ديوان الشاعرالكبير/ فلاح بن عبدالله بن نافه الغنامي - منتديات شبكة قبيلة الغنانيم الرسمية

05-18-2012, 01:27 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

ديوان الشاعرالكبير/ فلاح بن عبدالله بن نافه الغنامي

بسم الله الرحمن الرحيم

اليوم أقدم لكم ديوان شاعر من شعراء قبيلة الغنانيم صاحب البصمة الجزلة في قصايدة المتنوعه صاحب المواقف المشهودة الشاعر الكبير القدير/

فلاح بن عبدالله بن دخيل الله بن طايل بن نافه الغنامي

المصدر: منتديات شبكة قبيلة الغنانيم الرسمية

]d,hk hgahuvhg;fdvL tghp fk uf]hggi khti hgykhld

__________________

منتديات قبيلة الغنانيم

التعديل الأخير تم بواسطة : الشاعر سلطان براك الغنامي بتاريخ 10-17-2012 الساعة 01:46 PM

05-18-2012, 01:30 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

عـــــــــز الله ان الـــصـــبـــر طـــــــــوُل ويـــــزتـــــاد
لـــــــكــــــــن مـــايــــنــــفــــع بــــــــالانــــــــذال طــــــــولــــــــه
طــب الـــردى بـعــد الـــردى طـــول الابـعــاد
حــتــى الــــردي يـبـعــد عــــن الـعـيــن زولـــــه
كـــبـــدي بـــعـــد زاد الــــــردى عـــافــــت الـــــــزاد
وعــقــلـــي يـــقــــول ان الـــركــــاب امــعــقــولــه
رجـــلـــي تـسـاعــدنــي الـــيـــا طـــــــول الـــمــــاد
ويـمــنــاي مـاتـقـصــر الـــــى صــــــار جـــولـــه
لا صـوتــو ربـعــي عـلــى طــــول الاشــهــاد
امـــــــدهــــــــا يـــــــــــــــوم الـــــيـــــديـــــن امـــــخـــــذولـــــه
عـــــز الله ان الــعـــز فـــــي بـــيـــت الاجــــــواد
مــار الــردى فــي عـشـر الاجـــواد سـولــه
لـو ان طيـب الرجـل مـن طـيـب الاجــداد
مــــاصـــــارت ايــــديـــــن الــبــخــيـــل امــغــلــولـــه
ولـــو الــكــرم صــدفــه عــلــى غــيــر مـيـعــاد
مـــاضــــاع حـــجــــرف يـــــــوم ذكـــــــي ذلــــولــــه
ولـــــو ان كــثـــر الـــعـــز مــــــن كـــثـــر الاولاد
مــــــــا صـــــــــار عـــنـــتـــر بـالــمــهــنــد بـــطـــولـــه
رجــلـــن وحــيـــد ولا اعــتـــرف فــيـــه شـــــداد
لاان اشهدت له عبس واسرج اخيوله
الــــــعــــــام يــــــــــــوم اســــــيــــــوف صــــــــــــدام ورًاد
تـــبـــيــــنــــت عـــــــنــــــــد الـــــــرجــــــــال الـــــرجـــــولـــــه
احـــدن قـضــت روحـــه عـلــى تـربــة بــــلاد
واحـــــــدن عـــلــــى دربــــــــه تــقـــطـــع انــعـــولـــه
فـــهــــد شــهــيـــد وقـبــلــهــا صــــطــــر امــــجــــاد
ارض الــــــوطــــــن دم اشــــهــــدانـــــا بــــلــــولـــــه
والــــلـــــي شـــــــــرد لافـــــــــاد ربـــــعـــــه ولا فــــــــــاد
والـــــــــــي عـــمــــيــــل وضــــــاريــــــن لــلــعــمـــولـــه
ذاك الخمـيـس الـلـي عـسـى ذاك لاعـــاد
ويـــــن انـــــت يـــــوم ان الـعــقــول امـهـبـولــه
مـــــنــــــا ومــــنــــهــــم خــــــيًــــــل خــــــيــــــال رعًــــــــــــاد
والـــــــــدم بــالــمـــطـــلاع ســـــالـــــت اســـهـــولــــه
واللـي علـى جيـوان مـن جيـش الالحـاد
يـــومــــن تــشـــيـــب فــــيــــه روس الــطــفــولــه
ودارت ولا دارت عــــــلـــــــى كـــــــــــــل شـــــــــــــراد
ودارت وصــــــــار الــنـــصـــر كــــلــــن يــقـــولـــه
وعــــــــــود كـــثـــيــــر الـــــهــــــرج للهرج ســـــــــــراد
حــبــلــه قـــصـــر يـــــــوم الــحــبـــال امـحــبــولــه
يـــــقـــــول انـــــــــــا لادارت الـــــحــــــرب مـــــقــــــداد
مــــــايــــــدري ان الــــــعــــــام مــــــــــــادار حــــــولــــــه

