يا ربعنا يهل القلوب النظيفه = يهل الفعول موردت كل هايب
شوفوا طلال اللي علومه طريفه = اللي يدوّر للمشاكل سبايب
مديت له يوم النوايا شريفه = وانا عن الوقفات ما نيب غايب
و (طلّق) ويشهد يا جماعه رديفه = ولكل ريّس وقت الازمات نايب
إن الشهر قدام ياصل نصيفه = لـ يردّ لي حقي لو الحظّ عايب
و(العام) زلّ شتاه ثم زلّ صيفه = وهوه يماطلبي وانا منه طايب
هو يحسبنّ إن الدعاوي بكيفه = لا واللذي يجري عليه الهبايب
لوّنّ ما فوقه حمول ٍ كليفه = ولوّنّ ماهو يالاجاويد شايب
و الله ليفزع كل قرم ٍ بسيفه = وإنه لترجع بيننا بالطلايب