الضيق ماله عني وانا اخوك مجناب=ليظلم سواد الليل جالضيق كله
ان قلت جرحي طاب والله ماطاب=الصدر مل الضيق والضيق مله
والضن في رب المخاليق ماخاب=يفرج هموم(ن)تتعب القلب وتسله
همي ماهو من هوى ناقشات الخضاب=ولاصابني هم(ن) من الحب لله
بلاي فرقى عزيز(ن)عقبه القلب منصاب=قفابه الموت ياليت انا والله فدله
اطلب له المولا وهو رب الارباب=يجعله في فردوس عدن(ن) محله

يامرحبا بالقاف والقاف ماشاب=من واحد(ن)كل النشاما تدله
عون الخوي اليا لجاله والاقراب=وسم(ن)على كبود الاعادي وعله
عشرين خمسه يجذب الفكر جذاب=والقلب كنك تنهشه بالاخله
اشغلت فكري يا محمد بلااسباب=وذكرتني من نجتمع في محله
نرجي من المعبود حلال الانشاب=يمحا ذنوب(ن) فايته ويغفرله
يالله يامعبود فتاح الابواب=تفرج هموم(ن)في ضميره تمله
من كِبر همه لايفكروينصاب=ويزوره الي خافين ويحصله