يالله ياللي كل حين يساله= يامعتني بالخلق دقه وجله
تلطف بحال اللي تردت حواله= كثر عليه الدين يطلبك حله
اطلبك يامعبود ياذا الجلاله= ياواحدن كل الخلايق بظله
ويارب سترك عن دروب الرزاله= يومن ابه خلقن هذا مذهبله
يترك عماد الدين غافل وداله= وتجارته شيل النقيلي ودله
نمام مافال الأوادم بفاله= شاتن ولد شاتن حياته ممله
لانافعن نفسه ولحدن لجاله= ولاقط زاروه النشاما بمحله
ماينفع الي من بعيد إيعناله= لافادته دنياه هذي عنله
وين البخيل بخيل لو كثر ماله= لو كثر ماله ماترك عادتله
يجرا على الشانه وشينن قباله= وليا قفيته فيه تسعين عله
والأجودي ينفعك في كل حاله= ريفن على جاره ولحدن يمله
ريفا على جاره ويرفا خماله= ويستر على عانيه لو شاف خله
وان كان يافواز تبغا الجماله= احفظ حلالك ل الليالي المقله
وماقدمت يمناك تلقى بداله= لابد ماقدمت تلقا جزله
تلقاه باكر يوم كلن بحاله= يومن كلن ينتظر في سجله
وليا لفاك كرم اسباله= ترى طراة الشي في وقت حله
وخلك مع اهل الحق واهل العداله= في طاعة المعبود والفرض صله
وليا بغيت من العلايق زماله= اين الردي حذراك من منسبله
دور مع الاجواد واهل الشكاله= ولدك لايجي الردي مخولن له
والطيب يافواز اينه سلاله= مربط حصن يابوك محدن يفله
وبعض العرب اذهن يغرك خياله= اذهن تغرك يافتى سنحتله
تراه لو زانلك ميده حياله= ينكث اليا منه قضى عازتله
وليا عفكت انشد عويدن هلاله= تعطيك راين كان منته مدله
انشد مع العراف كب الجهاله= والعرف للعراف كلن يدله
ومن صد يافواز مالك وماله= خله يروح ولاتجي حلتله
اخبرك والمكتوب لازم تناله= اعرف ترى ماقلت لك مقبلله