يــا مــخالـف الـسنّه تـلطّك و تـلغـفك

اغـواك شـيطـانك وضرّبك وادي

سـيطـر علاك وقـام بـأمـره يصرّفك

ومـن يـتبـع الشيطان تايه و غادي

ارجع على رشدك ودينك ومصحفك

وتــب لله الــمعـبود رب الـعبـادي

لا تــتبــع الــلي كــل يــوم ٍ يــضيّفـك

عـلى الـخنا و المعصيه و النكادي

مــايــنفـعك حـلفـه وحـلف ٍ مـحالـفك

تـــذكــر الاهــوال يــوم الــتنــادي

تـــبا تـــعذّر فـــي ولـــيفٍ مــوالــفك

ماعاد قدمك غير جني الحصادي

الله عــليــم بــسدّ غــيبــك وشــايــفك

يـامـطاوع ٍ نفسك على غير قادي

تـرى الـمعـاصـي فـي حـياتـك تعيّفك

عــلمٍ عــليــه اثــبات عـلمٍ وكـادي

تـضيـق بـك دنـياك ضاقت محارفك

لاتـتبـع الـشيـطان واهـل الـفسادي

ربّي بـــعقــلك يــالــبنــادم مــشرّفــك

لاتــنحــدر مــمشـاك خـلّه سـنادي

إلــزم طـريـق الـحق واتـبع طـوايـفك

الـلي على السنه و درب الرشادي

يــا مــعيّد ٍ عــيد الــنصــارا نـخالـفك

ونــجاهــدك بالله حــق الــجهـادي

إلـحق عـلى نـفسـك وحـسّن تصرّفك

اعـيادنـا عـيديـن يـا اهـل الـعيادي

عـيد الـفطـر يـالـلي غدى بك تجانفك

وعـيد الـضحيّه خل عنك الدوادي

مالله عـلى درب الـمعـاصـي مـكلّفـك

الله هـو الـهادي وهـو خـير هـادي

يــازيــن قــلبـي فـيك مـغرم و مـفتـون

وحـبك طـبع فـي القلب بآلة طباعه

مــاعــاد يـمحى لـو غـسلـته بـصابـون

وعــزّي لــقلــبٍ لايــع الــود لاعـه

ويــن انــت يــامـبيّح خـفا كـل مـكنـون

مـشتـاق لـك شوق الفطيم لرضاعه

مــستــدخــلٍ حـبّك مـبا الـناس يـدرون

وبـريـت حـالي بري عود الجراعه

مـن عـقبـكم والـحال من دون في دون

فـضحـتنـي يـالـترف عـند الجماعه

خــليــتنــي مــثل الــمجــانـين مـجنـون

وورّخت لك في داخل القلب راعه

حــسبــي عــليــك الله يــابــاهـي الـلون

لــيه الــجفـا والـصد لـيه الـقطـاعـه

يـــابـــو نـــهودٍ كــنّهــا طــلع لــيمــون

اخــذت قــلبــي مـن مـكانـه قلاعـه

والـقلـب عـندك يا اريش العين مرهون

ومـن طـاح بـين ايديك ماله شفاعه

يــاعــين حــرٍ عــند هــزّاع ابـن عـون

مــتفــهّق الــجنـحان هـجرٍ كـراعـه

لاسـلهـمت بـرمـوشـها الـموت مـقرون

مـن شاف هاك العين يعلن ضياعه

والقرن ذيل اللي تشعشع ضحى الكون

يــوم ان كــلٍّ نــجدتــه مـن ذراعـه

يـوم ان هـاك الـوقـت طاعن ومطعون

وعـدايـل الـطمّاع تـصبـح طـماعه

