بخيت بن ماعز العطاوي .. معظم سيرته - منتديات شبكة قبيلة الغنانيم الرسمية

04-08-2008, 02:48 AM

تركي المغيري

تاريخ التسجيل: Apr 2008

المشاركات: 13

معدل تقييم المستوى: 0

بخيت بن ماعز العطاوي .. معظم سيرته

السلام عليكم ورحمه الله وبركاته

بخيت بن ماعز العطاوي من ذوي عطيه من الروقه من عتيبه اخو شليويح من الفرسان الشجعان وفي احدى المعارك اعترض لهم هو وقومه من البقوم , ولكن في طبيعتهم اكرام بعضهم ولو كانو متاعدين فيصبرون ويتجملون , وكان عند اميرهم قاعد ابن حرشان وكانو في هدنه وقد زارهم بخيت بن ماعز العطاوي فطلب قاعد هيلا للقهوه فمرته احدى نسائهم وتدعى ( ســـــــــاره ) وكانت جميله فسقط الفنجان من يده والتفت اليه اميرهم فقال : شوف لعينك وحظ لغيرك !! ..

فانشد قائلا :

طرد النظـر مافيـه عيـب عليـه =ابا اتحلى بنـت ماضيـن الافعـال
ياونـتـي يـاسـاره الوزاعـيـه =ونـه معيـد ساقـه الفجـر عمـال
تقفي وتقبـل فـوق جـال الركيـه=ومن الصلف خالي ضهرها من الحال
لاشـدو العربـان ودوجـر حنيـه=يبرى لهـا قاعـد بتسعيـن رجـال

فلما سمعته ساره اعطته جوخه وهي من خيار الملابس , فقال مقبوله وجزاها حصان نكسبه من قومك وفعلا كسب حصانا من قومها , وارسله لها وهذا دليل على مداعبتهم وطيب نفوسهم وعفافهم وشرفهم ومن شجاعته انه غزا ومعهم الحفاه وساير التوم وهو شجاع وكريم , ولكن حصانه ردي ومن ذكا نسائهم اخذت ابنته قويله يدا من الذبيحه واعطتها بخيتا واوصته على والدها وهم يسمعون وهذه عاده عند المعاده تسمى ( علـــــــقه ) فقال لها لا داعي للتوصيه , وبدات المعركه , فلما تردى من الخيل كسبه الاعداء , لان السلاح سيف ورمح وعندما ابتعدت خيل عتيبه تاخر التوم وعنده ابن الاصيقع من قومه وكل نجا بنفسه فاقبل الفارس قطنان البقمي وهو يقول الجيره ماتقطع الدشه فرد عليه بخيت واظهر التوم ورمى بالفارس وغنم حصانه وارسله الى ساره الوزاعيه مجازاه عن الجوخه التي عطته

وبهذه المناسبه انشد بخيت قائلا :

ياقويله جينا بمـن يذبـح الكـوم =لو راح ماتنفـع سمـان العـذارا
ياقويله قطنان حنث علـى التـوم=وابن الاصيقع خالفه من يسـارا
فك الخوي حق علينـا وملـزوم=مودعيـن فـك راعـي الثبـارا
ياعنك مايقضي لك الحاجه اليـوم=مايقضي الحاجات كود الحـرارا
والله لو ان الخوي غانـم الـروم=انه عشاهم عنـد خشـم النـوارا
ابوك نعـم فيـه مايلحقـه لـوم =لاشك غوجه قاصـر بالمغـارا
ياسابقي عرضك بعيد من اللـوم =لاجا نهار مثـل هـاك النهـارا
تهوي كما يهوي من الجو صيروم =يبي العشا مـن نابيـات الفقـارا

وله بمناسبه غارتهم على ابل البقوم بالموضع المعروف بتين وحره الجوهريه ويذكر انهم خلصو ابله وهذا اعتراف منه بشجاعه كل منهم كما يشير الى ما حدث من اصابه لشيخهم شليويح وانه كان السبب في نجاتهم فيقول :

