بسم الله
اختي الحنونه بارك الله فيك البطاله ماسمعنا اجدادنا اشتكوا منها هذا المصطلح صار من الكلمات اللي كل يوم تنفتح وفي كل مجلس هذي الايام
والسبب تحول النظرة تجاه مصادر الدخل وحكرها في الوظيفة ...... الناجح فقط هو اللي يحول بطالته لسبب تميز
لاحظي الاشخاص اللي غيروا او انجزوا انجازات تذكر لهم في كل زاوية من الارض بنلاحظ انهم مروا بصعوبات وفشل واحباطات لكن في الاخر انجزوا
مشكلتنا ابناءنا يتخرجون من الجامعة وينتظر الدولة اما تجنده او توظفه على مكتب مثله مثل مليون حجزوا مكاتبهم وكأنهم صاروا قطعة لاكمال ديكور المكان
بكل صراحة انا متخرجه من 7 اعوام في السنه الماضية فقط عرفت كيف ادخل على نفسي من صفقة وحدة 4000 لكن متى بعد ما تبت واقلعت عن
عبارات مطالبة الدولة بتحمل اعباء قوتنا اليومي

فهل راتب 1000 ريال او 2000 ريال برايك يفتح بيت ؟؟
توظفت ثلاث اعوام براتب 1400 منقطع في الاجازات طبعا بصراحة كنت اجمع منها مبلغ بديت فيه اعمال بسيطة .... لاني بنت مومطلوب مني صرف بيت قدرت لكن الشباب الله يعينهم
وهل هذه الوظايف المطروحه تناسب طموحك وتطلعاتك المستقبليه ؟
بكل صراحة عمري ماتصورت نفسي معلمة ولاحبيتها مو لانها مهنه سيئة ابدا لكن انا اتميز بمقومات تنفع لعمل غير التدريس
ماذا جنيت من البطاله ؟
في البداية بحكم ان البطالة في البداية حدتني على العمل في مجالات مختلفة جربت الشركات وجربت المدارس وفي الاخير واهم شي علمتني البطالة البحث عن مخارج والتفكير بعمق ونضج اوصلني لعمل يرضيني.... ولله الحمد وبعيد عن القطاعات الحكومية
برايك من المسؤول الاول عن قلة وندرت الوظايف ؟
الشي اللي لازم يوضح الوظائف موجود وبكثرة ...(باعتراف موظفات تربويات بوزارة التربية ) مثلها مثل شواطي جدة موجودة لكن بينك وبينها سور ..... والمسؤول الفساااااااد
ماهي ارائك الاصلاحيه لهذه المشكله ؟
مشكلة كبيرة حلها بيد الله سبحانه ....و لكن لو الدولة تحقق امان وظيفي للقطاع الخاص مع الزام تطبيق الزيادة بينحل جزء كبير من المشكلة,.... مو لازم وظائف حكومية اهم شي دخل محترم ..... ثم تكثيف انشاء مشاريع تجارية بايدي خبراء لصالح الدوله وتمنح جزء من هذي المشاريع لاشخاص يتم اختيارهم باسس معينه ويملكون اسهم بعدد معين يعني شركة ملكيتها بين القطاع الحكومي والافراد حتى يتوزع مدخول الشركة بين شريحة كبيرة ولايتكدس بيد شخص واحد مع حفظ نصيب ثابت للدوله
خلق فرص جديدة مثل فكرة المعلمة البديلة
التعاون مع دول الخليج في توظيف السعوديين بوظائف تناسب تخصصاتهم بوظائف قطاعات حكومية ويعامل كموظف حكومي داخل بلده خصوصا ان الخليج فيه وظائف شاغرة كثير
عموما هذي محاولات لخلق حلول مني انا قليلة الخبرة وقليلة الحيلة لكن اظن ان اهل الحل والربط بالموضوع ادرى واظن مو عاجزين ....الله المستعان
ماذا تتوقع ان ينتج بعد ماسمعنا عن القرارات الجديدهـ فيما يخص الوظائف ؟
روح التفائل عندي تميل الى رسم صورة جميلة لمستقبلنا الوظيفي .... لكن احتفظ بانطباعي السلبي عن ماضي القرارات المشابهة وانتظر الغد يحكم

الحنونه شكرا لك