يالربع انا وش اسوي في مردي النصيب ؟ - منتديات شبكة قبيلة الغنانيم الرسمية

02-28-2011, 05:33 AM

الرعد

كاتب مبدع

تاريخ التسجيل: Dec 2010

المشاركات: 729

معدل تقييم المستوى: 14

يالربع انا وش اسوي في مردي النصيب ؟

السلام عليكم ورحمة الله وبركاته

صباح الخير او مساء الخير

العلم سلامتكم

فيه حكمه تقول تبي تعرف صديقك زين زعله

السالفه ومافيها ارسلت الى احد اصدقائي رساله على الجوال
بس للمعلومه صداقتي معاه تسع سنوات ماشاف مني غير كل خير واجزع فيه واعتبره واحد من اخواني بعد
المهم ارسلتله

أركب على الي كل بنت(ن) تمناه - شكله عجيب وفيه عدة مزاياء

لو تركبه ياخوك ماأظن تنساه - لأنه ينشط فيك كل الخلاياء

رنج (ن) جديد يقطع الدرب ممشاه - يستاهله ياخوك عذب السجاياء

المهم ارسلي اليوم الثاني نفس رسالتي وجلست اضحك عرفت انه شك

قلت ممكن يمزح ليش ماارسله رد ابن غانم على هالابيات

وبسبب هالابيات اهدر دمي يالربع وكلمني وجلس يتهدد قلت تعوذ من الشيطان واقر الرساله زين

انا اتمنى انك تركب رنج روفر من غلاك عندي

المهم الرجال راح يهدد وانا اقوله تعوذ من الشيطان وقفلت التلفون وقروشني بالاتصال ورديت وقالي والله اني لاخذ نفسك واني لعد ابو محاله في راسك عدد انا بصراحه لو واحد يقرقع في تنكه امرج عقلي هههههههههههههه
فمابالكم اذا وصلت تهديد بالقتل

وقفلت في وجهه وارسلتله اسمع يابعد حيي

الامور سهلاله بس انصحك لايزيد التهديد دنا خلبان وامشي بجنب الساس وادعي استر ياستار

زنقة زنقة الثورة الثورة الى الامام الى الامام

وقالي تزرى انت والله اني لاخذ نفسك والحين انا خايف كتير كتير على قول اهل لبنان

ونصحته وقلتله استر نفسك ولايدري احد عن تهديدك ولايدري اخوي فلان بعدين تبلشون كلكم ههههههههههه وارسلتله ياقدر ليتك مغطى ماكشفنا غطاك

ابك انا وش اسوي مغير اشيل وصتي وتراجف من الخوف

اضربو الراي بالراي وعطوني رايكم

تحياتي للجميع

المصدر: منتديات شبكة قبيلة الغنانيم الرسمية

dhgvfu hkh ,a hs,d td lv]d hgkwdf ?

__________________

التعديل الأخير تم بواسطة : الرعد بتاريخ 02-28-2011 الساعة 06:59 AM

02-28-2011, 05:46 AM

بنت ابوها الغناميه

كاتب متميز

تاريخ التسجيل: Feb 2011

المشاركات: 441

معدل تقييم المستوى: 14

بنت ابوها الغناميه is on a distinguished road

__________________

منتديات قبيلة الغنانيم

02-28-2011, 05:51 AM

الشجاع

تاريخ التسجيل: Dec 2010

المشاركات: 313

معدل تقييم المستوى: 14

نصيحتي لك ارسل له تفسير لرسالتك يمكن يقتنع وارسل له ناس تفسر ابياتك والله يعينك على خويك

__________________

منتديات قبيلة الغنانيم

02-28-2011, 05:57 AM

الرعد

كاتب مبدع

تاريخ التسجيل: Dec 2010

المشاركات: 729

معدل تقييم المستوى: 14

المشاركة الأصلية كتبت بواسطة بنت ابوها الغناميه

الرعد .. الله يعينك على هالخوي....انت شلي خلاك ترسل له .. سويت سوات الذيب الامعط.. لاكن رح دورلك قاموس وفسر ابياتك.. شف الرجال شزعله
تبي رايي دورلك زنقه وتخبى فيها لين الله يسر الامور

هههههههههههههه اضحكتيني اضحك الله سنك

بنت ابوها يسلم راسك والله انك صادقه مالي غير كشب ازبن فيه بس مشكله اخاف من الضلمه والغدراء

اسعدني مرورك وتعليقك

__________________

02-28-2011, 06:01 AM

الرعد

كاتب مبدع

تاريخ التسجيل: Dec 2010

المشاركات: 729

معدل تقييم المستوى: 14

المشاركة الأصلية كتبت بواسطة الشجاع

نصيحتي لك ارسل له تفسير لرسالتك يمكن يقتنع وارسل له ناس تفسر ابياتك والله يعينك على خويك

