محاورات القبوري - منتديات شبكة قبيلة الغنانيم الرسمية

11-13-2012, 12:38 PM

عبدالإله القبوري

تاريخ التسجيل: Dec 2011

المشاركات: 343

معدل تقييم المستوى: 13

عبدالإله القبوري is on a distinguished road

محاورات القبوري

هذي محاوره هاتفيه بيني وبين شاعر يلقب بتذكااار

بدا هو باللعب معي ويقول

يالقبوري تعال اقلط في حشايه وغرد

=================== سمعني الابيات مع كل طاروق

وابشر بعزك ولايهمك وردد

=================== وغني على ماقيل من برقا وروق

وهذا ردي

جاك القبوري في يمينه مجرد

================== حدٍ نذوق شفرته كل مطفوق

ان جيتني يبن الخلايق تهدد

================== عودت صدرك يااحمر العين مفتوق

ثم قال

الا يالقبوري مانبيها تردد

================== صوتك يجيب النوم لاصرت مخنوق

تبي كلامي ياحبيبي تمدد

================== وخذ الكلام اللي عجب كل مخلوق

وهذا ردي

ان طعت شوري ياصحيبي تهجد

================== بضاعتك ماتنشرا داخل السوق

تبرق عليك بروق شعري وترعد

================== ونسوق لك شرد من القافيه سوق

وهذا رده

لايكون مستحي ومتردد

================= قلي ترا قلبي من الخوف معتوق

تبي كلامي ياحبيبي تجمد

================= وبجيك ياروحي وهاك وتذوق

ثم قلت

يحدك اللي جيت عندي محدد

================= لونظرتك دوني وانا نظرتي فوق

ابوك ماعلمك عندي تودد

================= ماعاد باقي للحيا فيكم اعروق

-------------------------------------------------------------------

وهذي بيني وبين مشعل الثبيتي

ياسـلام الله سلامـ ن فيه لـطيب مــواري

==================== جيت عقب اللعـب الاول كاسـبه ويغـا هذيــا

كان بـشـاعر شـاعر اكـتفـي بخـو مشـاري

==================== ان حضر ياليلنـا نـوره عـلـى نـورك تهـيــا

وهذا رده

مرحـبـا تـرحـيـبـة مـفـعـولهـا بيّن وساري ..*_*.. سـاري مـفـعـولـهـا للي يسوي هالسويّا

عارف عندي وقارك وانت ماتجهل وقاري ..*_*.. في يدي سيف شطير وخيلنا خيل المحيا

ردي

يالثبيتي دام عزك للبقاء وخذ القراري

==================== ودي اعلمك في حاجه ولاعنكم كنيـــا

يالـبناخي خافقي صابه من الدنيا جواري

==================== عقب من مجدولها يلعب كما ذيل العبيــــا

رده

هات ماعندك عقب شبيت بالهاجوس ناري .. ^_^ .. اسمعك لو كنت في دارك وانا وسط العليا
لاتشكى ياصحيبي من هنوف ومن عذاري .. ^_^ .. هقوتي بك لاتـحـول للثـرى عـقـب الـثـريا

ردي

ياعميلي محسنن وضعي وكيفي فختياري

======================= والرساله واضحه والخل يقراها هنيـا

الهوا ماهو بكيفي والدلع فيها اضطراري

======================= مع جمالـ ن لو تشوفه قلت ياسمح المحيـا

رده

والله اني في هروج الحب يارجال زاري ..^_^.. ولاينومسني كلام العشق في هاذي وذيا
انت رجالٍ نزيه وفي علوم الطيب ضاري ..^_^.. مار لايغريك قلبك فيه لو كثر الحليا

