مـع السلامـه لـو فقـدة السلامـه=وقلبي من الهجران والصد منصـاب
لا شـك فعلـك حـط فيـه العلامـه=الي تخلـي دمـع الاحـداق صبـاب
مانـي محمّلـك العتـب والمـلامـه=ولا أقول لو موتي سببك أنت الاسباب
ما كل مـن يغـرم يوافـق غرامـه=حتى ولو نـال المحبـه والاعجـاب
وماكل مـن يبدي غـلاك بكلامـه=صادق ومن لا يبدي الـود كـذاب
واللـي يبيـع الـود لجـل الكرامـه=غلطان من لايحسـب لـوده حسـاب
حتى ولو يفـرض عليـك احترامـه=الحب ضيف وضيفته حسـن الاداب
مـع السلامـه رفرفي ياحمـامـه=ومدي جناحينك مع سهـول وهظـاب
و لا تنزليـن بجـرف والا عـدامـه=خلـي منازيلـك بوديـان وشـعـاب
وقوس الهواء لا صاب صدرك سهامه=تذكري من مر لـه وقـت منصـاب
اللي يصحّيـه الغـلاء مـن منامـه=ويهل دمع الشوق من بيـن الاهـداب