__________________

منتديات قبيلة الغنانيم

05-18-2012, 01:32 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

معلقة قبيلة الغنانيم

ابرقى واتخير في المعاني
وابا اذكر لي علوم ماضيات

وابكشف صفحة التاريخ ساعه
اشوف الماضيه والحاظرات

واباصف ربعي السد المنيعي
كما روس الجبال الراسيات

وعزوتنا من كبار الغنايم
عيال العود زبن الخايفات

غنانيم تخاف القوم منهم
لا عادنا المعادي مايبات

الاد غنام ملحقة المخلا
ليا يبست على السن الشفاة

معربة الجدود وفي هوازن
وندخل في هوازن بالسرات

منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات

اذا شفنا بروس القوم غيره
نوقيها السيوف المرهفات

اسود الغاب تفرح لامشينا
نعشي الزاحفه والحايمات

ويوم الرايه الخضرا ترفرف
يطالع جمعنا قبل الرمات

ويوم القرن وحياض المنايا
وردنا والحياض مشرعات

يسل الدم من حور قبلانا
احليبه كما نهر الفرات

نهارٍ فيه ردينا الامانه
ومن روس المشوط الحاميات

ليا منه نخانا من نخانا
نجيبه والأعنّه مطلقات

ليا قصرت حبال القوم دونه
وفارسنا حباله واردات

ليا منا قطعنا راس فارس
عقيد القوم ماعنه غنات

وشيخ القوم من حظ ومرانا
ليا دارت عليه الدايرات

وشيوخ القوم تلجا في ذرانا
ليا ماجت عليه المايجات

ولا توخذ قصيرتنا بغره
نرجعها بامان وبالفلات

ليا وخذت مصارعة الاعنه
وصارت للعلوم مهاترات

نرجعها لمربطها بقوه
ولا نخشى الجبال النايفات

ليا خذنا القضا سبعه بواحد
قضانا في حساب الغارمات

ونعط الحق لاجتنا طلابه
ليا جت واردات وصادرات

مصدرة الخصيم ليا خصمنا
بحق الله وكتبٍ منزلات

مكرمة الضيوف ليا لفونا
تقدم في صحونٍ مكرمات

عفيفين النفوس ليا قلطنا
ماندنع في شراب الدانعات

قليلين الكلام ليا هرجنا
وعذبين النبا سكر نبات

ومرٍ للعدا في كل حاله
وسمٍ للعدا ومسممات

مرجحة الموازين الثقيله
ليا وزنة بوزن الراجحات

ليا جتنا المغيره واحتزمنا
تعود بالسروج الخاليات

ونكسبها بعد قضينا اهلها
والا نصبر كسير الطايحات

ليا لحقوا هل الجيش الاصايل
وصارت فالرجال الهايبات

يحوّل واحدٍ منا يكفي
وترجع من وحمنا هاربات

ليا لحقوا بنا قومٍ بكثره
يبون البل كبار الغانمات

وحنا ماتجي الخمسه عددنا
لكن حنا مطوعة العاصات

وجمعنا المشوط ليا ثلاثه
وهذي قصة فالسابقات

وعطوها واحدٍ رميه مجرب
وبامر الله سهومٍ جارحات

ليا منا طلبنا الدين مجرم
نحوفه فاليال الحايفات

ولد ساير يبا يقتص دينه
ولا يبغا معاه مشاركات

لكن حمود صمم في كلامه
وحنث بالثلاث الحارمات

وثارن البواريد العطيبه
وجابن القضا بالقاضيات

قضينا الدين وخذنا زياده
نطشه للطيور الكاسرات

صغير القوم منا في كماله
يقضي الدين في وقت اللقات

وقد قاله عسيرٍ في كلامه
غنانيم اربعه تسوى ميات

وهذي نبذةٍ من فعل اهلنا
قليلٍ من كثير الطايلات

ولو اذكر فعل غنام كله
تضيق ابه السجل من الدوات

وابا عذري من وجيه القبيله
اذا طافة عليه طايفات

كلامٍ ما نعرفه مانجيبه
وشيٍ نجهله فالفايتات

وشيٍ مانقوله وله غايه
ولا نجرح كبودٍ طيبات

وبذكر لي علومٍ ناحرت لي
عليّه من كبار الواجبات

وابا ابهمها وغطي في علمها
عن العدوان تبقى مبهمات

علومٍ فالجرد والنار حيه
وسبعٍ مقبلات ومقفيات

علام البرق يبرق فالمخيله
ولا حاجه لشرب الظاميات

يخيل فالبحور المدلهمه
تحت غب البحور المظلمات

وابهديلي نصيحه من يبيها
عليه الله وفي حكم البرات

ترى راع لنميمه فوق راسه
يخاوي السارحه والظاويات

ورجلٍ مايحامي في ابن عمه
عسى ماله عيال الا البنات

ورجل ماتعز به القبيله
يعد من القصار القاصرات

ليا حطيت ثوبك فوق راسك
ترى مايسترك كم العبات

ومن فرق جماعه ويش حصل
يخليها مع الدنيا شتات

ترى الفرقه مجمعة البلاوي
وجمعٍ مجتمع فيه النجات

وراي القوم في رجلٍ محنك
وقبل الرابحه والخاسرات

وترى الشوره من احكام الشريعه
وممشيٍ بها في المحكمات

وقبل انهي كلامي ياجماعه
بحق الله وحق المرسلات

ترى ربعي ظلالي هم ذرايه
ليا هبت علي الذاريات

مزابين الفرج عن كل بلوى
ليا ضاقة علي الضايقات

غنانيمٍ سيوف القوم منهم
ليا قامة تنوح النايحات

ومتعبة القضاه اذا اقتضينا
ولا فينا صدورٍ فارغات

مكرمة الكرام ليا عفينا
والا ننقض عهودً مبرمات

وابختمها وذكر الله دايم
يعرف المخطيه والصايبات

عليمٍ بالقضا والكون كله
ويعلم سرها والخافيات

ويسمع كل مايكتب ويقرا
ويعلم فالقلوب الخاينات

وباقف ماقف ابراهيم اصلي
لعل الذنب تمحاه الصلات

وابدعي الله يعجل بالاجابه
يكافيني شرور المرجفات

وبصلي على الهادي محمد
صلاةٍ بالجباه الساجدات

..

__________________

منتديات قبيلة الغنانيم

05-18-2012, 01:38 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

ألاد روق مــــدلـــــهـــــة كــــــــــــــل جـــــــالــــــــي

لا والله الا شــــــــــــــدد الـــــــهـــــــم حـــــــالـــــــي
والـوقـت ركًــب فـــوق راســـي إسـيـوفـه
قلبي عليه من اشقر الجمر صالي
كـــــأنــــــه عـــــلــــــى نـــــيــــــران واره تـــلــــوفــــه
مــــافــــيً مـكـيـفــيــنــي ومــــابـــــه مـــجـــالـــي
والنـفـس مــن مـيـل الـزمـان امعسـوفـه
لف الرشا من فـوق حـدب المحالـي
وبــقــعـــا تـــلــــف اســلــوكــهــا ومــعـــروفـــه
يــابـــدر مـــثـــل الـــلـــي جـــرالـــك جـــرالـــي
والــــلــــي تـــشـــوفـــه يـلــبــنــاخــي نـــشـــوفـــه
انـــتــــه مــابــيـــن الــمــقــصــره والــحــبــالــي
فــي المعتـقـل وابـنـاء الظـرايـا تحـوفـه
شــكـــواك لـلـمـعـبـود مــنــشــى الـخـيــالــي
مـــــنـــــزل الـــــقــــــرآن مـــحــــكــــم حـــــروفــــــه
مـرســي سـفـيـنـة نــــوح فــــوق الـجـبـالـي
لاان اســتــقـــر الـــيــــم واثـــبــــت وقــــوفــــه
هــــــــذاه درب جــــــــدودك اول وتــــالـــــي
كــــم طـرقـتــن مـنـهــا الـسـلامــه نـكــوفــه
قـــالـــوا شــربــنــا مـــــــن قـــراحــــن ازلالـــــــي
وقـــالـــوا شــربــنــا مـــرهــــا مـــــــع رشـــوفــــه
مـــاتـــومـــن الـــدنـــيــــا بـــــكـــــل احــتــمـــالـــي
تـضـحــك لصـاحـبـهـا ونــوبـــن تـعــوفــه
نوبن طمـان ونـوب فـي راس عالـي
ونــوبــن لــهــا جــســم الابــنــادم عـلـوفــه
لاوهـــنــــي الـــلــــي مـــــــن الــــهــــم ســــالــــي
خـطــو الهـبـيـل الـلــي كـبــارن اكـتـوفــه
بـطــنــه كـبــيــر وقــلــبــه اكـــبـــر وخـــالـــي
والــوجـــبـــه الــــــــي ســاخـــنـــه مــاتــطــوفــه
دنـــيــــاه مـــاجــــا فــــــــي قــمـــرهـــا زوالــــــــي
مــاهــمـــه الا الــخــبـــز يـــاكــــل اقــنـــوفـــه
الله عــــلــــى الــــلــــي ســايـــقـــه مــايــبــالـــي
خـطـوه الوانـيـت امكـمـلاتـن وصـوفــه
ابـــــــــا لــــيـــــا مـــــنـــــه طــــــــــرى مـــاطـــرالــــي
لانـــــــــه جــــديـــــد وصــافــيــاتـــن ابـــلـــوفـــه
مـــلـــفـــاه ربــــعـــــي مــكــرمــيـــن الــســبــالـــي
الــلــي لــهــم فــــي مـمـبــر الــعــز طــوفــه
ألاد روق مــــدلـــــهـــــة كــــــــــــــل جـــــــالــــــــي
عــــدوهـــــم مـــســـقــــاه مــــــــــن دم جـــــوفـــــه
كـــم شـيــخ قـومــن حـــط فـيــه الـهـبـالـي
والـيــا حـشــد جـمـعـن تـفــرق اصـفـوفـه
لــــــــو انــــهـــــم جــــونـــــا نــــهـــــار الــقــتــالـــي
مـايـدمــي الـسـرحــان مـخـلــب اكـفــوفــه
الا بـــعــــد يــــومــــن بــــــــه الــــــــدم ســــالــــي
وكــم جثـتـن عـقــب الـحـيـاة امـحـذوفـه
حـــنــــا لـــهــــا لاجـــــــا نـــهــــار الـنــضــالــي
مـــــــانـــــــدرق بـــمـــحـــجـــبـــات الـــكــــهــــوفــــه
وحــنــا حـمـيـنـا نــجــد واهــيـــه اسـهــالــي
والــــــيــــــوم تــــشــــبــــه لـــلـــفـــتـــاه الـــهـــنـــوفــــه
والله مـــايــــقــــرب بـــحــــرهــــا والـــرمــــالــــي
مــــــــادام نـــمـــشـــي فـــوقـــهـــا ومــحــفــوفـــه
الــــحـــــرب دايـــــــــم نـــــارهـــــا بــاشــتــعــالــي
لاتـــحـــســـبــــنــــا داخــــلــــتـــــنـــــا الــــــتــــــروفــــــه