في لبه العاقر جـرا لـي تفاكيـر =مابيـن تيـن وحـره الجوهريـه
خذنا قطيع فيه رمـس المغاتيـر =وعيو علـى تاليـه قـوم لظيـه
لحقو اهل البل فوق قب مشاهيـر =يتلون ابن جرشان ذيـب السريـه
قلنـا مياميـن وقالـو مياسـيـر =ولا ينعدل سيل النحا عـن نويـه
رديتها يوم الغلـب لـي مناحيـر =والحقـت شيـخ كاسياتـه دميـه
رديتها والحقت شيـخ المظاهيـر =وجواد ابن متروك صفـرا ثنيـه
وزامل على الصفرا عيونه مطايير =مالومزامل شاف وخـره وحيـه
ناديت في حسي صيـاح بتشهيـر =ولا منهم الـي لـد بالعيـن ليـه
يوم ان ابن هذال يرمي المعاذيـر =وابن البتيرا هـج قدامـه شويـه

وهذه ابيات قالها في ساره ثنا عليها ولا يستغرب من مثله لمثلها وهي المشهوره بالعفاف والكرامه , وهو المشهور بالشجاعه والشرف فيقول :

ياراكب اللي فوقهـن الحلـق لاح =متيهـات فـي ليـال الخـضـارا
يازينهن يوم اقبلن عقـب مـرواح =يشدن فريق الصيد يـوم استـذارا
منصاكم اللـي للعشاشيـق ذبـاح =اللي جمع عقـل وزيـن العـذارا
ردوا سلامي يم ساره بالانصـاح =يا اللي تجون اديارهـم بالخبـارا
انا مجيهم غيـر والسبـر طفـاح=على النضـا ومحيـلات المهـارا
في ضف نمرا كل من شافها صاح =ومعـزل مركيهـا ابـو زبــارا
يامير ماتامر عليهـم بالاصـلاح =مايجتهد بالحرب كـود النصـارا
حتى اليا زان الحيا والمطر طـاح =تلقى النزول بضفنـا مـن يسـارا
مرباعنا باسفل بريـده والاسيـاح =يـم النفـود ويـم هـاك الزبـارا
وان غرهد الجندب ووقت الحيا راح =ظعوننـا وظعونهـم جـت تبـارا
ميرادنـا عـد بـه الجـم فيـاح =مـران عـد مشرهفـات البكـارا
وميرادهم في مارد غردقـه فـاح =عليـه مديـان ومحـال تـسـارا
قالوا لي اصلح قلت مادونها اصلاح =كود النجوم تشاف وسـط النهـارا
ولا الحسا يرحل وينزل بالاسيـاح =وألا تجيه هضاب صبحـى تبـارا

وله ايضاء حين قالوا ان البقوم أغاروا على قوم بخيت ... وكان جار له يقال له نقزان المغيري .. اخذوا البقوم بعض البل منه ... فركب بخيت وتناوش القوم حتى رد الابل .. ثم قال :

يا خيلنا وان شـب للحـرب نـاره =وضلا يلاوي راسها كـل ديقـان
راحن من حت التطاريـف شـارة =وعود بعد مركاضنـا ذود نقـزان
كم سابق مـن شاقحـات الخبـاره =وقم السديـس ولا تبـدل بالاثمـان
نركزلهـا فالبيـت رمـح وكـاره =ونركض عليها فاللقا بادهم الـزان
والله ما الوم اللـي تسانـد يسـاره =والله ما الومه شاف زوغات الاذهان
يشـوف نقريـز تقـادح شـراره =وخيل على اهلها سراويـل تومـان
وحلفت ما تقفي بهـا قـوم سـاره =ياكود ما نمسك رمـاح بالايمـان
يابقـوم ماحنـا بفزعـة سمـاره =حنا عماكم من قديمـات الازمـان
وياواصل الطيور هو ويش كـاره =وش ولعه فالعرق زينات الالـوان
قل لـه يعـود يـم غرسـه وداره =وحدايـق فيهـن خـوخ ورمـان
والله يالـولا ساحقيـن الـثـواره =اللي حدوني عن مناحـي وحمـدان
اني لاالحقه قبـل ياصـل ديـاره =ويجيه ما جا الربع في حيد رضوان