----------------------------------------------------------------------

القبوري والثبيتي

والبدايه عندي

يالثبيتي بعد هبت هبوب النود

=============== احتزم للمداحم والقلوب اصحاح

صيدة الذيب صعبه غير بالبارود

=============== ونت تنصاد يامشعل بدون اسلاح

وهذا رده

عقب هبت عليك النود يالمقرود ..*_*.. جابك الله بعد بارق سماكم لاح

ماخبرتك تجيب النقص عند الزود ..*_*.. وانت طير مسمى بس دون جناح

انقرد حضي الي صار فيه اقرود

================= قردن ابكم وقردن فالملاقى صاح

صاحبي مايعرف الجود والماجود

================= والعطاوي كسركم يوم زرق ارماح

كانـهـا بـالـسـوالـف ماعـليـكم زود ..*_*.. وكـانهـا بالخـوافـي سـدنـا مابـاح

بس لاطق راس العود راس العود ..*_*.. حمل ربعك عن ظهور النجايب طاح

الثبيتي تركد والبرا مردود

============== ماتدوم العوافي والقلوب اجراح

في يدي سيف املح للعدا مجرود

============== لاشهرته سطع حده سوات الضاح

عقب مااوحيت في صوتك رزيم رعود ..*_*.. وبرقك اللي نشوفه فالسماء وضاح

كثرة الهرج والله ماوراها فود ..*_*.. سيفك اللي معك في محزمك مرتاح

ماتغير كلامي والعباد اشهود

================ عارفن قفل باب البيت والمفتاح

الثبيتي بعد ماناشه العبرود

============== انسدح والصياح يزوده بصياح

هذي محاوره بيني وبين شاعر شمري

والبدايه عندي

سلام الله عليكم ياجماهيرن تسوق الكيف

====================== سلامن واضحن معناه لطيب تسوقونه

اخو دعجه يبا يلعب على كيفي طاروق الضيف

====================== تقدم ياولد شمر عسا دعواك مرهونه

(اخودعجه)

هـلابـه بالنيـابـه عنـهـم لــو شـاعـرن شطّـيـف

==================شطف له شمري ما كن بالماقـف تشوفونـه
أعرفه شاعرن فاهم وأعرفه شاعرن حريف

==================ولـكــن بالـمـواقـف مـــا حـــلا لـفّــت درقـسـونــه

(القبوري)

يدوم الك البقاء والله يجمل من لفاكم ضيف

======================== لونك قمت تكسر في بيوت القاف ولحونه

تعرفه شاعرن فاهم وفي وسط الملقى سيف

======================== يلف الي يدور لف لين يقلب عيونه

(اخو دعجه)

تفكّر في بيوتـك مـا كسـرت القـاف مـار اقيـف

=================انـــا اشـــوف الـقـبـوري عـنـدنــا والـلـعــب بـمـتـونـه

أنا اعرفك تصلّي بالمساجد مار منت انظيف

=================مـثـل بـــو لـؤلــؤه ذاك المـجـوسـي شـكـلـه ولـونــه

(القبوري)

ترا العارف سواتك ياخو دعجه مايبا تعريف

======================== وانا معرفك لاكن الرجال كلمته موزونه

مكلفني ولي العرش اصلي واعرف التكليف

======================== وانا يشمري ديني يطول العمر ماخونه

(اخو دعجه)

أعرف البنت معكم يالحجازي زينت التوصيف

==================وأنـا درعـمـت معـكـم ويــش اســوي بـنـت مزيـونـه

لــيــا وجّــهــت للـقـبـلـه مــعــي تـسـتـاهـل الـتـشـريـف

==================تــــرا الـعــاقــل عـــــن الــديـــره عـتـيـبــه مـــــا يـدفــونــه

(القبوري)

تركد ونتبه يالي خلطت اشبيليا في جنيف

====================== تركد ونتبه وقراء الكلام الي تقولونه

عساء نجد العذيه للحياء في برد وصيف

===================== ديار الي ليا جاهم شنب طاغي يقصوونه

(اخو دعجه)

