الليله اللي من قشرها ويش اخلي ويش اقـول=مثـل المصيبـه ماندانيهـا وربـي جابـهـا
فيها خيـال الا حقيقـه ماتصدقهـا العقـول=علـوم يكشـف سرهـا وعلـوم مايدرابهـا
الجاهل اصبح مهتدي والمهتدي صار مهبـول=والناس تكرار الخطا كنـه يزيـد اعجابهـا
حتى الرجال اللي تدل الدرب وتعرف الاصول=صارت مثل بعض الجمال اللي تعوج ارقابها
تخالف السنه ومنهـاج الشريعـه والرسـول=صحيح من يضحك على بلوى العرب يبلابها
اربع فصول تروح وتعاود وهي الاربع فصول=والناس ماتـدري عـن الحجـه ولا طلابهـا
حتى الكلام الزين والعفه ماهي تلقـى قبـول=ناس تدق صدورهـا نـاس تمـس اشنابهـا
احد ركب راسه كذا واحد سمع هرج العـذول=واحديقـول النـار ويـن النـار ياشبابـهـا
كلايشب النار ويدور علـى الثانـي دخـول=واكبر دليل انه غدت الاصحاب ضد اصحابها
فالدرب الاقشر كل واحد له بعير ولـه ذلـول=واصـل المشاكـل عندهـم ماهويسكربابهـا
الشاهد الله يوم افكر ويش اخلي ويـش اقـول=السالفه كبـرت وحنـى مانعـرف اسبابهـا
كلا على الثاني يسوق الرجـل قـدام ويقـول=امابهـا ياصاحبـي ولا بقـطـع ارقابـهـا