قامت تلاعب خاطري الي لها طبع ٍ ندور = تلعب طرب بنت الشيوخ الي قليل ٍ ندرها
اسمع ندا صوت وصدا يلعب على زين البحور = يقول شفها هاهنا كاهي وعاين بحرها
معروف ساس جدودها لاجات لايمكن تخور = لاجات فالملعب طغاعلى الحضورأحضورها
خيالها ذاك الفتى توه وصل سن الزهور = يملك تجارب شايب ٍعانا السنين وجورها
عاهد على نفسه عهد ان كان ماسجل حضور = ماعاد ينضم قافيه ولا يخط سطورها
واليوم كلن قال انا والوقت عود في دبور = والي يعرف السالفه في وسط جوفه صرها
والعود الأزرق يختلف لاجيت بياع العطور = تلقا بعضها مع بعض خالط حلاها مرها
بعضه كماريح الخشب يفضح كريم ٍبه يدور = مثل الذي جاين يكحلها وزود شرها
لهو سأل من يرشده من قبل لاالريحه تفور = كان استراح من الهروج الي كثير ٍكرها
والعود الأصلي ريحته تجلا هموم بالصدور = تلقى السعاده في وجيه الي وصلهم درها
واليوم صارت مهزله والصوت يلعب كل دور = يسرق لحونن مايعه مايستحي من جرها
وان كان عنده واسطه تمشي على دور النشور = سرا المكاين تتطحن تطبع بمر مامورها
تلقاه بكره فالصور وجهه مثل بدرالبدور = همه يزين فررته والا البيوت بكسرها
والناس قامت تنفخه حتى الصحافه له تزور = وقالو هذا اشعر شاعرن في بحرها او برها
ياناس اصحو ياعرب هذي سوالف للظهور = ورثة شغاميم ٍ مضو لابد نعرف قدرها
موروثنا الشعبي غدا لعبه على تالي العصور = أوكنه اصبح موضة ٍ للكل هذا عصرها
يالله تصرف من جعل موروثنا يرجع دبور = ولو كنت انا من ضمنهم يالله تفرج عسرها