والـعنق عنق الظبي والعرض مصيون

بـنت الرجال اهل الكرم والشجاعه

حــريــبهــم مــايــرقــد الــليـل مـغبـون

يــامـا سـقوا عـدوانـهم سـمّ سـاعـه

والـخصـر خـمس اقـفال والا بـعد دون

والـخد مثل الشمس يوضي شعاعه

وش عــاد خلاّ لــلغــناديــر .. مــالـون

اخـذ جـميـع الـزيـن مـدّه و صـاعه

امـــكمّلـــه وامــجمّلــه خــالــق الــكون

ومـن الـحيـا والـديـن ضـافٍ قناعه

والــيوم مــا اسـمع فـيه مـهمـا يـقولـون

وهـرجٍ مـن الـعذّال ما اقبل سماعه

بـاب الـرجـاء مـفتـوح وابـليـس ملعون

ومــاقــدّره مــولاي سـمعٍ وطـاعـه

مـاعـاد فـيهـا يـا حـبيـبي كـمايـه

يــاغــايــتي مــاعــاد فــيهــا كــنيّا

الــصدّ و الـهجـران بـيّح خـفايـه

مــن قــال لــك فــيّه تــسوّي كــذيّا

الـلي حـصلّ لي من عذابك كفايه

يـاكـامـل الاوصـاف سـمح الـمحيّا

يــابــو خــدودٍ كــنّهــنّ الــمرايـه

انــت الـقمـر و الـغيـد مـثل الـثريّا

لاتـقطـع اوصـالي وتقطع رجايه

مــالـك شـبيـهٍ فـي الـجزيـره هـنيّا

ومن الجمال اليوسفي فيك شايه

بــأسـباب هـجرانـك مـاغـير آتـويّا

الـشوق ذابـحنـي وقـطّع حـشايه

غــيرك بــدون امـجامـله مـا يـحيّا

لــو دلّع الـبرقـع و شـدّ الـعبـايـه

وش جـاب مـنفـوحـه لـحيّ الـعلـيّا

يـامـسويّ ٍ زحمه كفايه .. كفايه

يــاكــبر حــظّي كــان وصـلك تـهيّا

رزيـت لـي فـي عـالم الحبّ رايه

وأحــب مــن حـبّه و أحـب أمـه وأبـوه

حـبٍ عـلى وضـح الـنقا ياهل الوفا

شــريــف والــتشــريـف لـلّي شـرّفـوه

مـير الـبلا وإن كـان جـوّه مـا صفا

و حــبل الــرجـا بـينـي وبـينـه عـقّدوه

غـروٍ سـلب عـقلـي و قلبي وإختفا

فـــديــته بــعمــري و مــالــي كــلّبــوه

هـرجـه لـذيـذ ألـذّ مـن نـقع الـصفا

يــا حــلو هــرجٍ يــنطــقه لا فـضّ فـوه

مـن الـحيـا و الـديـن ملبوسه ضفا

الله يــــرحـــمهـــم ثـــنيـــنٍ عـــقّبـــوه

رجـلي عـلى شـانـه مقطّعها الحفا

أسـجّهـا مـن بيت أبوه (إل) بيت أخوه

عذّبت رجلي من عفيف إليا الشفا

تــكفــون يــالــلي تــاصـلونـه عـلّمـوه

قــولــولـه إن الـقلـب فـي ودّه هـفا

هـفوة ضـعيـف الـنفـس فـي زادٍ كـلوه

وإن كـان في تعذيب قلبي ما اكتفا

خــلّوه عــنكــم وإذبــح الـعلـم إذبـحوه

يـا صاحبي وش تستفيد من الجفا

كــب الــجفـا والـلي يـواصـل واصـلوه

خـليـتنـي عـرضـه لـخلق الله (أفا)

