والله ما ابيّع نابيات النسانيس =لو زوّد الشرايّ قيمة شراها
يا زينها وان طال نبت الطعاميس= وفز النبات وتو ما جف ماها
وطيّر وبرها والشمايل معابيس = في ديرةٍ راع الغنم ما مشاها
فأرض ٍ شمال من الهضاب المراويس =حول القليب اللي طويل ٍ رشاها
والبل تحايد عن شراها المفاليس =محلقت بالموس مقدم لحاها
صعبٍ طلبها ما تجي بالتماليس= اما الذهب ولا الدمي من وراها
كم من عقيدٍ دونها رد ومكيس = ذبحت جواده عقب مرها علاها
عيو علاها كاسبين النواميس =ماهيب هينتن لمنهو بغاها
والبل ترى شرايها مرخن الكيس =ما يلتفت في رخصها من غلاها
والألف والالفين هذي ثمن تيس = ما هيب عند البل ولا مستواها