يسلم راسك على رايك يابعدي بس انا ماغلط علاه عشان اتعذر غلط عشان كنت طيب زياده

يسلم راسك يابعدي

شكرا مالي غير كشب استخبى هناك

__________________

02-28-2011, 09:17 AM

غنامي ضايع

تاريخ التسجيل: Nov 2010

المشاركات: 132

معدل تقييم المستوى: 14

انا ولد غنام والله لاهبله عنك وانا وراني حاط الصوره غير علشان ربعي لي بغو فزعه لااني حاضر ثم لاعاد تصادق الحضر والا والله لااسحب منك الختم والرخامه اتركه عنك 00000000000000الى الامام الى الامام 000زنقه زنقه 000000000000000000000000000 هاه لقيته

__________________

منتديات قبيلة الغنانيم

02-28-2011, 12:40 PM

الشاعر سلطان براك الغنامي

شاعر متميز

تاريخ التسجيل: Nov 2010

الدولة: السعودية : المنطقة الشرقية .

المشاركات: 5,715

معدل تقييم المستوى: 19

الشاعر سلطان براك الغنامي is on a distinguished road

تدري انني بكل صراحه كتبت رد وبعدين حذفته قلت في نفسي شباب متفاهمين بينهم ليه احشر نفسي معهم ولكن من اجل اللي انت خابر سوف اعيد الذي حذفته بالحرف الواحد وهو على النحو التالي( اخوي الرعد صاحبك حنين وقلبه طيب ومحترمك ومقدر حق الرفقه التي بينكم . لونك ارسلت البيتين علي كان انت في مضلمات القبور من هاك اليوم) ههههههههههههه تقبل تحياتي ...بعد التفكير في الموضوع توصلت الى الراي التالي الذي اشوفه مناسب هو انك تجمع عشره من كبار القبيله ونزور الرجال في محله ونعتذر منه ونقول ابن عمك قصده سليم وهو شباب والشباب يضيع لهم واجد ولعله يقبل جاه اكبار القبيله وتنتهي القضيه واذا كان الرجل مصرٍ على تنفيذ مايدور في راسه الله يعينك نعطيك ثلاث المهربات وازبن على قبيله محايده تعلق عليهم العاني وتعيش معهم باقي حياتك مافيه حل غيرذلك انت ويش الي خلاك تسبب مشكله مع رجل عاقل بدون اي مقدمات والشخص الذي يخطي الله يعينه يتحمل نتيجة خطاه

__________________
من صد عني عنه يا عبيد صديت ...

ومن لا اعتبرني فالعرب مااعتبرته

التعديل الأخير تم بواسطة : الشاعر سلطان براك الغنامي بتاريخ 02-28-2011 الساعة 02:24 PM

الشاعر سلطان براك الغنامي غير متواجد حالياً

02-28-2011, 01:27 PM

ابو رامي

كاتب ماسي

تاريخ التسجيل: Nov 2010

المشاركات: 4,287

معدل تقييم المستوى: 18

الرعد دايم وانا انصحك ولا تسمع النصيحه
اقولك لا ترافق الأحمق يذبحك ولا تركب البسكليت يطرحك ولا تشرب عصير السنتوب يمغصك وانت ما تسمع النصيحه
ها هالحين دبر نفسك وان زبنة لكشب والله لاعلم علاك واقول عانوه مندسن في شعيب مدسوس
مار انكان تبا الحل الربع ما قصرو عطوك الحلول الممكنه تخير فيها وسو اللي تشوفه مناسب
تحياتي لك

__________________

منتديات قبيلة الغنانيم

02-28-2011, 01:54 PM

سند

كاتب مبدع

تاريخ التسجيل: Feb 2011

المشاركات: 779

معدل تقييم المستوى: 14

كغو كغو كغو كلامن زين وش زعله..؟!

__________________
ـ
السلام عليكم..لاتغفل عن الذكر ..أذكر ربك ..سبًّح ..أستغفر
ـــ

02-28-2011, 02:02 PM

#10

طلال الغنامي

كاتب فضي

تاريخ التسجيل: Mar 2009

المشاركات: 1,699

معدل تقييم المستوى: 17

الرعد انت مولي يعني رحت فيها

ازبن على ربك تسان الرجال حلف وتسان يشاورليا هالحين يبا يهون

المهم كان ذبحك عطني السياره

__________________

انا اشهدانك مرتكي كنك طويق=لولاك كان ابطيت وانا اتحلم
من لاعرف وقفتك في ساعة الضيق=يفداك يامسري لو انه ولدعم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجانزو لـ Globesport : " لا أريد اللعب في المان سيتي ، أريد الميلان أو ريال مدريد "	عقاب الروقي	الــصــيـوان واستراحة الأعضاء.	5	11-24-2010 07:14 PM
من وصايا المصطفى صلى الله عليه وسلم	ذيب الغنانيم	المنتدى الإسلامي	2	06-28-2008 05:14 PM

		منتديات شبكة قبيلة الغنانيم الرسمية > الأقسام العامة > القسم العام
يالربع انا وش اسوي في مردي النصيب ؟

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules