يامل قلب يلج وداخله رنــه =لجة ظرايا على عد عوى ذيبه
أو لجة الفرد يوم اقفاية الكنه =وسهيل والقيظ مقبلة ملاهيبــه
حيران شول مشاحين حدتهنه =ظلت على الحاض تقبل به وتقفي به
وان جنّه ارداف والمفرود ضدنه = والحاض توح التضارس في مصاليبه
يارازق اللي بيوته ما لفتهنـــــه =عليهن الـــدرب بينهً مهـــــــــاذيبـــــــه
النار كلت الحطب والنجر أكل بنه =والرزق عند الولي من حيث ينوي بــه
ما همي الا الدلال وثالثتهنــــــه =كبش المربي ليــــا لزمت مواجيبـــــــــه
يازين خبط الركيّب في سندهنه = هودٍ من الليل خابيةٍ مشاهيبه
افرح بهنه ليـــا جني باهلنــــــه =واقوم عجل لضيف اللـــه واهلي بـــه