،

مدخخخل

مدري وش أقول لكن ( جعلها خيره ) !
لو إن بعض السوالف .. مالها داعي

إن جت لـ/ طاري المعاتب فضّها سيره
من كف غيرك / ترى ما برّيت أوجاعي

لا تكمّل اللي بقى .. وتزوّد الحيره
بعد غيوم الصبر شحّت على قاعي

همّك لحاله ؟ بنى له في الحشاء ديره
وانا يالـ.. لله افلّ لـ/ همّي شراعي

مخخرج
ضايق .. وثوبي عليّ أفك أزاريره
وكل الحسايف .. معي جملة وقطّاعي

خطاً .. ما يستاهل اندوّر معاذيره
لا أقنعك فيه وبلاش تحاول اقناعي

ان كانك لـ..غيبتك , قصيت تأشيره
الالتفاته وراء .. ما هي من أطباعي

لك مني آحفظ لـ/ ذاك الوقت تقديره
وأسامحك من دهر عمري لـ.. مرباعي

لو تعرف : الود , والتقدير , والغيره
ما رحت ترقد وغيرك ساهر ٍ واعي !

اعجبتنني