توكلت بالفرد الصمد ربنا المعبود
له الملتجى والمشتكى جل في شانه

هوالخالق الباري هو الواحد المحمود
وانا في رجاء عـطفه ولطفه وغفرانه

هو المعطي المانع وراع الكرم والجود
كريـماً عن المحتاج ما صك بيـبـانه

وبعدها سلام يفوح كادي ومسك وعود
يـعـم ويـخـص وملحة العـلـم نيشانه

يعم العوازم مزبن الخايف المطرود
رجالاً تـذري كل من شانت ازمانه

رجالاً على مر الزمن طيبهم معهود
ولا فيه طيّب الا يخوضون ميدانه

للاصحاب غيث وللمعادين سـم كبـود
كـلاماً صحـيـح وكـل عـلـماً و برهانه

عوازم ليا شب اشهب الملح والبارود
لهم صفقةٍ تعمي من اغواه شيطانه

عوازم لفعل الطايله ما عليهم زود
هل المجلس اللي ما يملون ضيفانه

رجالاً تحل الصعب وتحلحل المعقود
عـوارف وتـازن كـل شئياً بـميـزانـه

ثقيلين ما يمشون في ساقة المقرود
سلامي على روساً من العقل مليانه

وخصص فهوداً في المواقف عيال فهود
عوض صامل الوقفات والنعم بخوانه

عوض لين الجانب عوض صارماً مجرود
لمدحه يطيب الشعر وتزين قيـفـانـه

كريماً شجيعاً في الشدايد قوي عضود
حليـماً بـحـال وحـال تخشاه عدوانـه

وردنا على هـداج مارد حيام القـود
ونقول الكريم امعان لا جوه ضيفانه

نخيناك وانته فيك نخوة عريّب جدود
عتيبياً أبـلـج وارثـاً طيب جدانـه

ونخاك السجين اللي مكبل وفيه قيود
ونفسه من اللي صار خجله وندمانه

وقـع شي والله لا مبـيـت ولامقصود
ولا حـداً رضـي قبله ولابعد وقـعانـه

بساعةغضب وابليس من بينهم موجود
قـدح بالفـتيـله مـن زناده وصـوانـه

ترا كل غنامي من اللي حصل ملهـود
ولا يرخـص الرجـال ربـعـه وجيـرانـه

وقصاص ابن عمك ما يرجع لك المفقود
ومثلك يعرف العـلـم زوده ونـقـصانه

لكم حق ما يحتاج له بينه وشهود
وفي الصلح خير يقوله الرب سبحانه

رجانا في الله ثـم في ربـعنا مـعـقـود
وترا كل محسن له نصيباً من إحسانه

وجزاء العفو عندالله في الآخرة مرصود
بـيـومٍ خـطوبـه شيـبت روس ولـدانـه

وبين العرب للعفو قيمة وله مردود
ولاحداً يـجازي فـعـل خـيـر بنكرانه

وصلاة على احمد عد ذاري هبوب النود
وعدد من سعى واطاف بالبيت واركانه


شعر الدكتور : سلطان بن براك الغنامي

---

ko,m hgykhkdl ggu,h.l td ujr vrfm fh]d lv.,r