والناس من جا في ألسنتهم شرشحوه

وأنــا بلايــه مـن مـشاذيـب الـقفـا

لا ســـمعـــوا إعــليــمٍ صــغيّر كــبّروه

وين أنت يالمجمول ياراعي الذوق

سـهم الـمحـبه مـعك طـالع ونازل

حـاول تـقفـل نـسبته يالغضي فوق

والا كــتبـت عـن الـمحـبه تـنازل

مـالـي ومال أسهمك ياباشة السوق

حـتى إيـش لـو إنك رفيع المنازل

وأهـلك في وقتٍ مضى تحتم النوق

الـناس يـاعـذب الـسجـايـا مـنازل

ولا كـل مـخلـوقٍ يـشابـه لـمخـلوق

نـفسـي عـزيـزه مـاتحب المهازل

لــو إن قــلبــي يــمك يـهزه الـشوق

بس إحسب حسابك نهار المنازل

إمـا جـرحتك جرح مانيب مرزوق

بـينـي وبـينـك لـيه حـطيت عازل

هـارح مـراح إمـقيط وأنا ولد روق

لـين انـفخوك وطرت في العجه

حــتيــش لــوكـثرت فـالـتنـويـع

يــاشــاعـرٍشـعرك عـلى الـدجـه

والله مــاتــستــاهــل الــتشـجيـع

وجمهورك اهل الزيف والرجه

حــنا مــعك مـانـشتـري ونـبيـع

بــضاعــتك فــالــدرب مـندجـه

ألــلي نــكبــك الــمدح والـتدلـيع

كــلٍ يــبا مــع حـضرتـك سـجه

يــاطــيرلـونـكشـفك بـالـتفـريـع

نــلقــا عــلى ذمــك مــية حــجه

لــوطـرت لابـدك مـن الـتوقـيع

يـالـلي تـحوم وضـعت فـالـلجـه

الـشمـس تـطلـع والـجلـيد يـميـع

والــسيـل مـن يـنحـاه عـن فـجه

احسب احساب الجذر والتربيع

يـــامـــسوٍي فـــالــمنــتدى ضــجه

راجـع مـحل الـنشـر والـتوزيـع

قــدام يــدخــل شــهر ذالــحجــه

واهــني الــورع دايــم فــي ســعاده

ما يعرف الهم وش عرضه وطوله

يـــمرح ولا داخ حــطولــه وســاده

مـستـريـح الـقلـب مـا فـكت قـفوله-

مــا يــفكـر فـالـزمـان وفـي جـهاده

لاهــيٍ فــي عــالــمه يــتبـع مـيولـه

في صحاصيح الخلا يشعب جواده

كــل مــايــطري عـلى بـالـه يـقولـه

مـــابــلغ ســن الــزرايــا والــنقــاده

الــهمــوم ان عــودة مـاهـي بـحولـه

عـنه بعد اصفر عفيف عن الحماده

مـا درى انـه لاكـبر ثـقلـت حـمولـه

كــل يــوم هــموم قــلبـه فـي زيـاده

كـان عـاش يـشوف فـي دنياه هوله

يــاخـذ الاخـبار مـن روس الـعواده

يــوم كــلٍ فــالــخلا يـشعـب ذلـولـه

يــطرد الــدنـيا ورى شـربـه وزاده

مــن كــثر مــاجــاه بــايــدةٍ هـمولـه

ومـن زرع زرعٍ يبا يجني حصاده

مـايـجي كـسب الـمعـالـي بـالسهوله

الــزمـن يـحتـاج لـه صـبر وجلاده

هـاكـذا الـدنـيا لـها صـولـه وجـولـه

والـحضـيض اللي على الله اعتماده

مؤمـــنٍ بالله ومـــحمـــد رســـولـــه

يــعبــد الله خــالــقه حــق الــعبــاده

كـل مـا صـافـحت زوّدتي عنايه

لا تـزيـدين الجروح اللي مضنّي

يـكفـي الـلي فـات و الايام جايه

عـيّت الـدنـيا تجي لي بالتمنّي

حارت اسبابي ولا ادري وش بلايه؟

آتـصبّر لـين مـلّ الـصبر منّي

آه وآويلاه مـن يـجبـر عـزايـه

أزعج بصوتي من الحسره وأغنّي

آتـمثّل مـن خلايـه فـي خلايـه

حـالـتي حـالـه ووقتي ممتحنّي

شـبّ فـيّ الـنار .. يالله الـكفـايه

شـاب راسـي والـليالي غربلنّي

نـارهـن شـبّت شـبوبه في حشايه

مـايـطفّيـها القراح الخصر عنّي

آكـلت كـبدي و تـا تـاكل شوايه

وزادهـا فـعل الرفيق اللي غبنّي

يـوم جـيتـه فـي لزومي ما ورايه

أحـسبـنّه فـي مـقامه ما يونّي

يـرتـبع مـعْيَه لـيا ضاقت علايه

مـار ماجالي على خرصي و ظنّي

غـرّه الـمنصب و جا دون الحضايه

مـن عـقب ربعه ياجعله ما يثنّي

عـنه اروح مـع السعه وابعد خطايه

لا يـجي عـندي ولا اجيه امتعنّي

بـايـه ٍ و الـلي يـجي للاش بايه

الـحياه دروس .. كم درسٍ عطنّي

والـحديـث مـوثّقٍ حـسب الروايه

الـتجـارب كـل يـوم يـعلّمنّي

مـثل تـعلـيم الـكتـابه و القرايه

:::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::::

حـبك سـطى فـالقلب ماعنه منشود

يـجري مجاري الدم داخل عروقي

غلاك مـا ينقص مع الوقت في زود

يـاكـثر حـبيـلك ويـاكثر شوقي

بـينـي وبـينك حبل الامال ممدود

يـتوق لـك قـلبي وشعري يتوقي

مـنسـاك مـهمـا صار يالين العود

مازلت فوق الارض والعرش فوقي

لاتـحسـبن الـصد والهجر مقصود

يـابـو جبينن مثل ضوح البروقي

ذبـحتـني بـالرمش وعيونك السود

وحـلو الـكلام الـلي يناسب لذوقي

عـندي عـلى حـبك مواثيق وعهود

تـشهـد مـعالـيقي ويشهد خفوقي

مـانـي مـحتـاجن مزكين وشهود

بـس انـت لاعـاهـدتني لاتبوقي

دنـياك مـاتـمشـي بـتنظيم وقيود

الا مـع الـلي يـفهمون الطروقي

متى الليال البيض تطغى على السود

عـشان اصـفي معك باقي حقوقي

الـجود من طبعي وطبعي من الجود

مـنتـه بـغاويـني عتيبي وروقي

تـراك عـندي غير عن باقي الخود

وثـقت فـي وكـر المحبه سبوقي

الـبطـالـه ظـاهـره فـي الـمملكة معروفه

والـسبـب قـل الـوظـايـف يـالـمقام السامي

الـشبـاب يـشيـب راسه مالقى مصروفه

لــو يــمد يــديــه لأهــل الـخيـر مـايلامـي

وضـعهـم مـزري وحـنا بالعيون نشوفه

والــبلــد مــليــان بــالـخيـرات والأنـعامـي

شـفت فـرقٍ في حياة المجتمع وظروفه

أحـد تـاجـر وأحـد يـمشـي حافي الأقدامي

كـل راعـي واسـطه يدرك جميع شفوفه

مــاشــكى جــور الـليـال وضـدّة الأيـامـي

والـضعـيف مـالـه الا حسرته في جوفه

حـاجـته مـاتـنقـضي فـي سـايـر الأعوامي

مـوتـره مـن كـثر روحاته يهرب صوفه

والــنتـيجـه مـاطـلع رقـمه مـع الأرقـامـي

والـحصيل الدين شاله شيل فوق كتوفه

وآخــرتــها قــيدوه بــقيــد فـي الأقـدامـي

ولا لـه الا إنـه يـصك بـقلـته في الطوفه

وش يـسوي دام مـالـه واسـطه ومـحامي

يستريح مع الجميل اللي يخضب كفوفه

ويــتحـلى بـالـصبـر لـو إن جـرحـه دامـي

والـبطـالـه والـعنـوسه بالخطر محفوفه

والـظمى مـايـونسه في الكبد غير الظامي

كـان شـعري مـايـفيـد المجتمع بحروفه

ليه أصوغ الشعر وأسهر وأتعب الأقلامي

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::

---

]d,hk hgahuv Llv.,r fk ahud hgykhld