذي تواليـهـا
ناس مع المصلحه عشره على عشرهوان حدك الوقت حدة لـك جنابيهـا
اللي حياته مـع البيلـوت والنشـرهواللي يحب الدشوش ولاهـيٍ فيهـا
واللي على الخط دايم فاغر الكشـرهسمّاعته طـول ليلـه مـا يوطّيهـا
واللي مزاجه مع القصات والبشـرهماله هدف والنصايـح مـا يدانيهـا
واللي مع الناس لا يفقه ولا يشـرهشقراً مع الخيل لا هجّـت تباريهـا
ذي عيّنه في شباب اليـوم منتشـرهعسى الذي جابها من الارض يمحيها
اهل المصالح معرّفتهـم كماالقشـرهلا نظّف الراس بالصابـون ينهيهـا
هـذا كـلامٍ علينـا واجـب نشـرهوما تحرق الجمره الا رجل واطيهـا

الثامنه والعشرون:

كل دارأرجعـت وأنـا سنـاويعزتي للي سواتي عزتـي لـه
زادت الحمى فرحنـا للمـداويوالمـداوي زود الحمـى مليلـه
ياجميله كن يطوي الحال طاويوالله ان كبدي على شوفك عليله
والله ان قلبي على شوفك شفاويغير لا بيدي ولا بيديـك حيلـه
سجليني في بحر حبـك فـداويانا مجنونك بعـد مجنـون ليلـه
يارقبت الخشف ياعين النـداويياسراجيف الذلـول المستحيلـه
يامناة تنقصـر عنهـا المنـاويياخيار الدهـم يالقبـا الاصيلـه
لعن بوك انتي مكاسر عود جاويملبسك سندس شرابك سلسبيلـه
لو تمرين الشيوخ اهل الفتـاويعودو مثلـي يجـرون الطويلـه
من هوا شـرواك والا لايهـاويالتقيد من بعض الاشيـا فضيلـه

التاسعه والعشرون:

ألا يالهبوب البارده عجلي هبي
على جاش من قامت هواجيسه أتلوبه
أنا مرةٍ أصحى ومره يغيبي
وأسرح مع كثر الطواري بغيبوبه
ألا يادهر ماهوب حقٍ تلاعبي
وخليتني لمقرد الخلق لعبوبه
أعبادٍمغفلها الزمان وتعجبي
يحسبون قل المال فالرجل عذروبه
وأنا قانعٍ باللي علي كاتبه ربي
ومؤمن بمقدوره وقانعٍ بمكتوبه
ولا أبغى عماألرياء برايه يجربي
وهو ماعرف ماجوب ربي وماجوبه
هدور المجالس راعي المدح والسبي
وهو بالخلاء لو جاه بنتٍ خذت ثوبه
يقولون لي جز من تصرفك وتحبي
وهي توبتي من مجتمعهم هي التوبه
ديار الوباءمن طبها راح متوبي
وقرابة الجرباء على الحول مجروبه
أناعارفٍ منصاي ألامن بدا نبي
وعارف طريقي والذي بالتجه صوبه
وأنا أعرف من أعادي وأناأعرف من أحبي
وبه ناس لاتعرف ولاهيب محبوبه

آمــل انــني قــد وفــقـــت فــي تـــنـــســـيــق الــقــصــائـــد

__________________

منتديات قبيلة الغنانيم

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان الشاعر مبارك العتيبي	مبارك العتيبي	دواوين شعراء الغنانيم	7	09-19-2012 01:08 PM
ديوان الشاعر /زعــــم الغنامي العطاوي العتيبي	سعود بن منيف بن نافه	دواوين شعراء الغنانيم	12	07-25-2012 03:48 AM
ديوان الشاعر الكبير/فاضي بن ساير بن نافه الغنامي _رحمه الله_	سعود بن منيف بن نافه	دواوين شعراء الغنانيم	4	06-27-2012 11:44 PM
ديوان الشاعر /محمد بن راشد السندي الغنامي	سعود بن منيف بن نافه	دواوين شعراء الغنانيم	17	01-05-2012 09:46 PM
ديوان الشاعر / مقحم بن دحيم الغنامي	الغنامي	دواوين شعراء الغنانيم	20	02-10-2011 12:50 AM

		منتديات شبكة قبيلة الغنانيم الرسمية > الأقسام الشعبية والأدبية > منتدى الشعر والقصص الشعبية
ديوان الشاعر سعد بن جدلان.......

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules