يالله ياللي بأمرك النور شعشاع=يادامح الزلات ياقاضي الدين
يارب تغفر زلة(ن) مالها اصناع=عليه اثقل من جبال الامرين
يوم اتذكرها وانا لازم القاع=اقوم وادرج راسي يسار ويمين
تقول لاهبني على الكبد منزاع=والا مصوبني على القلب سكين
عز الله اني من عنا الرب ما ارتاع=النفس تجذبني على الزين والشين
يالله عساني في مطوعتك مطواع=يارب ساعدني على القلب والعين
المرجله ياهل المراجل لها انواع=ثلاث واربع يانشاما وثنتين
خوف(ن) من الله واحترام وتشفاع=كفون على رزق اليتاما المساكين
بر الثنين اللي خذو عنك الاوجاع=سهرو على شانك من الليل ثنتين
وشجاعة(ن) ماهي شجاعة تثيراع=لا ولع الشيطان نار الشياطين