__________________

منتديات قبيلة الغنانيم

05-18-2012, 01:41 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

حملة وقالوا داخلن بطنها الفيل

ولدت وجابت نفصف بيضة دجاجه

وقالوا هنياله يبا يشرب النيل

وعود بجال البحر يشرب هماجه

وقالو يجيه الغيث جيلن بعد جيل

والغيث عود في الحقيقه عجاجه

شوف الرعد يرعد ولا يمشي السيل

والوقت يدرج والبلا في ادراجه

وقالوا حلمله حلم في تالي الليل

فرخ الحرار اصبح فروخ الزراجه

وكبر براس الماذنه قبل تهليل

وكلن ركب راسه وراحت لجاجه

ولف الرشا من فوق حدب المحاحيل

وفارق لذيذ النوم عقب ارتهاجه

واليا بغيت اتسوق بيض الفناجيل

تحرم على اللي مايرحب احجاجه

وإليا نصيت انص الرجال المشاكيل

اياك ويا النذل يطريك حاجه

وإليا وطاك امن الليالي غرابيل

الصبر مفتاح الفرج وانفراجه

ولو شوف عينك مثل شوف الدرابيل

إليا مرض قلبك إصعيبن إعلاجه

لابد دورات الليالي مقابيل

تلعب بصاحبها كما لعب عاجه

الجدي ماهو مطلعه مطلع اسهيل

وهرجن بدون اثبات رده سماجه

والبدر ماهو يشبه النجم ابو ذيل

الجهل ظلما والمعرفه اسراجه

والدرب واضح وأثر خيلن بأثر خيل

يدله الشاوي مربي نعاجه

والدرب معروضه عليها القناديل

ماضاقت الدنيا وساعن افجاجه

وعندي كلام الطيّب من الرجاجيل

مثل الذهب مخزون وسط الزجاجه

والا الردي دايم علومه دهاويل

مثل المحرج وسط لجة حراجه

والحيل لله ثم للي له الحيل

اللي ليا ثقل الحمل عنه ماجه

ولا الضعيّف ستر عينه مناديل

نوبن بها مسلم ونوبن خواجه

الكحل يعبا للعيون المظاليل

والشب هو طب العما والعواجه

اخترت ما يختار زين التماثيل

سيست بنيانه طويلن اسياجه

قافن وعن نقد اللواعيب ماطيل

وكلن على ماقيل يلقى خراجه

__________________

منتديات قبيلة الغنانيم

05-18-2012, 01:42 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

ارجفت في عيون الغرب والشرق باقي

مابقى من عضام الفيل يلحق شبابه

هلهلت بالعمايم في طريق الطواقي

يهلك الله بسيل العرم شلة عصابه

ضاق بين السما والارض والصدر ضاقي

يكبر الظلم لين الله ينزل عذابه

الطواغيت في نار الشعوب احتراقي

دارت الدايره للمجرمين الحرابه

حان وقت القصاص وحان وقت الفراقي

من سقا الناس سم الموت يسقى شرابه

اول الغيث قطره بالزعيم العراقي

واخر الغيث محذور عليه جوابه

انتضر لان تشرق بالسما بانشراقي

ثم يبين الجواب اللي طويل غيابه

من تحرر تصدر مارثون السباقي

ومن تخلف قعد من غابه وسط غابه

ماعلي من الاحداث بتبع نياقي

كل ماصفقو صفقت مامن غرابه

__________________

منتديات قبيلة الغنانيم

05-18-2012, 01:46 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

عـــلــــمــــن عـــلــــيــــه اجــــــدادنــــــا ثــــــــــــم حــــــنــــــا

جــــابــــوا ولــــــــد ســــالــــك وحــــنــــى وغــــســـــان
يـــــحــــــرم عــــــلــــــى كــــــــــــل الــــثــــلاثــــه وطــــــنــــــا
ديــــــــارنـــــــــا حـــامـــيــــنــــهــــا بــــــــــــــــــم نــــــيــــــشــــــان
عـــلــــمــــن عـــلــــيــــه اجــــــدادنــــــا ثــــــــــــم حــــــنــــــا
عــنــهــا طـــردنـــا الــــــروم ثــــــم بـــعـــده ايـــــــران
فــــــــــــــي مـــــــاضـــــــي الأزمــــــــــــــان ولا زمـــــــنــــــــا
من قصر ابـو متعـب إلـى قصـر دسمـان
ألــــــــــي عـــــلـــــى ســــــــــور الـــحـــرايــــب إتـــبــــنٌــــا
ومـــــــن الـــرفــــاع إلــــيــــا قــــصــــور الــنــهــيــان
عــــــلـــــــى الـــشـــجـــاعــــه والـــــــكـــــــرم شــــيـــــدنـــــا
ومن قصر إبن ثاني إلى مسقط إعمان
دارن حــــــمــــــوهــــــا بـــالـــمـــفـــاتـــيـــل اهــــــلــــــنــــــا
مـاعـنـدنـا غــيــر اجــــرب الـسـيــف شــامـــان
مــــــــــــن دونــــــهــــــا روس الــــــعــــــدا يــقــطـــعـــنـــا

__________________

منتديات قبيلة الغنانيم

05-18-2012, 01:47 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

موتري بالحجز

ياللي تجيب الخبر بالمرسله وده
ماهوب كتب القلم بالاذن سماعه

من هاجسن ياعميلي جاهزن رده
سواة حدب السيوف الهند قطاعه

والله لوإني من الدمام لا جده
ماينحجز موتري في الحجز لو ساعه

لكن كلن لبس ثوبه علي قده
احدن علي عزها واحدن علي الظاعه

ماينفع الرجل لاخاله ولا جده
إليا صار ماياصل الطالات بذراعه

لكن صبري يطول ان طالت المده
وإليا تردى الضعيف الناس فزاعه

لو عشر الاجواد دايم باردن خده
واليا مشى في المسافه قاصرن باعه

الله خلقها سما والارض ممتده
واحداث الايام للعراف شماعه

الرجل ضد الزمن ولا الزمن ضده
اما يطيع الزمن ولا الزمن طاعه

وسيف الردى بالهلايم صاطين حده
والا هل الطيب لاهل الطيب طماعه

البن الاشقر ليا ناديتله عده
عن شارب القاصر النمام واتباعه

بعض العرب عن سلوم الناس مرتده
ربٌع بدارن ربيع وزان مرباعه

__________________

منتديات قبيلة الغنانيم

05-18-2012, 01:49 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

تدرون وش الكارثه في هذا اليوم

هات القلم والعلم مع دربه اعلوم
علم وعراف العرب يكتبونه

تدرون وش الكارثه في هذا اليوم
العالم اللي علمهم يجهلونه

واكبر امصيبه كان ماتقدر اتقوم
اليا انسدح حظك وزادت اديونه

واكبر من الثنتين لاصرت محروم
ثم اختلف مشي القدم عن اعيونه

وام الكباير صحبة الصقر للبوم
المال خلى ماكر الصقر دونه

كم واحدن في عتمة الوقت مظلوم
عليه ثوبه قاصرن عن زبونه

عينه تشوف الدرب لكن منجوم
نجمن هل الارصاد مايعرفونه

وكم واحدن رجال في بشت وهدوم
واليا دخلته فيه سبعن تخونه

منت بعلى غرات الاجواد ملزوم
كلن بقايا للحم في سنونه

لحيه عليها ريحة الصبر والثوم
ولحيه طويله مار صدق امحسونه

وكم واحدن في مامضى يجمع الدوم
قوته على مايجمعه من امتونه

واليوم كنه حاكم الفرس والروم
مايدري انه ساس عرقه مهونه

لو ان ابه قسمن من الارض مقسوم
ويحرم على الانذال ماياصلونه

ويصبح شعاع الشمس مادونه اغيوم
وكلن على شكله وكلن ابشونه

حتى اروبضة العرب تترك الحوم
وكلن على قيمة طيوره يجونه

بيتن ربيع وبيت مهوب مرحوم
صبخى وحساد العرب يسكنونه

يالله يامعبود ياحي قيوم
مدك ولا مدت يدين العفونه

__________________

منتديات قبيلة الغنانيم

05-18-2012, 01:54 AM

#10

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

مراده بين الشاعر /فلاح بن عبدالله الغنامي والشيخ /نايف بن ذعار بن وبصان الغنامي

يالـلـي تـولـم للسـفـر وأنـــت عـجــلان
ود الـرسـايـل وأنـــت مــنــت بسـبـبـهـا

رسـالـةٍ فــي وسـطـهـا قـلــب ولـســان
رســالـــةٍ نـــطْـــقْ الــلــســان وكـتـبــهــا

أسـلـم وسـلـم علمـهـا لأبــن وبـصـان
شـيــخٍ ونــــاره مــــا يـطـفــاء حـطـبـهـا

شـيــخٍ ولـــد شـيــخٍ وجـــدّه كـحـيــلان
كـم سربـةٍ بالسيـف الاجـرب قصبهـا

راجـــع بـخـتـم أبــــوه والــحــق مــيــزان
وحطـه علـى ظهـر الذلـول وشعبـهـا

خلا البدايع من ورى كشب ضميان
وحـول علـى بطـن الريـاض ونهبهـا

مـانــي حـســودٍ لـــه ولانـــي بـزعــلان
لــكـــن يـــــا جــــــلاب الارزاق جــبــهــا

ساس الكـرم والطيـب للمجـد عنـوان
وسبـع المعـانـي فــي يديـنـه قضبـهـا

نـايــف لــيــا عـديـتــو فــــلان وفــــلان
نـسـل الـرجــال الـلــي عـزيــزٍ نسـبـهـا

يـحــط فـــي صينـيـتـه قــــرّح الــضــان
تـــروح والا جـــات لـــه مـــا حـسـبـهـا

ورد عليه الشيخ /نايف بن ذعار بن وبصان

ياهاجـسـي مــا دام للشـعـر قيـفـان
انطح بيوت الشعر وانطح عربهـا

الشاعر اللـي يكتـب البيـت مليـان
وتشوش له روس الرجـال بأدبهـا

شاعـر ليـا منـه شعـر شعـره يبـان
وأبيات شعـره طاعتـه مـا غصبهـا

جتني بيوته شانها فالصدر شـان
تسوى العيون بموقها مـع هدبهـا

يمدح ومدحه صار له عدّة الوان
والطيبـه مـن طيـب راســه كسبـهـا

فـلاّج فــلاّج الـعـداء طـيـر حــوران
صقر من صقورٍ شهر ما عقبهـا

سج القـدم مـا بيـن دجلـه وعمّـان
ولا خطـوةِ قدامنـا الا خطـاء أبـهـا

نـعـمٍ بــه بـوقـت المـلاقـا والاكــوان
لــه وقـفــةٍ تـبــري الـكـبـود ولهـبـهـا

نسـل الرجـال مخزيـة كـل شيطـان
وأرواحـهــم يفـدونـهـا مـــن طـلـبـهـا

فــي ديـــرةٍ سكـانـهـا تـزبــن الـجــان
والعـرف والـراي السديـد بصحبـهـا

عنـدي غلاهـا مـا يـقـدر بالاثـمـان
أغـلا مـن كنـوز الريـاض وذهبهـا

مــا قـلـتـه أجـامــل ولا أرد عـرفــان
حـقـيـقـة بــيــن الـسـطــور وكـتـبـهـا

__________________

منتديات قبيلة الغنانيم

التعديل الأخير تم بواسطة : الشاعر سلطان براك الغنامي بتاريخ 10-17-2012 الساعة 01:48 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تغطية من زواج الشاب / محمد بن مهيدل الغنامي	نـايـف بـن منيـف الغنامي	أخبار أبناء القبيلة ومناسباتهم .	16	09-06-2012 10:42 PM
طلال بن حمد الغنامي عريساً + تغطيه	مبارك حمد الغنامي	أخبار أبناء القبيلة ومناسباتهم .	15	08-15-2012 05:02 AM
ديوان الشاعر الكبير/فاضي بن ساير بن نافه الغنامي _رحمه الله_	سعود بن منيف بن نافه	دواوين شعراء الغنانيم	4	06-27-2012 11:44 PM
اعلنت صحيفه سبق	غيوم نجد	منتدى التربية والتعليم	3	03-23-2012 02:48 AM

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم > دواوين شعراء الغنانيم
ديوان الشاعرالكبير/ فلاح بن عبدالله بن نافه الغنامي

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules