أســوأ موقف مر عليـــكـــ في حياتكـــ ..!! - منتديات شبكة قبيلة الغنانيم الرسمية

04-01-2011, 03:10 PM

نواف الغنامي

كاتب متألق

تاريخ التسجيل: Jun 2008

الدولة: ظلم - الطائف

المشاركات: 1,367

معدل تقييم المستوى: 18

أســوأ موقف مر عليـــكـــ في حياتكـــ ..!!

السلآم عليكم ورحمة الله وبركاته ..

الموضوع واظح من عنوانه ,, وانا والله مدري لو الموضوع هذا مكــــرر !!

لكن نبا من جميع الاعضاء ذكر أســـوأ موقــــف مر ّ به في حياته .. !!

ليأخذوا بقيّة الاعضاء العضه والعبره والتحرّص من أن يقعوا في مثل هذا المواقف !!

المصدر: منتديات شبكة قبيلة الغنانيم الرسمية

HsJJ,H l,rt lv ugdJJJ;JJJ td pdhj;JJJ >>!!

__________________
{وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ
وَالسَّماوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ }

04-01-2011, 03:21 PM

وحيد الجزيره

كاتب متميز

تاريخ التسجيل: Mar 2010

المشاركات: 432

معدل تقييم المستوى: 15

ابو عيد مساك الله بالخير
نسيت تبدى بنفسك

__________________

منتديات قبيلة الغنانيم

04-01-2011, 03:24 PM

نواف الغنامي

كاتب متألق

تاريخ التسجيل: Jun 2008

الدولة: ظلم - الطائف

المشاركات: 1,367

معدل تقييم المستوى: 18

مساك الله بالنور يبو ناشي

وانا طال عمرك آآآخر وآآحد علشان اقارن بين الاعضاء
ومواقفهم واقيس المسافه بين المواقف واحدد اسوأ موقف
من جميع المواقف !! <<<<<<<<<<<<<<<< أمحـــق عــــذر !!

04-01-2011, 03:51 PM

فهد الباجد

كاتب مبدع

تاريخ التسجيل: Mar 2011

الدولة: الطائف

المشاركات: 524

معدل تقييم المستوى: 14

مشكور على ذا الموضوع الرائع

لكن نتظرك ما نبغىا نبدأ قبلكـ (رحت فيها *_*)

__________________

سبحان الله وبحمده

سبحان الله العظيم

...

04-01-2011, 04:53 PM

مخاوي الذيب

مشرف ومراقب سابق

تاريخ التسجيل: Oct 2010

الدولة: المنطقة الغربية

المشاركات: 2,600

معدل تقييم المستوى: 17

المواقف واجد اخرها
موقف حصل لي في مطار الملك عبد العزيز بجدة

حيث قمت بإعطاء احد اصدقائي جواز سفري بينما اذهب انا للمصلى وبالفعل آخذ صديقي جواز السفر ومن شدة حرصة

قام ووضعة في شنطته مع جوازة وقام بشحن الشنط للطائرة وعند عودتي سالته عن الجواز وقال حطيته بالشنطة الى تم شحنها للطائرة

وقلت له كيف نختم الجوازات يا ذكـــي

الشنطة ارسلوها للطائرة هز راسه وهو خجلان من تصرفة

وقمنا نترجى موظفي الخطوط على شان يرجعون الشنط وبكل كلفه وتعطيل لنا ارجعوها مع شوية لطعة وتاخير

__________________

04-01-2011, 05:43 PM

ابو رامي

كاتب ماسي

تاريخ التسجيل: Nov 2010

المشاركات: 4,287

معدل تقييم المستوى: 18

هلا يابو عيد الله يمسيك بالخير
بالنسبه لي انا ولد نعمه وما حصلي اي موقف ههههههههههههههههههههه
والله ويش اعد البقايط واجد تعرف منها ما هو مسموح بالنشر ومنها ما هو لايصلح للنشر
لاكن ابا ادورلك من اوسطها وفي محيط الحراثه ههههههههههه
ليله من الليالي كان عندي مجموعه سامرين في المزرعه قلت لهم جهزو عشاكم وانا اباروح واجيكم وركبت الحراثه وتوجهت لمزرعة مسفر عايض ابو بطين تبعد عنا حوالي ثنين كيلو ابغا اجيب صاج الحرث ويوم وصلت المزرعه دورت العامل الهندي ما لقيته وجلست اركب الصاج على الحراثه والصاج وزنه حوالي ربع طن بس يركب ألي وكانت الاضائه ضعيفه وعلشان اركب الذراع دخلت احد اصابع يدي في محل الخابور وتحرك الصاج وقفل على يدي حاولت امد يدي لقير الهيدروليك ما الحق وتعرف اصبعك بين الصاج ووزنه يزيد ربع طن والحراثه وزنها قوق اربعه طن والدم ينزف وألم الله لا يوريك ولا عندي احد والجوال ما كان يشتغل في المنطقه وجلست تقريبآ ساعتين اول احاول واصيح باعلى صوتي لعل احد يسمعني ولاكن ما فيه احد واليل مظلم والشباب اللي عندي ما يعرفون انا وين رايح واخيرآ استسلمت وجلست افكر كيف اقطع اصبعي ولا معي حتى سكين واخيرآ وبعد هجاد رجع الهندي وسمع صوتي وانا انادي وجا وهو خايف ايس فيه من نفر حرامي قلت ابك تعال الله يردي نصيبك ماني بحرامي قال عمي نياف ايش مشكله قلت رح عطني سكين والا ساطور المهم راح الرجال وجاب كشاف وجاب ليور وقرص الذراع واخيرآ طلع الاصبع سليم ما فيه الا دش وجرح المهم اخذت الهندي قلت ارواح انت اللي تستاهل العشاء ما هو الملاعين ويوم جينا لقينا الشباب جالسين يلعبون ورافعين صوت التلفزيون لآخر شي قلت ابك يا قليلين المروه انتم ورى ما فزعتولي قالو حنا ندري انت اصلآ وين انت رايح وانتهت هذه المعاناه بسب ذلك الهندي الله يذكره بالخير واسمه محمود واذا زعل علاه ابو مسلط الله يذكره بالخير(مسفر بن عايض ابو بطين) قال يا محهموده
هذي وحده من قراداتي وغيرها واجد بعضها والله ما ينتعلمبه
والسلام عليكم ورحمة الله وبركاته

