يامودعــ(ن) تودع ترى في الأعماس= ولابد صيوري عن الهرج ناسي
بلي قلبي فيه تسعين هوجاس= نوجن يتوق ونوج فيه الرياسي
من واحد لصخيف الهدم لباس= لا معتلـ(ن) عوده ولاهوب عاسي
طرق الهواء في محجر العين رماس= قتلـ(ن) لقلب المشتقي بالغلاسي
يافضة ماصلحت عند نحاس= مصبوبة ماشمعت بالنحاسي
وده حناني زيد منقوش الألعاس= حني العذوق الحانيات العواسي
ويالجتي لجة قطيع على خماس= شولـ(ن) سخاف ورعيهن اليباسي
قلطلها اللي محتضن سبقة الناس= واليا على الماء يجدعون اللباسي
والدلو طاحت والرشا مقط ونحاس= وهنه وقوف وعطفـ(ن) في المراسي
في عيلمـ(ن) ملسا الجبا مالها ساس= تسعين بوع وجمها مايقاسي
لابه حد(ن) يجذب ولا فيه غطاس= واللي حضرها كل أبوهم هداسي
الكل دوب يضفي الهدم بالرأس= والورد يردم والقطين متماسي
وجدي وجود ركيب عقب الأفلاس= تلفا ودوب يعطون الحساسي
ركبوا على هجــنن من الحيل جلاس= عاسـ(ن) عصبهن من السج قاسي
لا للواحي والمساليك الأملاس= وحبال من تحت الأشدة مساسي
ليا ينزع كما ينزع من الوكر قرناس= اليا طاح من روس الهجين العطاسي
بنت الأصلية روحت تمرس امراس= وبنت الردية خليت في المحاسي
يشدن صيدن حايز(ن) عقب الأوناس= مذيرينه بأمهات الكراسي
وقلطلها اللي في المحاضير مدباس= يبون رسن خابره بالهجاسي
وحول لهم قرمـ(ن)شفاياه يباس= ومن الظمأ قد طاح غير متواسي
وعقب اقرحه وليا الرجاء فيه والياس= وليا العلاء طعسـ(ن) والأسفل رواسي
وردت وعلق في قلصها يجي طاس= واسقى هل اللي كسبهـ(ن) الفلاسي