امسيت واصبحنا وانا أدير الآفكار= خايف على اللي حرر ديار جاره

أتابع الموجز وعيني للآخبآر=وقلبي تقول مــحزمـــه بالجـبــاره

يالله ياللي عارفنَ قدر الآعمار=تزيد في عمر الفهد وانتصاره

جعل الليالي للفهد كلها اسفار=وتشفي فهدنا عز شعبه وداره

الدار في حكم الفهد كلها انوار=وهذا بنى فله وهذا عماره

واللي طفت ناره يولعله النار=وكلن قعد يضحك على حيد ناره

شيخ حليم ووقت الأخطار جبار=يخلف عقول اللي نوونا بغاره

خلى حساباته تجي كلها أصفار= واللي بعينه شّر طفا شراره

واللي بغانا بالخطر جته الآخطار=مسمار في قلبه والآخر بزاره

فهد ملكنا حي والله ذا الشار=كم من زعيمن جالنا واستشاره

يالله ياعالم خفيات الأسرار=واطلعت موسى من مغبة بحاره

خل الفهد حبيبنا الوالد البار=ارواحنا من دون سيدي ستاره

الشعب في نعمه وكلن بمقدار=انراجع الديوان وان جاء وزاره

هذا على شبح وهذاه فكسار=واللي يبا الطاير يروح لمطاره

مهبط وحي مافيه ساحر وقمار= دستورنا القرآن عز وقاره

هذي علومي ياسند كل محتار=يانور نجد جبالها والزباره

وصلوا عدد من حج للبيت وازتار= على نبي حج بيته وزاره