ترا التوصيف ما حوله غلط والنار تبغا ليف

==================تـجـود وأنـــت فـيـهـا والـحـطـب مـنـكـم تجيـبـونـه

أقـول ونعـم بالهيـلا رجـال البـن وأهـل الكـيـف

==================ولـــكـــن الــشــنــب خـــلّـــوه طــــــارف لا تــمــرونــه

(القبوري)

اخذ هرج الحقيقه والحقيقه مابها تزيف

===================== نشب النار للي مثلكم ونرج اجنونه

على الطاغي طغاه ولرفيق الي نصانا ريف

===================== ابختمها على شانك ولوضحكت لك اسنونه

-------------------------------------------------------------

القبوري والحافي

البدايه عندي

من هجوسن تصيغ من الذهب قيفان
==============ياسلامي سـلام العـز والشانـي
من يبا اللعب يدخل ساحت الميدان
==============واحـدن مايضـد القـوم جابانـي

رد الشاعر:

مرحبا من هجوس الشاعر الطربان
============شاعرٍ مع بيوتـك جـر الالحانـي
قدمك العلـم فالميـدان ياحميـدان
============والمعاني تبا شاعـر لهـا عآنـي

ردي

البقا وانت تدري فالقا شجعـان
==============مانحسب حساب افلان وفلاني
ويش رايك بقومن ضيفها ينهان
==============سالفه تاتخلد طـول الازمانـي

رد الشاعر

ماعلى الناس قاصر يارفيع الشان
=============السوالف تبـا ياخـوك برهانـي
رأيي إن كان فيها كل شيٍ كـآن
=============ماتكرّم لحا القاصي مع الدانـي

ردي

حجتي ياصحيبي ماتبـا برهـان
============انت وانـا نشاهدهـا بالاعيانـي
كيف صرنا ضحيه في يد الورعان
============واحـلالاه ياخطـلان الايمـانـي

رد الشاعر

البيوت الكبيرة ساسها عمدآن
=============وبيت صآحبك ماياقف بعمدآني
أنت رجلٍ فهيم وركز النيشآن
=============لاتشرّه على ماقلت ورعآنـي

ردي

مابنينا البيـوت الا علـى سيسـان
=============وانت تـدري وخابـر ياكحيلانـي
اتشره على اهل العرف واهل الشان
=============للوراعيـن عقـالـن وشيخـانـي

----------------------------------------------------------

هذي محاوره بيني وبين الشاعر عبدالملك بن مقحم القبوري

ويقول

سرا الليل والهاجوس يشر على عبدالاله
==============ابرضيه في طاروق وازعل علشانه عرب
يابو مطلق الي تكرهه ناده وطقطق علاه
==============ولو قال انا رجال قلًه تراك اطلق شنـب

عبدالاله القبوري

هجوسك بحر والبحر قدمك عليك الانتباه
============== وانا لاوقفت اقف وجمل ليا حان الطلب
انا لايابغيته ياعميلي لعنتلكم ثواه
============== تعرف القبوري لاكثر الخلق والله ماحسب

عبدالملك القبوري

درسنا قوانين القيـاده وقـوات المشـاه
===============بعد ماالتحقنا في كتيبه مكافحـة الشغـب
انا كيف ابهدي في البشر واحدً ماالله هداه
===============عساء الله يرحم عمك محمد ويرحم وجب

عبدالاله القبوري

ترانا ترانا ياعميلي مطوعت العصاه
=========== اخذني معك وقضي على اهل الشغب بهون سبب
ليا ماهداه الله ماعادله غير الذكاه
===========وعسى الله يرحم كل موتى عريبين النسب

عبدالملك القبوري

زمنا زمان الجامعه والثانـوي والكفـاه
===============ولاعاد فيه فلان مرتـاع ولا مضطـرب
انا اقدره وهوه خويي وانا ضمن اخوياه
===============ماجاملك والرجال صنديد ويحط الشبـب

عبدالاله القبوري

يدور الزمان وكل رجلن ماتكسب يداه
============= وبعض العرب ياصاحبي ياعجايب ياعجب
ترا من غلاتك يبن مقحم يبا يكبر غلاه
============= لونه عليه لو نظر نار زود فالحطب

عبدالملك القبوري

عجزنا نعدل الميل ياصحابنا ويش السواه
=================وحكيمً يقول الناس للنـاس والله ماكـذب
ترا بعض خلق الله قلبه مدقًر فـي كـلاه
=================ومع الوقت والايام يمكن يدقرً في العصب

----------------------------------------------------

هذه محاوره بسيطه جرت بيني وبين شاعر ملقب بالدمشقي واول محاولاتي الشعريه

واقول فالبدايه

القبوري

سلام تسليمت المسلم لياسلم =فرضن علينا ولازم كلنا انقوله
ابختصر فالكلام وقبل نتكلم =نبا نخصص هدف وبكسب الجوله

الدمشقي

يامرحبا بالنيابه جيت واتولّم =في حلة ياعميل الخير مدهوله
تبى المكاسب واظنك دوم تِتْحلّم =عطنا علومك واخذ جوله واخذ صوله

القبوري

تبا الصراحه ترا ملبور غير الالم =اعدادها ؤحده بسعار معقوله
ماني بقايل ترا من فرعكم سلم =ياتصعده ياعساك اليوم مطوله

الدمشقي

التتن يتعب عميله لين يتألّم =يحرقه وتصيرمنه النفس معلوله
ماتقدر تقولها بعدين تتظلّم =يبرك جملنا وفوقه نرفع احموله

القبوري

التتن ينداس بالقدام يمعلم =اخذالنصيحه ترا من صدق مقيوله
ازريت افهم عميلي ليه يتكلم =لكن معناي لاحولك * *ولاحوله

الدمشقي

الخصم لااشافنا يسكت ويتبلّم =لكن ذا قولكم هذا ه مدلوله
عبدالاله بعلومه مابعد علم = لغز العطاو ي ترى موجوده حلوله

القبوري

سيفً مجرد وسيفً دايم امثلم =والي مجرد تشوف العالم افعوله
ياصاحبي صاحبك سلم ولاسلم =ياقوم شوفو وش التسليم وصحوله

الدمشقي

ليت القضية تعاد وترجع تسلم =من شك في حجته ماني بمكفوله
العرف نورن ولاهو ليلن مظلم =ياشارح الدرس هات الدرس بوصوله

القبوري

شرحت لك لاكننك ماتبا تسلم =خل اللعب ياولد لتقول وش هوله
ابكتب البيت وانته منه تتعلم =ودرسك درس حال الحول من حوله

الدمشقي

اشرح لي اللي يعض اصبعه ويقلم =قل له علامه يشن الحرب وطبوله
قله على رسلكم والليل ماظلم =وقله ترى الكبد من ذالهرج مدبوله

--------------------------------------------------------------------

وهذي بيني وبين الشاعر((الغامدي))

والبدايه عنده

من هجوسن تشرع الغبه وتسبح في بحرها *** ياسلام الله سلامن كلكم تستاهلونه

المخيله لاح بارقها وكان الله ومرها *** امطرت يوم المطر كل الخلايق يرقبونه

وهذا ردي باللقب((العتيبي ))

من هجوسن تسبح الغبه وتاخذ من دررها

======================= مرحبا ترحيب يوفي واجب الي يسمعونه

السحابه كان رب البيت اشا ومطر مطرها

======================= صاحبي يمكن مطرها لنهمر يعمي عيونه

((الغامدي))

