05-25-2012, 12:30 AM
قال فيحان الرقاص الروقي
 |
 |
|
الشاعر فيحان الرقاص الروقي العتيبي قال فيحان هذه القصيدة في أنثى أراد أن يتزوجها. تعدّ هذه القصيدة غريبة في نظمها.. أسلوبها.. وقافيتها يقول: يالجتي لجلاج ذيبٍ عوويا .... يوّعي النّيام اللي هواجيع بعواه يقنب ليا من العباد اهجعويا .... لجت ظلوعه وازرق الجوع قزّاه هيض على هاجسي في الخلويا .... هاجس بعد هوجست به قلت ألاواه بنيت بيتا من بيوت الهوويا .... بيتٍ طويلٍ و اعمس البال مبناه وليا ان قلب الود فيه السّحويا .... يدرى الذنوب وبيح الله خفاياه يا راكب اللي يقطعن الدّهويا .... ستين عدّ أحسابهن ما غوينااه أملاط مابردو فهن اردفويا .... والكل منهن تسعة اشهر معفاه يمشون بالاثنين يوم اسرحويا .... والحول هو ميعادهن بالموافاه أهل اربعٍ يمّ الحرم سندويا .... يوم الحرم كل من الناس ينصاه ويودعونه كان هم ما لقويا .... ويطقّ لى بالتّيل واشوف ردّاه واهل اربع عدّوا بهم في القرويا .... يدّورون امشذبه مع لوااياه وعلى ولاهم بالفزع وقفويا .... وينشدون اللي غرس به ومن جاه ومن الفرع يمّ المدينه نحويا .... والوقت يلهيهن ركعة مصلاه ومرّوا على قبر النّبي سلمويا .... عساه يدعي للمداوير بدعاه حيث ان ربي فهّمه بالوحويا .... واطاع له والله على الناس بداه واهل اربع في راس روم اشرفويا .... واليا استرااحوا نحرّوهن إلبهاه واهل اربع بايمن تعار ازبرويا .... ومروا غراب وجا غزوا من سرياه واهل اربع فوق البرك عطنّوبا .... ومروا بطيحان الحيا لا تغشاه يبون حيا في الجزيره ربويا .... وايضا يبون الجوف والهجن تاطاه واهل اربع في الرّس عصرٍ شدويا .... يومٍ كلً جااايبا منه مقضاه امسن عند احسين ثم اجهمويا .... واتبحصن اعضودهن بالمحاظاه وشيفن بايسر ساق يوم اهملويا .... ودليلهن أومير الاجفر تهمقاه واهل اربع طبوا عنيزه ضحويا .... البندر اللي كل حي تمنّاااه خصّن على ابن سليم حسب المسويا .... والفين ابو خالد زبون المخلاه وحافوا على كيرانهن واسرحويا .... تنصن الزلفي على حسب ممساه ثم ابكروا ما عندهم لهو ثويا .... وتغانمنّ السّيف من بعد ممشاه وينشدون اللي لعشبه رعويا .... يردٌ الطّوال ودايم السٌيف مرباه ياطن يداااهن فيها الحفويا .... حتى الكويت يدوٌر اللي بناياه وامن الكويت يدوٌرن الحسويا .... لو كان من دونه مخافة ومظماه واهل اربع من سوق خرمه سرويا .... والحافظ اللي يذبح الروض واحياه ليلة ثلاث وجاب ما تسٌمويا .... رااعي قطر اركابهن يتحا كاه واهل اربع جو فالرياض اهتجويا .... عند الإمام الّلي تشيب سراياه يمـسون في قصره اليادوٌرويا .... قصر محل الجود والحكم يزهاه في قـصر ربعٍ للعدا طاوعويا .... حكام كل العلم من محجهاه حتى يبوج اصدورهم بالعشويا .... وكيفٍ شقا به حامسه يوم سواه واهل اربع يم الحريق احدرويا .... وادٍ عذوقه شرٌعن في دقاياه ينشدون وبالحلاوى عطويا .... وطويق كله سيروا في قراياه واهل اربع يم الحصاه اصبحويا .... والدحي ممساهن على الله وبالله يـبرا وناهنه إليا هو كرو يا .... ومطراشهن وادي الدواسر تعداه واهل اربع وردن هدف واصدرويا .... ومزعمين ابدارهم من برد ماه إليا روحن يشدن حبل الرهويا .... والكل منهن مشيها ما تواناه مروا على الحزمه ولاقيلويا .... نهارهن خشم الكريٌع تمثناه واهل اربع للحنفريٌه وطويا .... سواة إذا من صاعه الملح واخطاه جوف تربه بارسانهن دلّلويا .... وراعي الخبر يختار فيهن بسواه واهل اربع في صير مصر إذ لفويا .... دارٍ بعيدٍ وخدّها ما وطيناه مدري حيوا والا بعد ما حيويا .... مثل المريض اللي مغربل مراجاه لان كان ما جو بالغظي لا اقبلويا .... لا شيف منهم واحدٍ فوق وجناه إن كان ما عن صاحبي ما علمويا .... ستّين مع ستين يفدن يمناه أوّل بلايه يومٍ معي اقطنويا .... لا عـوّد الله هجرةٌ به عرّفناه أرجي عسى الوالي يقود الرجويا .... في واحدٍ ما أبدى علّى حضاياه كانّه هديب الشام دونه نمويا .... يوم يتظهّر والمداافيع تقفاه كم سربةٍ فيها وراه اطعنويا .... يوم العزاوي والنّخا والمثاراه وجدي عليهم وجد من عذبويا .... كاتبهم السلطان من كفو دنياه بـعد على غرٌانهم ودّعويا .... ضاقت هشاميهم من الصّيب ونداه والوجد الآخر وجد قومٍ غزويا .... واخذوا وجحدوا في ديار الحفوفاه تهذبروا ومع الٌلهيب إنكفويا .... والكل منهم بايدٍ سبت رجلاه تـعزموا حُفياً وظمياُ وطويا .... والكل نآصي مرزقه ويترجاه وثر العرب قد صبحوا وانجعويا .... وامسوا على جوّ تعاوا ضراياه تعلموا عـن كونهم وانجعويا .... إنه جريرٍ ما نشد عن رزاياه ورد الجهام اللي عطون وضحوويا .... ما شد منهم لا بعير ولا شاه |
||
 |
 |
rhg tdphk hgvrhw hgv,rd
05-25-2012, 12:37 AM
06-03-2012, 10:45 PM
| مواقع النشر |
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تغطية حفل افتتاح مركز المنصوره | ضيف الله الغنامي | القسم العام | 3 | 10-23-2012 12:15 AM |
| تغطية زواج الشاب ماجد فيحان راجح الغنامي | المشعاب | أخبار أبناء القبيلة ومناسباتهم . | 3 | 10-02-2012 03:57 PM |
| محاورة شعرية بين فيحان بن عميش والشاعر فالح الغنامي لم تنشر قبل . | علي بن عواض العطاوي | منتدى الشعر والقصص الشعبية | 14 | 06-28-2012 06:57 PM |
| قـصه الروقي والسلمي | سعود بن منيف بن نافه | منتدى الشعر والقصص الشعبية | 14 | 09-14-2011 01:32 AM |
| ’،. ’،.ღ♥ღ آيآد الروقي .. ! مبـــروكـ الالفيه الثآمنه ’،. ’،. ღ♥ღ | عقاب الروقي | القسم العام | 8 | 09-05-2011 09:09 PM |