غزا الشيخ مقبول قبيلة عتيبه واسرو شيخ الخراريص مقبول وقال الفارس بخيت بن ماعز العطاوي بابيات ابدى فيها سروره باسرهم للشيخ مقبول حيث قال على مسمع من الشيخ مقبول :

الحمـد لله سـاع نومـي هنانـا =يوم اقتضينا في قطيع الخراريص
ونهاض خلي طايح فـي نحانـا =ومقبول عند الصبح يتل المناقيس
وتطلقـن ارميهـم مـن يدانـا =من فوق قـب كنهـن القرانيـس
اربع ليال مخيمـن فـوق مانـا =باهل الحجاز منقلين المهاريـس
يشـب نـاره عندنـا ماحسانـا =ياعنك ياشبابها ما معـه قيـس
وخربت على اللي يذبحون السمانا =حماسة البن الخضر فالمحاميـس

وله ايضا الشاعر الفارس :

جينا مع الطارف سرايا(ن) تقادي =خيالـة فيهـم سراويـل تومـان
وكنا على بوش(ن) يشوق المعادي =ومن دونها ثور عسـام ودخـان
الله لا يسـقـي جوانـبـك وادي =وادي(ن) حما جاله محمد وقطنان
من رمح محمد يركب(ن) السنادي =واللي يعديها الزماميـل قطنـان
اصقه ويدجر في نهار الطـرادي =ومن لا يعرفه ما يصدق بما كان
راحن ياطن الدعـث والشـدادي =ومكثرن قطنان فيهـن الاكـوان
من غب كونه والقلايـع تقـادي =بين الحشاش وبين فية رامـادان

كما كانت هذه القبائل هي الأ خرى تعتدي على ما يحاذيها من عتيبـة وكــان
شليويح وإخوانه غالبا في مقابل غارات البقوم وقحطــان والشلاوى وسبيــع
وفي إحدى غارات البقوم في أواخرالقرن الثالث عشـــر أغــار قــوم مــن
البقوم وطاردهم بخيت حتى التجأوا الى أطراف جبل حضن فقال القصيده
التاليه:

جونا مع الفاضة بـراح بياضـه =واليا ان ضرمتنا ثيايا على البيـر
تواجهن وجيهنـا عقـب غاضـه =وتعاقبـن ايماننـا بالمخاسـيـر
وماهاضني رمح يشوق اختضاضه =نرميه لين ان الكعب يلحق الضير
ياخيلهم من عقب روجين راضـه =ورميهم ياطنـه مقـاف مناحيـر
ربي نصفني من بني عم عاضـه =بشلف نروي حدهـا والمساميـر

المصدر: منتديات شبكة قبيلة الغنانيم الرسمية

fodj fk lhu. hgu'h,d >> lu/l sdvji

__________________

منتديات قبيلة الغنانيم

05-30-2008, 01:28 AM

ذيب الغنانيم

كاتب مبدع

تاريخ التسجيل: May 2008

المشاركات: 626

معدل تقييم المستوى: 17

رد: بخيت بن ماعز العطاوي .. معظم سيرته

السلام عليكم ورحمة الله وبركاته
كيفك مشرفنا العزيز
نريد ان ننوه على غلط مطبعي في
طرد النظـر مافيـه عيـب عليـه =ابا اتحلى بنـت ماضيـن الافعـال
اللي هو في الحقيقه
لفت النظر ماهوب عيبً عليه = يوم التفت في بنت ماضين الأفعال
وتحياتي ونرجوا التعيل

__________________

منتديات قبيلة الغنانيم

06-18-2008, 12:05 AM

ـآلـــ غ ـــنـــآمـــي

كاتب متميز

تاريخ التسجيل: Jun 2008

المشاركات: 353

معدل تقييم المستوى: 17

ـآلـــ غ ـــنـــآمـــي is on a distinguished road

رد: بخيت بن ماعز العطاوي .. معظم سيرته

تسلم والله على مأ قدمت لنأ

دمت بخيرٍ

__________________

منتديات قبيلة الغنانيم

ـآلـــ غ ـــنـــآمـــي غير متواجد حالياً

06-19-2008, 03:57 PM

العطاوي الغنامي

تاريخ التسجيل: Jun 2008

المشاركات: 47

معدل تقييم المستوى: 0

العطاوي الغنامي is on a distinguished road

رد: بخيت بن ماعز العطاوي .. معظم سيرته

شكررررررررررررو

__________________

منتديات قبيلة الغنانيم

03-16-2009, 02:17 PM

عبدالمحسن الغنامي

كاتب متألق

تاريخ التسجيل: Nov 2008

الدولة: وشش دخلك

المشاركات: 1,043

معدل تقييم المستوى: 17

عبدالمحسن الغنامي is on a distinguished road

رد: بخيت بن ماعز العطاوي .. معظم سيرته

فلما سمعته ساره اعطته جوخه وهي من خيار الملابس , فقال مقبوله وجزاها حصان نكسبه من قومك وفعلا كسب حصانا من قومها

لا تعليق

تقبل مروري

__________________

منتديات قبيلة الغنانيم

05-02-2009, 06:36 AM

قناص الغنانيم

تاريخ التسجيل: Apr 2009

المشاركات: 11

معدل تقييم المستوى: 0

قناص الغنانيم is on a distinguished road

رد: بخيت بن ماعز العطاوي .. معظم سيرته

الله يعافيك

__________________

منتديات قبيلة الغنانيم

التعديل الأخير تم بواسطة : نادر سمايل بتاريخ 05-02-2009 الساعة 02:32 PM السبب: خطأ مطبعي

05-03-2009, 01:57 PM

النامي

تاريخ التسجيل: Apr 2009

المشاركات: 40

معدل تقييم المستوى: 0

رد: بخيت بن ماعز العطاوي .. معظم سيرته

انشهد انه شيخ وتشكراتي على الايراد

__________________

منتديات قبيلة الغنانيم

11-09-2009, 02:39 PM

ترانيم

تاريخ التسجيل: Oct 2009

المشاركات: 127

معدل تقييم المستوى: 16

رد: بخيت بن ماعز العطاوي .. معظم سيرته

إيـــراد لِقِصَصَ ومَواقفْ لفَارسْ مِنْ فُرسَانْ وشُجّعَان ذويّ عَطّيه

فــ شُكّراً لك

__________________

هي هكذا الحياة

حلوة ,مرة لاتظل على وتيرة واحدة ...

02-10-2010, 02:40 AM

شليويح العطاوي

تاريخ التسجيل: Jan 2010

المشاركات: 20

معدل تقييم المستوى: 0

شليويح العطاوي is on a distinguished road

رد: بخيت بن ماعز العطاوي .. معظم سيرته

مشكور ماتقصر يا الذيب

__________________

منتديات قبيلة الغنانيم

04-27-2010, 02:28 PM

#10

مبارك حمد الغنامي

كاتب مبدع

تاريخ التسجيل: May 2008

المشاركات: 843

معدل تقييم المستوى: 17

مبارك حمد الغنامي is on a distinguished road

رد: بخيت بن ماعز العطاوي .. معظم سيرته

الفارس بخيت بن ماعز العطاوي

يقال إنه لم يصب في أي معركه وإنه أشجع من أخوه شليويح

توفى وعمره تجاوز 100سنه وفاه طبيعيه رحمه الله تعالى

__________________

منتديات قبيلة الغنانيم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة :الفارس بخيت بن ماعز العطاوي	الشاعر سلطان براك الغنامي	القسم العام	14	11-18-2012 11:44 PM
بعض قصص وقصائد بخيت بن ماعز العطاوي	برق الشمال	القسم العام	8	06-24-2012 12:32 PM
قصائد رثاء مؤثره في الفارس الأمير مشحن بن ماعز العطاوي	أخو سكرى	القسم العام	29	08-05-2011 06:47 PM
بعض من سيرة الفارس الأمير مشحن بن ماعز العطاوي	أخو سكرى	القسم العام	17	07-12-2011 11:36 PM
شليويح بن ماعز العطاوي .. معظم سيرته	تركي المغيري	القسم العام	21	06-11-2011 04:20 AM

		منتديات شبكة قبيلة الغنانيم الرسمية > الأقسام العامة > القسم العام
بخيت بن ماعز العطاوي .. معظم سيرته

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules