ياليت يانواف لو غيم الجو =ثم اندفق هتانها من سماها
وتهدا نسانيس الهوا ويشبك النو=من عصرها للفجر ماكف ماها
واليا شرقت شمس الضحا فيه وحلو =ممشاه وارضه دوب ذعذع هواها
جت حزت المكشات مع شبت الضو =في فيضتن قدام يقفي ثراها
واليا اسرج الجمر الحمر قم ثم سو =فنجال يجلا عن الخلايا صداها
فنجال خولانيتن جابها تو =خبيرها الي من بلدها جناها
لكن يانواف ياليت يالو =ماتنفع وقد قالها الي بداها