__________________

منتديات قبيلة الغنانيم

04-01-2011, 05:54 PM

نواف الغنامي

كاتب متألق

تاريخ التسجيل: Jun 2008

الدولة: ظلم - الطائف

المشاركات: 1,367

معدل تقييم المستوى: 18

ههههههههههههههههههههههههه
ههههههههههههههههههههههه

يا دافع البلا يبو رامي هذا والله الموقف الذي لا تحسد عليه

مار الله فكك
و المفروض انك تنقل الهندي على كفالتك ..

ههههههههههههه

شكرا لك على المشاركه .. وشكرا لك يا مخاوي على المشاركه ...

04-01-2011, 07:05 PM

سلطان مطلق الغنّامي

كاتب ذهبي

تاريخ التسجيل: Dec 2010

الدولة: حيث أكون !

المشاركات: 2,355

معدل تقييم المستوى: 16

سلطان مطلق الغنّامي is on a distinguished road

هههههههههههههههههههههههههههههههه
هههههههههههههههههههههههههههههههه

لاوالله سلمت يا ابو رامي بس لو ني منك

عودت على الشباب بالحراثة وهم على مقعادهم (:

انت يانواف علم بمواقفك ولا ترى بتصل بخويك اللي معك

في السكن اخليه يعطينا الاول والتالي ،، ولا اخوياك في الديرة

تراني مزبطن الوضع معهم ،، (:

نواف انامواقفي كلهامع ابو كريم الله يذكره بالخير ،،

عد واغلط وكلها نكبة في نكبة بس ابستاذن منه واعود لك ان شاء الله

المشكلة الرجال مهاجرن في دعيكان والخط مايسمك معه

وش رايك تزرق لهم هناك وتعلمه وتجيني بالرد

تحياتي للجميع

سلطان

..

__________________

ناطلس ..!

أنا هـــــــنــــــــا كثيراً
.
.
مدوّنتي المتواضعة تـــــشــعّــــب

..

صفحتي في تــ ويــتــر
..

04-01-2011, 07:05 PM

مــعــدي الـغـنامـي

شاعر

تاريخ التسجيل: Jul 2010

المشاركات: 1,579

معدل تقييم المستوى: 16

مــعــدي الـغـنامـي is on a distinguished road

السلام عليكم

اصعب موقف مر علي

طلعت من المدينه بتجاه حفركشب وبعد تعديت المهد بحوالي عشره كيلو كان الطريق قيد الانشاء ومحطوط اسياخ في الارض توطيت احد الاسياخ و بنشر الكفر الامامي ونا معي عايله ولا معي اسلاح
والا رسال مافيه والساعه 9 ليلا نزلت العفريته وجيت بنزل الاسبير ماقدرت الجيب موديل 97 ج اكس يختلف واليد تجي على يمين وغدرى حاولت ماش فايده مشيت شوي بالسياره ماش فايده وقفت وبعد حوالي ساعه جات سياره محمله ولا معي سوى يد العفريته وقفو مابي الا فرقا هم المهم اطلعو عمال ونورو على الموتر وفكيت السبير وركبته ومشيت
خط المهد نكبه

تحياتي لكم

__________________

منتديات قبيلة الغنانيم

04-01-2011, 07:15 PM

#10

نواف الغنامي

كاتب متألق

تاريخ التسجيل: Jun 2008

الدولة: ظلم - الطائف

المشاركات: 1,367

معدل تقييم المستوى: 18

اقتباس:

المشاركة الأصلية كتبت بواسطة سلطان مطلق الغنّامي

تحياتي للجميع

سلطان

..

هههههههههههههههههههههه
هههههههههههههههههههههه

لا لا كلش ولا اخوياي

الله يذكر ابو كريم بالخير ,,
مار توحيني خلّه لين تجي في اجازة 5 واستآذن منه انت براسكــ

ولا تدري اسدح لنا واحد من المواقف هنا على مسؤليتي .. !!

شكر لك على المشاركه ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حول موقف المملكة من عضويتها في مجلس الأمن	الشاعر سلطان براك الغنامي	القسم العام	2	11-08-2013 10:48 PM

		منتديات شبكة قبيلة الغنانيم الرسمية > الأقسام العامة > الــصــيـوان واستراحة الأعضاء.
أســوأ موقف مر عليـــكـــ في حياتكـــ ..!!

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules