هنا قابلت تمثال الغرام وعطره الفوّاح=هنا قابلت تمثال الغياب اللي برى روحي
هنا كان السلام يعمّ يوم ان الهوى يجتاح=هنا عانيت بجروح(ن)قديمه عيّت تروحي
هنا كان الكلام بخاطر(ن) يضحك وهو مزّاح=هنا خاطر حبيبك منكسّر ويعاني جروحي
هنا كان الشعور بسلوته والضيق عنه انزاح=هنا ضاقت عليه ارضه وهو ف ارضه ومذبوحي
هنا كان القصيد وكان للمعنى معك مسراح=هنا شابت قوافي والمعاني عيّت تبوحي
هنا كان الوصال وكان صدري بالهنى مرتاح=هنا كمّل مشاوير التعب من غير مصلوحي
هنا كان المكان وكان للضيقه معك مفتاح=هنا دربي وقف وقفة شجاع سيوفه تشوحي
هنا كانت رياح الصيف تلعب بالغرام وطاح=هنا ماعاد باقي له معالم صار مطروحي
هنا كانت بداية عشقنا يوم الهوى فضّاح=هنا صارت نهاية عشقنا والتهبت جروحي