البقا والسالفه خذ بطنها ولاظهرها *** قالها اللي يحسب اوجيه الرجال ويحسبونه

السحابه فوق راسك حولت وحسب خطرها *** من غدتبه مالقي لو العباد ايدورونه

ردي

الجزيلات اشتريها والهزايل معتبرها

====================صحصحو ياهل الشنيب الي علينا تفتلونه

السحابه لمطرت وسط البحر محدن ذكرها

====================والبحر لاطام موجه يغرق الي يسبحونه

رده

اعرف ايام السنه ياصحبي وعرف شهرها *** قلتها والحرب ننويبه على اللي يقدرونه

لو كسرت الخيزرانه طبعن ادنى ماكسرها *** لكن المصقول دفاق الدما لاتقربونه

ردي

وبك انا من لابتن حت الفرنساوي ذكرها

====================== لابتن مايهتني في مرقده من ينتوونه

لاتطول السالفه ياصاحبي وابا اختصرها

======================= اللقب ياغامد الهيلا وراكم تسرقونه

رده

والله و نعمين والعتبان مانرخص قدرها *** مير غامد حبك اللي وسط راسك ياطحنونه

ياسميي فعلتك عساك تجني من ثمرها *** انشد التاريخ يخبركم عن اللي تجهلونه

ردي

ماعليكم زود ونتم لابتن عطرة اسيرها

===================== ياعميلي نارد العد القراح وتاردونه

نعرف الجمله ونعرف مبتداها من خبرها

===================== ليت غامد قمة التاريخ عنا يدرسونه

رده

خصمك ابعيد النظر وعيونك ابعيدن نظرها *** والكلام اللي ماينفعكم لاعاد اترددونه

انت ووخيتك معكم سالفه محدن خبرها ***نعرف التاريخ واللي يالعتيبي يعرفونه

ردي

ابن غامد ضاع شعره فالبيوت الي كسرها

======================= والدموع ايهلها من غبن لو تضحك اسنونه

والهنوف الي تباهت بي وفلت في شعرها

======================= تذكر الحق وكلام الحق اثركم ماتبونه

-----------------------------------------------------------------

وهذي بيني وبين شاعر شمري

والبدايه عنده

سلام ردية على حروف القوافل والحروف
................................ قوافل تحمل معانيها إلى شعّارها

واللي من الشعّار يقدم ويتهقوى لا يروف
........................... يحسب حسابه والمعاني بكر هذا شعارها

ردي

يامرحبا بالي يسلم والسلام اصله معروف

======================= حنا هلا المعنى وحنا للقصيد احرارها

ياشمري عندك خطاء معروف ونته ماتشوف

======================= احسب حساب الطلقه الي حطتك معيارها

رده

فيك البقا يا اللي ترحب والمعاني نوف نوف
.................................. مير أنتبه ترى تراحيب العرب بديارها ...؟؟؟
من البارحة وانا أشوفك حروة المعنى تلوف
................................ الجيب خالي والسلع زادت عليك سعارها .

ردي

ياخصمي اللي تفهم المعنى ترا ماني كسوف

====================== خيال مهره ياولد يومك تسوقك حمارها

لاكن ليا جيت البلد اعرف تراك امن الضيوف

====================== اركد وفكر ياولد وشلون شبت نارها

رده

ما أنته بخصم ٍ لي وأنا ماني من أمثالك كلوف
............................................. يا حووول ياراعي الكديش اللي فرح سمسارها
الأربعين يزيد واحد والخروف أخو الخروف
.......................................... غنى جبل سلمى وجاوب بالحدا سنجارها

ردي

تعبت اطوفلك خطاء ماعاد هذي ماتطوف

========================= لاكن اخذها كاش والجثه لها قبارها

غنيت وسط المنتدى في زين زينات الوصوف

======================== ونته تشيلك عالماً تبغاك تاخذ ثارها

رده

ما بين زرق رماح يا خليفان ومصافق سيوف
......................................... ضاعت عليك الاولة صفق مع زمارها
حنا ( الطنايا ) شعلة الامجاد عشّاق الحتوف
........................................ ليا حطّت الحرب الضروس مع الصباح وزارها

ردي

ونعم والله بلابتك لاكن ماشوف الهنوف

===================== ماضاع شين ياولد والطايره بطيارها

انتم هل الحفل الذي راس السنه فيه الدفوف

===================== شمعة فرح تحطها للي تقط احوارها"!!!

رده

والنعم يا عتيبة مقابيس الوغى شم الانوف
................................... الطيب والنوماس والنخوة سلع تجارها
لكن بعض الناس يخطي والخطا ما هو مخلوف
................................... الثانية ضاعت عليك وضعت يا سبّارها

ردي

الطيب بين عتيبه الهيلا وشمر بنصوف

===================== قومن على فعل الوفا دايم تشع انوارها

اليا كسبت الاوله مالي على الباقي حسوف

===================== راحت علاك الاوله لاكن دور غارها

رده

حنا معاندنا معاند طيب ومداحم كتوف
........................................... أخوان يجمعنا الوفاء واللعنة لكفارها
الغلطه اللي من حشيم الجاه ظرف من الظروف
....................................... دامك تقدم لي عذر نقبل جزيل أعذارها

ردي

حنا مطوعت العنيد ولازعلنا مانروف

==================== ياكم وياكم من رياجيلن لعنا عارها

نسترضي الجاهل على شان الرجال ابلا رغوف

==================== ناسن تقدرنا نقلطها على مقدارها

رده

وحنا ( هل الردات ) ما نضعف ولا نرجي الضعوف
.................................................. .. أسياد نجد ومن قرأ النشرة يذيع أخبارها
ما ني بجاهل يا قليل العرف يا الغصن الهفوف
............................................. مير أرفع المعنى وخل الدرة لبحارها

ردي

ياوقتنا ياوقتنا نفسي من احداثك تعوف

===================== اشوف مسكين العرب يطمع على جبارها

اسياد نجد الي حموها ونزلوها دون خوف

===================== ولانت ربعك جنبوها يوم طار اغبارها

رده

ينام أبو سرحان وسط الشبك والقرد اللقوف
........................................ بين الشجر ينقز ويا كل من لذيذ أثمارها
ربعي حكموا نجد العذية و الرسائل بالظروف
....................................... أوامر الحكام من ( برزان ) عجل أصدارها

ردي

اشوف صاحبنا على (نهقه)وفي راسه شغوف

======================= وانا فحل في وسط ديرتكم وخذت (ابكارها)

غنية قافك ياولد يومك تهز النا الردوف

======================= شبيت نارك في شليل الخل ونت اوجارها

رده

العيب بكتوفك يا ( سايس ) خيلنا عبد الضيوف
........................................... أحداك لعلوم الرجال وتجحر بجحارها
من طق باب الناس طقولة بيبانه شفوف
........................................ أعراضنا تكرم عن شباه الرجال أذكارها

ردي

اشوف شاعرنا يلخبط عقب صفقه للكفوف

====================== صقرن تعلا في سماكم ونت ظمن احبارها

جتني تنادي ياولد اخذ الرقم وانا العطوف

====================== مابه رجالً ياولد( تطفي) لهيب احرارها

وسلامتكم....

المصدر: منتديات شبكة قبيلة الغنانيم الرسمية

lph,vhj hgrf,vd

__________________

منتديات قبيلة الغنانيم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
افتتاح معرض القبوري للسيراميك والبورسلان واكبر صالة عرض في محافظة عفيف	ضيف الله الغنامي	أخبار أبناء القبيلة ومناسباتهم .	3	06-10-2013 11:06 PM
قصيدة لـ مطلق الصفحاء القبوري رحمة الله متمنياً الغزو	عيون الصقر	ديوانية شعراء الغنانيم	21	02-10-2012 12:06 PM
محاورات نسائية من تراث البادية:	بناخي مطير	منتدى الشعر والقصص الشعبية	6	09-14-2011 04:36 PM
ابيات / بندر بن سفر القبوري في البحرين	جهز بن فالح بن مزنوت	ديوانية شعراء الغنانيم	22	04-06-2011 02:26 AM
حفل زوآج فــهــد بن صنيدح القبوري.	الغنامي	أخبار أبناء القبيلة ومناسباتهم .	17	06-02-2010 08:33 PM

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم
محاورات القبوري

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules